يبون يقتلوني

جزاها الله الف خير للي دعت لي من قلبها

هيه انا صليت استخاره بس مافي مانع ابا اني استشير ناس قريبين مني.. وللي ماتعرف هالشي تروح تبحث و تسأل عن صلاة الاستخاره
ياما ناس صلوا واتعرقلت امورهم وبالاخير انكتب لهم الي يبونه و الله قال اسعى ياعبد و انا بسعى وياك..

انا بصراحه مايهمني اهله رضوا او لاء لأنهم مايعرفوني عدل و لا حاولوا يتعرفوا علي.. المهم اني انا وياه لما يتسكر علينا باب بيتنا نكون مرتاحين

انا من النوع الصبور جدا.. و عنيده و احب الحق.. المسأله ماصارت مسألة حب.. المسأله صارت تحدي بين الحق و الباطل

خواتي لييين متي بنسكت على ظلم اهالينا..

بخبركم شي مثلا أمه ( و ان شاءالله تكون عمتي قريب) ماتعرف تقرا و لاتكتب و بالذمه الي مايعرف يقرا كيف يمسك القرآن هذا هو الجهل

ما اقول هالكلام دفاعا عن نفسي او عن الحب الي من بينا، اقول هالشي و انا واعيه عقليا لأن لا الله و لا الرسول يرضون بالظلم

يمكن الله رايد لي اعيش هالمعاناه و يختبرني مثل مايختر عباده الصالحين.. يمكن اكون عبره للاجيال الي بعدنا

يمكن و بإذن الله اصير زوجته و يعتبر كل جاهل... ليش اعيش بتعاسه و ليش هو يعيش بتعاسه.. ليش نخلي اهلنا فرحانين على حساب سعادتنا..

و لين متى الجهل بيكون في عقولكم يابنات.. انا بصراااحه مب مستعده ابدا ارتبط بشخص مااا أعرفه لأن الزواج عشره و عمر

الله قادر و انا مؤمنه بقدرته حتى لو ماكان لي نصيب فيه بس الله قادر على تغيير الاقدار و الأرزاق...

و ان شاء الله بقدرة واحد أحد أكون له و يكون لي و يرزقنا بالذريه الصالحه

لاتزعلون من كلامي انا وايد احب القرايه و قصص الانبياء و اشوفهم كيف عانوا بحياتهم بس كانوا صبورين

و انا يابنات مافيني شي اخلاق و دين و جمال و نسب ومال... ليش الرفض؟!

واصحوا لحالكم لأن انتوا سواء كنتوا أمهات او خوات بتتصرفون نفس التصرف لو اخوج او ولدج اختار عروسه ( مب كلكم ) بس معظمكم

وهالشي صار في بيتنا لما الوالده رفضت البنات الي اختارهم اخوي و اختارت ذات الجمال و النسب >> بس تعرفوا شو صار>> خذت عقل اخوي لدرجة انها مب ملتزمه بحجابها و لا عندها اخلاااق لدرجة ان لبسها صار مثل لبس الاجانب.. يعني تتعرى جدام الناس ريااييل و حريم .. (الله يعافينا و يعافيكم )

ممكن حد يكتبلي الرابط حق الموضوع علشان اقدر افهم الموضوع وارد ع البنت ..

هلا اختي حبيبتي
اول شي حبيت اقولج اني حيل تفاعلت مع قصتج وقلبي عورني عليج اسأل الله ان يفك كربتج

ثانيا اتمنى يا اختي تفكري بالكلام اللي راح اقوله الحين

اختي حبيبتي شوفي الريال ما قصر وياج في وقت انتي كنتي محتاجته فيه لكن لا تنسين ان الله حفظج وما طيحج بواحد من هالذئاب البشرية

فرأيي انج لا تصرين عليه واذا الله ماكتب لكم زواج فاتركيه بدون مشاكل لانج لازم تكونين على ثقة ان الله عز و جل كاتبلج الافضل والاحسن ان كان هذا الرجل او غيره

اختي حبيبتي خلي حب الله هو الحب الاكبر في قلبج وبهالمناسبة بعطيج هدية ماقلتها لحد غيرج
ادعي هذا الدعاء
((( يا مقلب القلوب ثبت قلبي على دينك )) و (( يا مصرف القلوب صرف قلبي على طاعتك))
والله يا اختي هذا الدعاء انا مجربته واضمن لج نجاحه 100%

اختي صدقيني عمره الزواج ما يكون تحدي و صراع تدرين ليش ؟ لان احلى ما في الزواج لما يتفقون الطرفين + مباركة اهلهم لأن الام لما تكون راضية عن ولدها الله يباركله بحياته ورزقه وذريته .
اختي ثقي ان هذا الكلام كله نابع من تجارب سابقة سبق ان عايشتها مع المقربين واغلب اللي تزوجوا غصبن على اهلهم ما توفقوا و بعدين اذا الله رزقكم بعيال شنو راح تكون حياتهم وسط اهل يتمنون اذى و موت امهم و هذا الواقع ، ولا تتخيلين يوم انهم راح يتغيرون في يوم من الايام.

بعدين يا اختي ترى ما في احلى من الحلال انج تاخذين واحد بالطريقة العادية راح تضمنين اولا رضا الله عليج (( اللهم اغننا بحلالك عن حرامك )) ثانيا غالبية المتزوجين عن حب دب بحياتهم الشك و قامو رياييلهم يعايرونهم بماضيهم صدقيني هذه كلها حقائق وموثقة بالمحاكم في ملفات اسباب الطلاق .

اختي فكري بتعقل ووازني الامور عدل راح تكتشفين ان حياتج اغلى من انها تروح عشان ريال واللي انتي ما راح اتعرفين حقيقته الا بعد الزواج صدقيني ان حياتج اهم من انج تشغيلينها بمشاكل وصراعات ، نصيحتي لج ابتعدي عن المشاكل وعيشي حياتج بهدوء مع رضا الله عليج اللي بعوضج بأحسن منه اذا ما كان نصيبج.

اسفة للاطاله بس لأن الكلام كان من القلب للقلب:15:

و السلام عليكم ورحمة الله وبركاته

حبيبتي الله يوفقج ويسهل اموورج صدقيني اللي الله يكتبه لا اهله ولا غيرهم يقدر يغيره وصدقيني ان شاء الله الله بيسهلج أمورج وبتاخذينه واكثري من الدعاء والاستغفار واذا كان صدقيني خير لج بتاخذينه على اللي يرضى واللي ما يرضى ومستحيل يدخلون نفسهم في جريمه باين المجرم فيها مثل الشمس صدقيني مستحيل بس هذا مجرد تهديد له..

يارب ينولج اللي في بالج آجلا وليس عاجلاً..

تسلموون على ردودكم

امري بإيد الله سبحانه وانا مب يائسه من رحمته

تسلموون على ردودكم

امري بإيد الله سبحانه وانا مب يائسه من رحمته

يعني الحين يوم كلمتيه فالتيلفووون.. ها ما يعتبر معصيه...

ليش ما تقولين يمكن رب العالمين يعاقبج فالدنيا على المعصيه الي سويتها.؟؟؟!!!!


لو جي كلنا بنرمس وبنصلي الاستخاره وبناخذ الي نباه غصبن عن الجمبيع لو الله مب رايد...وبنقوول رب العالمين قال اسعى يا عبد وانا بسعى وراك


بعدين لانبياء عانوا على نشر لاسلام وصبروا على مكر اليهوود وتعذيبهم ما عانوا على الحب و المعصيه

ما جد سمعت ولا قريت قصة نبي حب وحده و اهللها ما وافقواااا وهوو صبر وغصب عن اهله خذهااا



حبيتي محد يقولج لا تاخذينه...يوم انج صبوووره وراعيت حق ما في داعي تكتبين قصتج...يوم قلتي رب العالمين ولا رسوووله يرضووون بالظلم

تراهم حتى ما يرضوووووووووون بالمعصيه مايرضوووووووون بعلاقات الحب بين شاب وشابه وتكلمه في التيلفوووون ومن هالسوالف...

عزيزتي لا تكونين متناقضه مع دينج...شوفي شو الحلال والحرام اول شي

اذا الوالده اختارت من اختيارها وطلعت البنت وخذت اخووج وجلبت راسه ...

حتى انتي تبين تاخذينه من غير رضى اهله ولا يهمووونج اصلا فا كيف بتكون علاقتج وياااااهم كيف بتحببينه في اهله...يعني انتي ومرت اخوج اسمحيلي نفس الوضعيه بتكونوووون...

يعني الانسان يعصي ربه وبعدين يقووول يااارب وفقني فالي انا اتمناه كيف جي ما ادري...

اي شي انسويه حرام اذا الله ما عاقبنا في الدنيا بيعاقبنا فالاخره ومب انا اصلي 5 فرووض واسير اكلم يعني كاني ما صليت

لان الصلاه تنهى عن الفحشاء والمنكر انتي كنتي اتصلين بس ما كانت تمنعج عن انج اتكلمين الشاب...؟؟!! فهل صلاتج صحيحه...



اتمنى انج تعرفين شوو الي رب العالمين يرضى فيه عسب تعرفين كيف ترضين نفسح

صبــــــــــــــــــــــــــــــــــــــــــــــــــــــر الانبياء لا تقارنينه بصبــــــــــــــــرج انج حبيتي واحد وتبينه...


هذا اكبر حرام تسوينه...في حقج

استغفر الله

يؤؤؤؤ قتل

وين عايشين بالله وش هالاسلوب

اختي نصيحه اذا الحكاية من اولهاااا مشاكل ابعدي وربي يعوضك خير عارفه ان كلامي ماراح يعجبك بس نصيحه مني لك
موب عشان تهديدهم لا والله بس الانسان يبي يعيش حياة هادئه ومستقره والحين انتي الحب عاميك ياااما غيرك ندمووووووو :(