السلام عليكم ورحمة الله وبركاته
انا عندي مشاكل رغم اني صغيره واتعبتني هموم الحياة
وبالذات هموم المدرسه والصديقات فارجوا انكم تساعدوني لاني منشغل بالي كثر مره
انا ادرس في ثالث متوسط انا انسانه طيبه زياده عن اللزوم وماخذ حقي ومشكلتي اني لا اثق في نفسي عشان كذا االبنات مستغليني (وهذا اللي قاهرني) واذا احد مدحني افرح واذا احد سبني اكون مهمومه واعيف الدنيا واشك في الناس شك غير طبيعي واقول في نفسي ياربي هذي شكلها مزعلتني ...... واصدق كل من هب ودب واخاف لاجات مشكله ولو الحق معي وكل تفكيري دائما بالبنات عشان كذا ماني قادره اعيش حياتي وبعض الاحيان الوم نفسي واعاتبه
بالله وطلبتكم انكم تساعدوني في مشكلتي هذه لان بالي مشغول كثير وابغاكم تساعدوني في ثقتي بنفسي لاني ماني قادره اوثق بنفسي ابدا تكفون يالوجيه الطيبه امانه ساعدوني والله لادعيلكم في كل صلاه
وتقبلوا تحياتي
صغيره تطلب منكم المساعده امانه ادخلوا بالله
و
30-03-2008 | 06:29 PM
م
30-03-2008 | 06:35 PM
لا تهتمين على الناس حبيبتي و ثقي بنفسش و سوي الشيء اللي يرضى الله سبحانه و تعالى
ب
30-03-2008 | 06:44 PM
لآ يا أختي انت اعطي لنفسك فرصة وثقي بقدراتك ولا تخلي أحد ينقص من قدرك
هم أحسن منك في ايه الحمد لله انت انسانة مؤدبة مثقفة مؤمنة
لا تسمعي لكلام البنات و تشيلي كلامهم بخطرك
انت قلت في كلامك ما عندك ثقة في نفسك وتشكي فيها وهذا نتيجة كلامهم عنك وتصرفهم معاك .. صح
هذا خطأ انت المفروظ تتقي بنفسك أول ليس لأنهم يقولون لك هذا الكلام حتى يشعروك بعدم الثقة بالنفس، ارجوا أن تكوني فهمت على كلامي وارجوا أن تكون وصلتك الفكرة لي حبيبت أن انقلها لك
وأريد أن أقول لك جملة أخيرة لا تستني أحد في الدنيا سواء كان صديقاتك أو من أهلك أن يمدحك ويشكر أخلاقك حتى تحسي بالثقة، خليك دائما واثق من نفسك ولا تحني رأسك لأحد خليك بكرامتك
ش
30-03-2008 | 06:46 PM
وحيـدة القمـر ...
رضا الناس غاية لا تدرك ..
ولو إنج تبين ترضين كل الناس ومحد يزعل منج أبداً هاي صعبة وايد !
حبيتي ..
قولي في نفسج آآنآآ قــويهـ .. وما بخلي أبد يدوس عليَّ أبد ..
ومع الأيام بيتولد عندج فعلاً هاي الشعور ..
والي تزعل منج ..
إذا تحسين معاها حق راضيهـا ..
والي تزع مني والدرب خلهـا ولا تهتمين حقها ..
وحاولي ترضين كل الأطراف .. بس بطريقة تحفظ لج كرامتج
ولا تخلين أبداً يغلط عليج .. لأن اذا غلطت عليج مرة وسكتي .. راح تتمادى وتغلط وتجر ناس ثانين يغلطون عليج ويستغلون طيبتج وعدم ثقتج بنفسج ..
و
30-03-2008 | 06:54 PM
مشكوره اخواتي على تفاعلكم معي انا حاولت لاكن مااقدر ابدا وهذا اللي شاغلني اني احول ومااستطيع حل مشكلاتي
ومره ثانيه اشكركم
ومره ثانيه اشكركم
n
30-03-2008 | 06:59 PM
اذا انتي حاطه ابالك انك متقدرين تثقين بنفسك
بتتعبين لان لايغير الله مابقوم حتي يغيرو مبانفسهم
بتتعبين لان لايغير الله مابقوم حتي يغيرو مبانفسهم
ب
30-03-2008 | 07:15 PM
انت حاولي ان لا تهتمي لكلام صديقاتك اذا شتمتك او قالت الي شي تاني يسيئ لك قولي لها الله يسامحك وحاولي ان تغيري الموضوع بكلام الله اوو حديث شريف او اي كلام ينسيها انها مثلا شتمتك
وحاولي ان تثقي في نفسك اكثر
وحاولي ان تثقي في نفسك اكثر
د
31-03-2008 | 01:53 AM
حبيبتي انتي في سن المراهقه الان ومشاعرك مضطربه يعني كلمه توديك وكلمه تجيبك
ومحد من كل هالبنات بيفيدك ما يفيدك الي دروسك وسمعتك الطيبه ركزي بس على الدراسه
ولا تتأرجحي بكلمات فلانه وعلانه لانهم لا خواتك ولا اهلك اتركيهم وصادقي وحده ترتاحين لها بس
وبترتاحين
الله يوفقك حبيبتي
تحياتي
ومحد من كل هالبنات بيفيدك ما يفيدك الي دروسك وسمعتك الطيبه ركزي بس على الدراسه
ولا تتأرجحي بكلمات فلانه وعلانه لانهم لا خواتك ولا اهلك اتركيهم وصادقي وحده ترتاحين لها بس
وبترتاحين
الله يوفقك حبيبتي
تحياتي
ع
31-03-2008 | 01:57 AM
ماعليك من احد اهم شي انتي تكوني راضيه عن نفسك
الله يوفقك ويسعدك
الله يوفقك ويسعدك
ن
31-03-2008 | 02:23 AM
حبيبتي خلي ثقتج بنفسج قوية ولاتهتمين بكلام الناس وتخليهم يسيطرون عليج
م
31-03-2008 | 02:16 PM
حبيبتي خلي خوفج بس من رب العالمين ..ومثل ما يقولون رضا الناس صعب انتي ارضي ربج ولا عليج من الناس ....وانتي كل ما حافظتي على صلاتج وواظبتي عليها راح تشوفين نفسيتج على طول مرتاحه وثقتج بنفسج راح تزيد ...وشيلي فكرة انج ما تقدرين تغيرين من حالج لانه دوام الحال من المحال
تحياتي
تحياتي
ف
31-03-2008 | 08:49 PM
حبيتي الموضوع ببسطه انك تحاولي تجدي نفسك يعني اقعده مع نفسك شوفي ايه الصفاتك الحلوه والاشياء اللى انت فيه قويه حاولي تظهريه امام نفسك
يا قمر مالكش دعوه باي حد ولا كلام اناس وكمان حاولي تكوني وثقه في قرارك وكمان في تفكيرك وقبل كل اشياء ديه استعانى بالله علي كل شي الله يحقق لكي كل ما تتمنيه
يا قمر مالكش دعوه باي حد ولا كلام اناس وكمان حاولي تكوني وثقه في قرارك وكمان في تفكيرك وقبل كل اشياء ديه استعانى بالله علي كل شي الله يحقق لكي كل ما تتمنيه
&
31-03-2008 | 09:18 PM
اهم شئ ثقتج بنفسج حبيبتي .. وبعدين يا حبوبه انتي لا تهتمين لاي امر يزعجج ،، طنشي صدقيني بترتاحين .. انا نفسج صدقيني صرت احاول اتغاضى كل الي اسمعه من حد ..
ض
01-04-2008 | 01:30 AM
حبيبتي أنت لية مو مواثقة من نفسج على ما أعتقد ان ما فية شئ ينقصج
كامله والكامل الله أنا صح ما أعرفج وعمري ما شفتج
بس أنتي قوية تدرين لية لانج قلتي اللي في قلبج
فية ناس وواايد تخاف ما تقدر تتكلم
أما عن الثقة ما أدري أنا عنى واايد واثقة من عمري
شوفي طالعي المنظرة وشوفي كل عيب فيج أو اللي تحسينة مو حلووو
مثل شفايفج مو عاجبتج
ودوري أي وحده تعرفينها شفايفه أشين من شفايفج وناظريها وسوي مقارنه بين شفايفج وشفايفها
وحمدي ربج
ترى الثقة بالنفس أهم شئ
ولا تكونين طيبة وااايد الطيب بهذي الدنيا يقولون عنه غبي ووانتي مو غبيه
تقبلي مرور أختج ضحاااوي
أتمنى أكون فتج
كامله والكامل الله أنا صح ما أعرفج وعمري ما شفتج
بس أنتي قوية تدرين لية لانج قلتي اللي في قلبج
فية ناس وواايد تخاف ما تقدر تتكلم
أما عن الثقة ما أدري أنا عنى واايد واثقة من عمري
شوفي طالعي المنظرة وشوفي كل عيب فيج أو اللي تحسينة مو حلووو
مثل شفايفج مو عاجبتج
ودوري أي وحده تعرفينها شفايفه أشين من شفايفج وناظريها وسوي مقارنه بين شفايفج وشفايفها
وحمدي ربج
ترى الثقة بالنفس أهم شئ
ولا تكونين طيبة وااايد الطيب بهذي الدنيا يقولون عنه غبي ووانتي مو غبيه
تقبلي مرور أختج ضحاااوي
أتمنى أكون فتج
ر
01-04-2008 | 03:14 AM
لا يااختي لاتزعلين ولاتهتمين للناس لان من راقب الناس مات هما واتركيهم وانتي صغيره عيشي حياتك بما يرضي الله ووكلي الله فيهم ولاتشيلين هم ابدااااااااااااااا
ب
02-04-2008 | 05:22 PM
حبيبتي وحيدة القمر دايما قولي لنفسك انا واثقة من نفسي وخصوصا عند النوم قوليها 10 مرات اكثر قد ما تقدري يصير عند التفكير الداخلي مؤمن بانك واثقة من نفسك وراح تلاقي نفسك اتغيرتي مع نفسك والله يوقفك يارب
&
02-04-2008 | 07:33 PM
حبيبتي وحيدة القمر ........ انتي قلتيها بنفسك انتي ماتثقي في نفسك
وهذي هي المشكله..... انتي لسى صغيرة واذا زرعتي هالفكره في راسك
راح تاثر في حياتك الجايه ............. الطيبه شئ جميل ورائع لكن حاولي
تكون طيبنك وعطاءك للناس اللي يستاهلونها ....... خليك واثقه في نفسك
لا تعطي لاحد مجال يستغل هالصفه الرائعه فيك ..... ولا تشغلي بالك دائم
في تصرفاتك ومواقفك مع صديقاتك في المدرسه ..... واللي يزعل من دون سبب
يرضى بدون سبب ........عيوني انتي مو وحيدة كل البنات ووالهم انا معاك
اذا احتجتي لشئ ........... والله يوفقك دووووووووم اختك فجر
وهذي هي المشكله..... انتي لسى صغيرة واذا زرعتي هالفكره في راسك
راح تاثر في حياتك الجايه ............. الطيبه شئ جميل ورائع لكن حاولي
تكون طيبنك وعطاءك للناس اللي يستاهلونها ....... خليك واثقه في نفسك
لا تعطي لاحد مجال يستغل هالصفه الرائعه فيك ..... ولا تشغلي بالك دائم
في تصرفاتك ومواقفك مع صديقاتك في المدرسه ..... واللي يزعل من دون سبب
يرضى بدون سبب ........عيوني انتي مو وحيدة كل البنات ووالهم انا معاك
اذا احتجتي لشئ ........... والله يوفقك دووووووووم اختك فجر
ا
04-04-2008 | 12:42 AM
هلا حبيبتي الوضع الي تمرين فيه بسب صغر سنك وتجاربك في الحياه صغيره وعشان تكون عندك حصيلة تجارب انصحك بمتابعة البرامج الي يعرضون فيها مشاكل الناس وحلولهم وتخيل نفسك لوكنت في مثل مواقفهم كيف حي كون تصرفك واستفيدي من الرد على مشاكلهم بس يكون اللي بشاركهم الرد انسان ناضج ذو خبرةوحاولي تزرعين الثقه بنفسك بانك تحقين نجاحات انتي تحسينها لنفسك نجاح حتى لو ماحد مدحك اوكلمك عنهامثل انك تحسنين مستواك في الدراسه باي مادة انتي تحبينها او تسوين نشاط مدرسي ولابد انك تبذلين جهد شوي علي نفسك عشان تحسن بالثقه ااتمنى لك التوفيق