مترددة وخايفة ... نصايحكم جزاكم الله خير

السلام عليكم ورحمة الله وبركاته

اشحالكم عرايسنا وبناتنا الطيبات ..


سالفتي يا حبايبي اني مترددة وخايفة ..

الموضوع :
انا تعرفت على شاب و صار لنا 4 سنوات والحمدلله حالتنا حلوه وطبيعية .. الحب ما بينا وفي خلافات بس تنحل .. بس المشكلة انه الخلافات في هالسنة 4 زادت بكثير والسبب .. اهو يبغي يتقدم لي بس أنا رفضت بحجة اني ما زلت أدرس وانا طبعا هاي آخر سنة لي .. بس المشاكل مشاكل غيره ودلع وتغلي .. تمشي عادي .. وانا مب مضايقة من ناحية المشاكل ..

بس اللي مضايقني .. اني أنا إماراتية يعني مواطنة .. وهو يمني الجنسية .. اذا سمعتوا انه أكثرهم ما يوافقون على الانسان اللي هو مب من نفس الجنسية .. بس والله انا ما عندي خلاف في الجنسيات ولا الديانات ولا حتى الالوان .. بس اللي مخوفنا الاهل ..

يا ناس هو يمني وانا إماراتية .. ونحن الاثنين خايفين .. بس انا الحين وكم مره صار لي وصلّيت استخارة ربي كان فاتح عليه قلبي ومشرحه .. وصرت الحين قوية ومب خايفة ومتوقعه الموافقة .. بس لما هو يقول لي انه هو خايف اهلي يرفضونه .. انا بعد اتردد معاه بس بعد اشجعه واحفّزه ..

علاقتنا ما انبنت الا على اساس الزواج .. هو أول ما تعرف عليه قال لي شوفي يا بنت انا ما تعرفت علشان ألعب انا أبغي اتزوج واذا ما عاجبك خلاص ننهي اللي بينا والله يعينك ويوفقك .. بس انا من كثر ما بديت اتعرف عليه وعرفت اخلاقة وطيبته ودينه .. حبيته من الناحية في البداية .. بعدين لما اكتشفت انه هو يتيم يعني أبوه متوفي لما كان عمره 7 سنوات .. و هو أكبر أخوانه ..


انسان طيب ويحب امه واخوانه .. وانا تعلقت فيه وصرت و الله ما ابغي احد ..

يعني انا ما كنت أبغي العلاقة تكمل بس لما عرفت انه نواياه نظيفة حبيته ..





بس شسوي بأهلي .. هو كلمني و صار اني كلّمت عمّه اللي هو ولي أمره ..
بس الخوف من أهلي .. نحن طبعا ما نبغي أهلي يدرون ان هو يعرفني ويكلمني .. هم بيتقدمون لي بالطريقة التقليدية ..

بس يخافون أهلي يرفضون .. انا أمي وابوي يعتمدون علي في المخ .. يعتبرون أعقل وحدة في البيت وأفهمهم .. ويحبون حب والحمدلله ..

طبعا أنا الثالثة في ترتيب خواتي .. يعني قبلي 2 .. وحده تزوجت .. والثانية لا ..

من تزوجت اختي العودة الاولى .. صارت مشاكل كثيرة بسببها .. لانها ما تبينا وصارت أبد ما تحب تجي بيتنا .. وانا اعرف اختي هاي .. خبله وبسرعه تمشي كلام الناس ..



الله يهديها بس

بس أختي هاذي سوت لأمي وأبوي عقده .. صاروا شديدين .. وصاروا صارمين بسببها ..
يعني دوم يقولون لي ما راح تتزوجين .. ويقولون لي نحن ما بنزوجك من اي شخص بسيط ..

يعني صاروا واااااااااااااااااايد متعقدين من أختي اللي تزوجت ويابت لهم العقدة ..



أنا أقدر أفهم أهلي و أقنعهم .. بس خايفة وربكم خايفة يا بنات ..


قولوا لي شو أسوي .. انصحوني .. ساعدوني .. (f)