بنات كيف تأقلمتي مادياً بعد الزواج ؟ خلونا نتبادل الخبرات والافكار

انا بسراحه عند اهلي حالتي شبه زينه يعني الوالد الله يخليه ماسك شويه ويوم يعطينا لازم سنه نطلب منه حتى لو كانت مناسبه قريبه وانا من هاالوضع ماطلب منه اللي يجي اخواتي يجيني الا ماندر يعني ممكن يعطي وحده والباقي لا ومع الوقت تعودت بس دائما نكون الافضل والاحلى من بين كل الاقارب يمكن لاننا في الرياض وانتم عارفين طبعا اما الباقي في المحافظات التابعه للرياض بعد الزواج رزقني ربي رجال ولله الحمدمغنيني عن كل الناس طبعا كانت حالتنا صعبه لدرجه ماتتوقعهاكان راتب زوجي 3الاف ريال سعودي كان عليه اقصاد السياره واقصاد الزواج ومايبقى من الراتب الاالف و800هذا المبلغ كان وش بيسوي فواتير الجولات والثابت والكهرب والماء واجار البيت نصف الشهر ولاشي يبقى ونضطر للسلف وهذا يعكر الميزانيه زياده كنت ماطلب ابدا لاني عارفه الوضع بي هو كان حاس فيني ودائما يسالني تبني تروحين السوق واقوله لا يقولي ليه علميني كم تبين ولا عليك طبعا كنت ارفض لانه بيدن وانا مابيها دين يقولي وش عليك انتي قولي كم تبين ومشت حياتي ولا عمري اشتكيت لاي مخلوق وكنت دائما الافضل والله مو مدح بس البساطه فيها ذوق كبير والكل حاسدني متوقعين زوجي مليونير لاني مبسوطه دائما ولا عمري تذمرت وكان زوجي دائما يقولي مابعد الضيق الا الفرج استمر حالنا لمدة سنه و7شهور طبعا مستحيل كان زوجي يدفع الاجار في الفتره الاولى كان كله دين وهذا اللي مضايقني وكنا عايشين على امل يترسم زوجي في العمل ويترقى ويزيد راتبه وكنت دائما اخاف اني احمل لان الوضع مايساعد بس الحمدالله ربي رحمته واسعه ماحملت وصدر القرار بامر من ملكنا الله يطول بعمره وفرجت الله يفرج همه ويخليه ذخر و طبعا كل شخص كان يعطونه مبلغ مادي عاى حسب مدة العمل وكان مبلغ حلو وقيمته 27الف ريال طبعا 15الف كان تسديد الديون و5الاف اجار البيت وعطيت اهلي وهو نفس الشي المهم وتسوقنا ووو00000000وانتهى المبلغ بس الحمدالله الترسيم جاء العام شهر 12في اول الشهر حابه اقول السالفه كنا جالسين نسولف قالي زوجي لما ينزل الترسيم ذا الشهر ان شاء الله بنحج انا مشيتها ان شاء الله من بكره فجأهكان يقولي خلاص جاء الترسيم انبسطنا كثير وقررناالحج وحجينا ورجعنا الله يتقبل منا ومن المسلمينبعد مارجعنا جتني الدوره الله يكرمكم بنفس الشهر وبعدها ماعد شيفتها وحملت بفضل ربي وصبري ودعائي بس الله يثبته ويتممه ويهون علي يارب واقوم بالسلامه حاسه اني دخلت مواضيع مالها داعي في بعض بس حبيت افهمكوش معنى مابعد الضيق الاالفرج والمصروف افضل انك تتفقي معاه وين الافضل بالنسبه لك انتي وهو حتى بعدين مايقول انتي اللق قررتي وهذي وجهت نظر



طولت عليكم سامحوني ع الاطاله بس اخذني الكلام

الحمد لله على كل حال بالسراء والضراء
بالنسبة لي:

انا كنت بكل امانة عايشة في بيت ابوي وامي مب مقصرين علينا بشئ,ولما تزوجت نقص هالشئ وااااااااااااااااايد
ريلي بداية زواجنا صارت عليه ديون ، عقب امي الله يطول بعمرها نصحتني وقالت لي اوقفي جنب ريلج وباجر بتشوفون نهايه صبركم..

الحمد لله والله يا اخواتي وقفت معاه، والشاهد الله: حتى عمتي من فترة شهر ونص تقولي صراحة انتي صبرتي ووقفتي جنب ولدي والله بيجازيج خير
اكتشفت ان الفلوس والمادة تروح وترد بس الزوج اذا راح ما بيرجع

فبديت حياة جديده وربيت عيالي وصبرت ونلت الحمد لله..وسديت اذني عن القيل والقال
مو مثل بعض الاخوات الله يصلح حالهم، والله ما يتكلمون الا عن اللبس والا ريلي جاب وريلي اشترى وريلي .....انزين ليش!! يا اختي ستري على نفسج كفاية غرور لا حول الله، جنه ما في احد يشتري ويجيب غير هالريل!!!!!!!!!!!!!!!!!!..والله اعلم اذا كان هذا الكلام صدق والا جذب نصه ههههههههههههههههه، بعدين يقولون الناس حسدتنا، انزين امسكي لسانج ولا حد بيقرب صوبج!!

الحمد لله شلت هالعادة البشعة والثرثرة وتوكلت على الله، وقلت الله ساتر علي وعلى ريلي وعيالي، الناس بتشوف من لبسي ومن ابتسامتي،اسلوبي وكل شئ يخصني ببين على ويهي هل انا مرتاحة والا لأ!!

الكلام الزايد ما منه فايدة

الراحة النفسية بين الزوجين تسوى فلوس الدنيا

ممممممممممم اول شي انا وريلي قبل الزواج متفقين ع كل شي يعني على اني بسكن مع اهله سنه وبعدين بنطلع على راحتنا يعني يكون خلص ديونه وكنت وياه بكل شي يعني انا مو من النوع اللي اقول له ابا وييب وهات وبصراااااااااااااااااااااااااحه ما كنت اشتري الا اللي احتاجه بس مع انه الحمد لله ماكان مقصر ويقول اللي تبينه اشتريه عادي بس انا كنت ( ولا ازال ) اراعي وما اخذ الا اللي احتاجه وعيالي بعد ماكنت ارهقه بطلباتهم وكل يوم خذ وهات وييب وسوا لاااااااااا .. هذا غير اني معتمده على الله وعلى نفسي لليوم بدون خدامه اسوي كل شي بروحي اكوي ملابسه واطبخ له وكل شي يعني هذا جزء من الوقفه الماديه والمعنويه ويا زوجي . الحمد لله بعد سنه تغيرت احوالنا وسكنت بروحي وبعدها بكم سنه انتقلت وياه مكان شغله وصرت اقرب وخذاله سياره وبياخذلي باذن الله قريب .. وزاد شهريتي .. هذا غير انه ما شاء الله ( اللهم لا حسد ) توفق بشغله وترقى وزاد دخلنا الحمد لله .. بس كل هذا بفضل ربي وصبرنا يعني بعمري وربي شاهد علي ما سويت له مشكله او سالفه اني ابا شي وما ياب لي اياه بالعكس كنت اقول بخاطري اصبري وهو بيشوفها حلوه منج وبعمره ما بيقصر ( على فكره ريلي بيقرا ردي هذا ) عشان جيه اكتب الصدق والحاصل مني والي دوم هو يردده علي انج انت يا فلانه صبرتي وتحملتي وكرفتي عشاني والله عوضنا خير الحمد لله

الله يوفقك

كلن وقناعاته وحياتة الخااااااااصه

ممكن اللي يفيدك مايفيدني

انت شاوري نفسك وتصرفي التصرف اللي يريحك امام الله ونفسك

لا تضغطي على نفسك ولا تسبي الموزوع واقف

والا ربي مايعوضك خير

وحده كان اميره عند بيت اهلها وملكة عند زوجها راتبهاااااااااااا ماتصرف منه الريااااااال

مرت على زوجها مشااااااكل و تعبت حالتة المادية

والله هي اللي صرفت على البيت وصرفت وعليه ...

ولا احد دري من اهلها او اهله ..اتصرفت التصرف اللي يريحها ويرضياها

وبعدها الله فتح عليها .. ورد لها كل اللي رفته وزياااااااااااااده

والاهم انها كبرت بعينه وماسار يستغني عنها

هذا الموظوع لازم يتكمل..حاسه أن كل المزوجات في المنتدى حالتهم ميسوره...لأن ما ظافو شيء على الموظوع

انا بصراحه لي الحين ما خلصت دراستي ا عايشين على معاش واحد او الحاله لله عمي ماشاء الله مب عنده بس يقدر يدبر عمره بس شو الحبيب معتمد علي كل ما صار شي يوجهه الكلام لي وب سباله انا البنك المركزي لانه الجامعه تعطينه مصروف شهري بعض المرات صراحه اصرف بالهبل او ماعرف اخش ماعرف كيف اخش حتى لو درهم حاولت كذا مره بس فشلت وايد وايد او متضايقه من هل الشي بس شو بعض المرات اخلي كل شي علي هو او كل شهر مصروفي عندي او بعض المرات لازم اساعده شوي يعني الحين ابغى اشتري دش ووشر يقولي ما بقدر اخذها اقساط انطري علي شوي باخذها كااش انا عندي كااش الحين اقوله انا اخذها او عقب تنصرف الفلوس