زواج سري....ابي شوركم

الله يهديها ويصلحها

يا الله
والله مش لقيا كلاما قوله
ربنا يستر عليها

ويكرمها والله انا حاسه انه من كلامك كدا انها فعلا مش عامله حساب لحد
والاكتر ازاى اللى هيتجوزها دا عارف انها فاقده عذريتها وهيقبل؟؟

ولا هو اللى افقدها عذريتها؟؟

احس فى شيئ مفقود بالموضوع

لاحول لله تحملي تخلينها تتزوج لان بتضيييييييييع وبتنزل كرامه اهلها وبعدين اهي ما تخاف ان ابوها يصيدة شي لو سمح الله خل تفكر مليون مرة والمفروض كانت تحافظ على روحها

الله يستر الله يستر

بس حبيت ارد على وحده من الخوات الي قالت انه هي فاقده عذريتها كيف الريال بيرضا ياخذها.....أتوقع في بنات بهالزمن و من قبل كانو بنفس الحاله وعرسو والله ستر عليهم

الحمدلله والشكر

الله يستر عليها وعلى جميع البنات ويصلح امورها

زواج بالسر >>>> بلوى

وهو بيوفر كل شي لي و مدام انا بعدني ادرس خليني معاه..
تبا تعرف كيف تضمن كل شي منه.......( مصدقة انها عروووس) تبا تسير السوق تبا تتسوق تبا تسير الصالون

انا استغربت ان محد لاحظ هالملاحظه يعني هالكلام يكفي ويوضح ليش هالانسانه تبي تتزوج هذي الناس اللي تزحف ورا الفلوس كذا يصير فيها (عطني دولار و......)

حبيبتي ابد ما انصح بهالشي
صدقيني في بنات واجد من نولدوا وهن مافيهم بكارة
تروح لي تتزوج بالسر !!!
غلط
اذا بكرا صار شي لاقدر الله اهلها بيصير فيهم شي وبتكون هي السبب
بعدين بتقول ياليت ما سويت هالشي

اختي حاولي تقنعينها تهون من هالشي
وطمنينا شو صار

عزيزتي روضة القلب صديقتج لما فقدت عذريتها اهلها وين كانو عنها وليش خانت ثقت اهلها فيها .
اذا محد يراقبها فالله سبحانه فوقها ويعلم بكل خطوه تخطيها بس الظاهر اهي مو مسويه حساب لاهلهااا ولا حق ربها لان الشيطان راكبها من ساسها لي راسها ..وبعدين حتى لو تزوجت هذا الريال ماراح يثق فيها تدرين ليش اللي تخون ثقه اهلها عمره ماراح يثق فيها.. وتطيح من عينه ومو بس جذي اكيد راح يحصل طلاق..بس مااقول الا غير الله يكون في عون اهلها ويصبرهم اذا دروو بالسالفه ..الله يستر عليها دنيا وآخرة
والله يستر علي وعلى خواتي وعلى بنات المسلمين يارب العالمين..
لا تزعلين من كلامي روضة القلب بس والله الواحد يكتب غصبن عنه من يسمع هالكلام..
بس الله يهديها

Safroota;5621283:
وهو بيوفر كل شي لي و مدام انا بعدني ادرس خليني معاه..
تبا تعرف كيف تضمن كل شي منه.......( مصدقة انها عروووس) تبا تسير السوق تبا تتسوق تبا تسير الصالون

انا استغربت ان محد لاحظ هالملاحظه يعني هالكلام يكفي ويوضح ليش هالانسانه تبي تتزوج هذي الناس اللي تزحف ورا الفلوس كذا يصير فيها (عطني دولار و......)

اتمنى انها غيرت رايهـــــــــا وفكرت بسمعتها وباهلها


الله المستعـــان

أخواتي العزيزات ....

البنت قرت ردودكم وصحيح ان اغلب الردود قاسية وهذا لمصلحتها طبعا وانا ادري قلبكم عليها...بس بعد هي تقول ان في ردود تجرح اكثر من انها تنبه الواحد...

ربيعتي فكرت بعقلها والحمد الله الله هداها وهي ردت بكلامها وكانت تقول ان الريال كان فوق راسها مثل الشيطان والحين الحمد الله عرفت مصلحتها...

تشكركم كلكم من اول اسم لآخر اسم دخل هالموضوع و أبدا النصح...
لكن هي حازه بخاطرها كلام بعض الخوات الي كانوا يردون عن موضوع فقدان البكارة ويجرحونها بالكلام دون ما يعرفون السبب الحقيقي الي ادى لفقد هالشي...
هي ما تبا تدخل بالتفاصيل لان هالموضوع يضايقها...البنت من كان عمرها 6 سنين وكل يوم يعتدى عليها من قبل ناس خانوا الأمانه وما راعوا الله بهالطفلة....اكيد الكثير منكم بيطرح أسئلة كثييره بس هي موكله امرها الله والله يستر عليها دنيا و آخره...

الله يستر عالجمييييييييييييييع وشكرا عرايس مرة ثانية

أسمحيلي اختي هذه مرخصه نفسها مرة يعني مايكفي المصيبه الأولى بتصلحها بمصيبه اكبر يعني بتتزوج بالسر ليش هو هين اول شي السمعه حتى لوكان بالحلال لإن الزواج اشهار مو خش ودس وافرضي حملت حتى لو خذت احتياطها بالحبوب افرضي حد شاف الحبوب زين غير هذا كله الزواج مو لعبه عشان يتزوجون بالسر وعقب يخلصون دراستهم يتطلقون هو مبخسران شي هي اللي بتخسر سمعتها واهلها واصلا هي خسرانه نفسها يعني خلي تسمع مصايب الناس اللي ابوها يذبحها وينتحر والعار يلازمهم طول العمر والي يصير فيه سكته قلبيه ولوعندها خوات بتأثر عليهم إذا كانوا متزوجات ولا لأ اصلا بتدمر العائله لو كانت بايعه نفسها خلي تفكر بعائلتها وخصوصا هو مايبي يتشرف فيها ويعلنها زوجه وخلينا نتكلم بصراحه وعلى قولة وحده من الخوات الي ردوا هي مو اول وحده تتزوج وهي مو عذراء هذه القصه الحين سهلة الحل

لا حول ولا قوة الا بالله
لازم تتحمل عاقبة الي سوته حق نفسها هي المسؤولة الاولى والاخيرة ......

يا بنات استغفروا ربكم ..

منو انتوا عشان تحكمون على موضوع فقدان العذرية ؟؟!!!

خافوا الله هذا قذف !!!

و بالنسبة لموضوع الزواج السري .. اختي فهميها ان هذا مو حل ..
الله يهديها ان شاء الله .. و مااتوقع انها تبي تتزوج عشان مووضوع العذرية
قولي لها دامها مظلومة بهالموضوع ( لعذرية و هذا اغلب الظن ) لا تتسرع بهالموضوع و الله حرام ..
خصوصا ان موضوع العذرية اهلها مااتوقع يدرون عنه .. صدقيني محد راح يسامحها اذا دروا عن الزواج بالسر
الله يهديها و يكتب لها اللي فيه الخير ... =)

الله يستر ع صديقتج دنيا واخرة يارب

بس امانة انصحيها ما تخطو ابد ابد هالخطووه

لانها فيها دمار لحياتها مو اصلاح صدقيني

خل تفكر شوي شلون بيكون حال اهلها لو دروا

خل تفكر بامها بابوها اللي ربوها ووثقوا فيها

وثاني شي شبتقول اذا حملت !!

ترى الله قدير ع كل شي حتى لو خذت موانع وغيرها ياما صارت مع ناس والموانع ما قدرت تسوي شي!!!

امانة اختي تعقلين رفيجتج ولا تهديها تسوي اللي تبيه

الحياة مب هينه باجر هذا بيقطها وبيخليها ما تسوى بعدين شلون بتقدر تطالع ف عيون اهلها

ربي يستر علينا وعليها وع بنات المسلمين يارب ويحفظهم من الضياع

ههههههههههههههههههههههههههههاااااااااااااى رد حلووووووو على او صواله

الحمد لله انها فكرت والله يستر على الجميع

الحمد لله انها فكرت والله يستر عليها
والله كسرت خاطري
بس لاتخاف مادام هي مالها ذنب بفقدان عذريتها فصدقيني صدقيني الله بيستر عليها
الله اعلم بعباده وما يظلم احد
والله ماينسى عباده
خل تحط هالاشيا ببالها وتوكل امرها لله
وبعدين مثل ماقلت ان في بنات ينولدون مافيهم بكارة

ومن جد ازعجتني بعض ردود البنات اللي يقطون الكلام ومايعرفون شالسالفة

الله يهديها ان شاء الله
قولي اليها لاتحل المشكلة بمشكلة اكبر منها

الواحد خلاص قرب عقله يشت هو عادى كده انها فاقده عذريتها هو ايه سحاب تقفله وتفتحته وقت ما هى عاوزة
ربنا يستر علينا وعلى عيالنا وعلى بنات الملسمين والمسلمات

استغفر الله ... يا بنات استغفرو الله ولا تيلسون بس تسألون عن سبب فقدان عذريتها ..؟؟ ها شي صار...

واللي بييلس يجرح لا يكتب ولا يرد لأنه البنت طالبه مشورتكم في موضوع الزواج بالسر....

والله لازم تنصحين اربيعتج انها ما اتفكر في هالشي لأنه هالشي حرااااااااااام وباطل... وخل اتفكر ابعقلها مب ابقلبها .... وخل اتفكر في نضرة الشرع في الزواج السري... وخل اتفكر ابعواقب الزواج ...

والله يستر عليها دنيا واخره ويعينها يارب .....