الي ولدن قيصرية ياليت يدخلن

الجزء السفلي ماله علاقة بالموضوع الشغل كله بيكون بالبطن بس نصيحة بالنسبه للبنج اختاري نصفي وحذاري من الكامل لاني مجربه الاثنين والفرق كان كبير ..................... وبالتوفيق

الغاليه صح كلام اختي سحر مكنون الشغل كله في البطن مالهم شغل بتحت

وفعلا البنج النصفي احسن من الكامل بس النصفي يمكن يأثر على ظهرج في المستقبل

والكامل ما راح تفكج الكحه بعد الولاده وااااايد بتألمج العمليه مع الكحه فأنتي اختاري اللي تقدرين تستحملينه

اكثر ...والله يسهل ولادتج ويقومج بالسلامه ان شاءالله ولاتحسين بأي شي من اللي قلته لج ياااااااارب

اختي الله ايسهل عليج انشا الله0

لاكن توكلي على الله واخذي بنج كامل لا ن النصفي له مضاعفات جانبيه كثيرة0

وانا شخصياً جربت القيصريه مرتين بالبنج الكامل والحمدالله ماتعبت ولاشي

وبالنسبه لحجم البيبي عادي ممكن يكبر في شهرين

لانه صارلي نفس والحمد لله نزل وزنه طبيعي0

والله ايهون عليج يارب

انا ولدت قيصري قبل 3 شهور وعملت نصفي الحمدلله وايد احسن من الكامل لانه اول مايطلع البيبي يخلو في حضنج وبيكون شعور جميل ولا تحسين في أي وجع ابدا وبعد مايخلصون العمليه يعطولج ابره تنومج ساعتين اما حجم البيبي حاولي تاكلين كثير خلال الشهرين علشان يكبر حجمه بس اكل مفيد يعين مو دهن والتنضيف كله من خلال البطن ينضفون كل شي وان شاء الله تقومين بلسلامه

طبعا بنضفون الرحم من فتحت القيصريه مو من تحت ابدا
والوزن مااعرف عنه شي للاسف

أختي سويت 3 عمليات والحمد لله كله نصفي بس صح الظهر يتعب بعدين .. أما الكامل يقولون لي الأطباء إنه موب زين للبيبي يخدره.. وللأم نبضها يقل .. وهذا والله أعلم .. والحين بعد كم شهر عندي قيصرية وطلبت من زوجي يدخل وياي .. لأنه تييني نفضة بروده في جسمي أثناء العملية.. ومنها يونسني في العملية ويتكلم وياي..
لاتخافين إختاري نصفي علشان تشوفين البيبي شعووووووور حلووووووووو..وإقري أثناء العملية..

مشكورة خواتي علا رددوكم

حابه اعرف شو الفرق بين التخدير الكامل و النصفي و النصفي ماتحسي بشي ابداااا

ياليت تقولولي تجاربكم ونصايحكم عقب العملية وش بيصير من اعراض و كيف اتصرف هذه اول ولادة لي و خايفه حيل

لأن مضاعفاتها خطيرة وما تعرفين اذا الاطباء عندكم متخصصين بهذا الشي او لا ولعلمك الابرة طويلة كثير كثير ويعطونج بالعصب فلا تجازفين ، اخذي بنج كامل اضمن لج ...... انا ماشالله عمليتين والثالث بعد بنج كامل.........

لعلمك انا بالولادة الاولية نصحونى نص بنج لكـــــــــن لللأسف ما كانوا مختصين فعطونى الابرة 14 مرة ما اعرف اشلون انا عشت كنت اموت واحيا حزتها... وعملوا العملية كاملة وانا احس بالقص والخياط وسحب البيبي وانا ميتة اترجاهم ان يبنجونى كامل.. لا حياة لمن تنادى وعقب اشتكيت عليهم بس شالفائدة........


عمليتى الثانية ولدت بمسشتفى خاص وبعد نصحتنى الدكتورة نص بنج انزين اعتمدت عليها ، ماشالله مالت التخدير كانت شاطرة من عطتنى مرتين الابرة شافتنى ما تبنجت فقالت للدكتورة ان عمودها الفقرى مو سيدا فهى ما تتبنج نص فنصحيها اي ولادة تاخذ بنج كامل تخيلي..............

فتوكلي على الله عملي بنج كامل ، وسامحينى على الاطالة......

ألصراحه كل وحده تجربتها تختلف عن الثانيه فأتنمى ان تفكري بنفسك فقط وليس في أخذ أراء الاخرين لانه في بعض الاحيان أراء الغر تجعلكي تخافين اكثر وان شاء الله لاتخافي بس انصحج بمستشفى دبي هي وايد زينه وعنايتها وايد وايد زينه واسفه على الاطالفه تقومين بلسلامه

انا جربت التخدير النصفي , كنت احس بس بشد اثناء العميه لاكن من دون الم,
طبعا مش الكل ينفع معهم التخدير النصفي,
بالنسبه للتنضيف كان وقت العمليه, وانتي اتبعي كلام الاطباء , واهم شي تغذي عدل علشان ماتفقدين دم وايد اثناء العميه مثل ما حصلي ,
والله يسرلج ويسهل عليج ولادتج , وما في داعي للخوف