ام زوجي ياااااااااااااااااااااالطيف والله جننتني تعالوا يابنات انا تعبت وقولوني تعب

صباااااااااااااح الخير ياحلوين
يابنات بدخل بالموضوع تكفون يابنات وش اسوي والله تعبت
بقولكم قصتي من الاول لما جاء زوجي يخطبني وارسل اهله عشان يشوفوني طبعا ذمو فيني لين قالوا بس وسبوا فيني وفي امي لين قالوا بس لكن ابوه وابوي كانوا متفقين وصار الزواج وابوي الله يعطيه العافيه ويشفيه ويخليه لنا تساهل مع زوجي كثير ما شاء الله وما كلف عليه بشي لدرجه انه ما اخذمهر الاعشر الاف ريال بس ولا سوا زواج ولا حفله ولا تصوير ولا شي حتى ما لبست فستان ابيض وانحرمت من فرحتى كله عشان ابوي يراعي ولدهم
وقسم بالله قسم بالله اني ماعندي غرفه نوم واني كنت انام على سرير اخوه ولحمام مشترك بيني وبين اخوانه العيال وقسم بالله اني مابيني وبينهم الا جدار واي صوت يسمعونه ولااحظوا اني عروس وفهمكم كفايه المهم لما دخلت عليهم في البيت اول مره لابسين قمصان وانا اول مره اجيهم واول زواج في عايلتهم لان ولدهم هو الكبير ومن كثر ماهم حاقريني ما لبسوا وتكشخوا لا طالعين بقمصان تقولين عندهم حدادقلت يمكن ماعندهم بس لااحظت اذا جاء احد يحبونه يلبسون ويكشخون كنهم رايحين زواج والتهليل والترحيب تسمعينه قبل ثلاثه كيلو اما انا سااااااااااكتين المهم انا سكت وذقت المر وتحملت بس عشان زوجي وغير كذا ما كان عنده سياره يعني ماعند ولا شي وصبرت وتحملت واهله مادفعوا معاه ولا ريال ولا ساعدوه في المهر ولا عطوني حتى عود اسنان وصبرت وتحملت ابوي الله يشفيه كان يحب ابوه وتساهل معهم لكن امه وخواته ما يبوني المهم بعد 4 شهور دخل زوجي على امه واخته في المطبخ ولقاهم يحشون فيني وسمعهم وهم ما يدرون ولما شافوه تغيرت وجيههم وارتبكوا طبعا زوجي طلع وهو زعلان منهم ولا قال لهم شي بس جات اخته وتطالوت علي بالكلام وتكلمت في شرفي حسبي الله عليها حسبي الله عليها ونعم الوكيل الله يوريني فيها يوم ااااااااااااااه بس المهم عمي طبعا حشو راسه علي وطردنامن البيت قال زوجي بنطلع شوي لين ينام وبنرجع ولما جينا ندخل لقيناه مسكر الباب وحاط المفتاح ولا قدرنا ندخل طبعا كان ايام رمضان وقبل السحور بساعتين ولا معنا ولا ريال طبعا رحنا الكورنيش وقعدنا لين نلقى احد يفتح لنا الباب ولما طلع الصبح دقينا على اخوه يفتح لنا الباب وفعلا فتح الباب ونمنا ذاك اليوم وقمنا وماعندنا حق الفطورلاننا كنا نفطر مع اهله سوا المهم جات صديقتي وجابت لي فطور من بيتهم وبعد صلاه التراويح رحت بعت خاتمي وجاب لي 160 ريال مشينا فيها انفسنا واخذنا ملابسنا ورحنا للجمعيه الخيريه طبعا ماقصروا جزاهم الله خير سكنونا في شقه مفروشه لين الله يفرجها ولما درى ابوي بالسالفه الله يجزاه خير ويطول في عمرها ساعدنا واستاجرنا شقه على قدنا اما الاثاث من فاعلين الخير اللي جاب مكيف واللي جاب غرفه نوم واللي جاب كنب وكله ولله الحمد مستعمل الا الغساله جابتها جدتي الله يشفيها فيها سرطان ادعوا لها المهم الحمد لله مشت امورنا وجاء العيد ومحد سال فينا وانا لزمت على زوجي نروح نسلم على اهله وفعلا رحنا وسلمنا وسوينا اللي علينا وصرنا كل فتره نروح نسلم على عمي وخالتي والبنات ما اتكلم معهم ولا شي وبعد فتره عمي عرف قيمتى وكلمني واعتذر مني وطلبي اسامح بناته وانا على شانه سامحتهم وسلمت عليهم وياليتني ما سمعت كلامه صرنا طبعا نروح لهم مره في الاسبوع وعزمناهم في بيتنا ولما جاو اتفاجئوا كيف ان اليت ماثث طبعا انا ماعلمت احد انه من فاعلين الخير بس هم يحسبون زوجي تحت بنك من يومها وامه تطلبه فلوس اي شي تشوفه علي تبي مثله حتى المفرش تبي مثله واحنا ماعندنا مقدره يعني ندفع اقصاد بنك واقصاد سياره نسيت اقولكم ان الجمعيه ساعدونا في دفعه اولى لسياره والحمد لله بس تخيلوا اقصاد بنك واقصاد سياره واقصاد شقه وفواتير كهرب وماء غير اقصاد العشر الاف المهر يعني ما كان يبقى الا القليل والحمد لله والاكل والشرب يوميا عند اهلي الله يعطيهم الصحه والعافيه ويطول بعمارهم يوميا غداء وعشاء وامي كانت تدس في شنطتي الخمسين والميه والميتين واختي في الجامعه تحط في شنطتي 50 او 100 على حسب وابوي ما يقصر الله يطول في عمره خمس ميات ما يعطيني اقل الله يشفيه بس وامي تقسم الاغراض بيني وبينها اللحم الدجاج حتى القهوه وحتى شاريه لي فرن كهرب عشان لو خلص الغاز ولما خلصنا اقصاد المهر 10 الاف بعد سبع شهور عاد صرنا نهتم شوي بانفسنا لاننا بدايه زواجنا ما انبصطنا صرنا نشتري ملابس واشياء خفيفه حتى ماهي غاليه يعني من ستي ماكس من سماء المحلات الرخيصه عشان الميزانيه وحتى والله شعر جسمي اشيله بموس عشان اوفر حق الحلاوه طبعا زوجي مقدر وقفتي انا واهلي معاه وبنفس الوقت متفشل من حركات اهله لان امي دايم تتصل على امه وتسلم عليها بس امه ما تكلم امي وحتى لما امي دخلت المستشفى وسوت عمليه وطلعت ماكلمتها ام زوجي ولما توفى جدي ماعزت فيه وهو بنفس المنطقه ولما مات ابو زوج بنتها راحت تعزي فيه في الرياض واحنا جمبها ما جاتنا غير كذا زوجي كان متظايق من امه لانها تروح الحساء وتروح الخبر والثقبه والرياض واحنا ماجات بيتنا الا مره وانا كنت اقوله دايم كيفها بس المصيبه انها دايم تطلب فلوس احيانا اتبادل انا وخواتي بالملابس والشنط وتنجن تبي مثلها تفكرني اشتريها واي حاجه اسوي تسوي مثلي لو اصلي بالمقلوب صلت مثلي المهم اليوم كلمتها ابي اسلم عليها الا قبت فيني قالت قولي لزوجك اني غضبانه عليه قلت عسى ماشر ياخالتي ليه قالت ليش يقطع عني المصروف من يوم زوجناااااااااااااه لاااااااحظوا تقول من يوم زوجنااااااااااه والله والله والله انها ما دفعت ولا ريال لاهي ولا عيالها ولا زوجها المهم تقول من يوم زوجناه مادفع لي مصرف يعني احنا مدري وش نبدي
والله مواعيدي في المستشفى ما اروح عشان الفلوس تقويمي مارحت افكه عشان الدكتوره تطلبني فلوس التقويم فيني له سنه زياده بس مافكيته ماعندي فلوس الملابس الداخليه وانتوا بكرامه ابدل مع خواتي المهم قلت طيب رحت قلت لزوجي امك تقول كذا وكذا طبعا زوجي عصب وزعل وراح كلم اابوه قاله امي تبي مني مصروف وانا حالتي صعبه عصب عمي وتضايق وقال انا وش قاعد اسوي اجل انا توني معطيها مصروف اعطيها بالاف وحلف انه يقص لسانها رحت انا كلمت عمي وقلت له لا تقول لها شي وقلت لزوجي انت تكلم مع امك بالهداوه وفهمها وضعك ورحنا لبيت امه وجلس زوجي معها وفهمها الوضع وان الاثاث من الجمعيه وان اهلي ساعدوه وكل شي قالت انا امك ماعلي منك تعطيني المهم قال زوجي انتي يامي تغيرتي علي من يوم تزوجت قالت لا انا ما اتغير انت تغيرت من لما تزوجت تغيرت علي انا واخواتك قال زوجي كيف تغيرت ؟؟قالت من يوم تزوجت معد صرت تظم خواتك وتبوسهم وتحظنهم :eek::eek:طيب خلي خواته اول يحترمونه بعدين يظمهم وقالت حتى اخوك تنافخ عليه قال انافخ عليه لانه يدخل بدون ما يتنحنح ولا يدق الباب وزوجتي جالسه قالت عادي قال زوجي لا انا اغر على زوجتي قالت هذا اخوك قال زوجي الرسول عليه الصلاهوالسلام قال الحمو الموت سكتت وبعدين قالت بس اخوك يقول انه اذا كلمك وانت في بيتك تنافخ عليه واذا كلمك وانت في الدوام تسولف معاه وتضحك بالعربي يعني حرمتك غيرتك على اخوك وانا والله دايم اقوله معليش هذول اخوانك معليش تحمل بس مافي فايده
المهم هو وياها شيل وحط الا تبي تقنعه اني انا مغيرته عليهم لانها كل شوي تقول من يوم تزوجت من يوم تزوجت :eek::confused:وانا خلااااااااااااااااااااص حسيت بنار في صدري وقعدت اغص في عبرتي وخلاص معد فيني دريت انها تكرهني بس مشكلتي ساكته ما دافعت عن نفسي ماقلت انا ياخالتي بنت اصول واخاف الله ومستحيل اغير زوجي على اهله ماقلت الله يكثر خير ابوي ماقصر مع ولدكم ماقلت اي نعم اغاااااااااااار على زوجي ولا ابي احد يظمه ولا يلمسه ماقلت ياخالتي هذا زوجي وبناتك عندهم رجالهم يظمونهم ويبوسونهم اما هذا لي انا ماقلت ولا حرف سااااااااااااااااااااااااكته واكل في نفسي :(وفي الاخير ركبت السياره وقعدت ابكي وابكي وهذا انا ما تصير مشكله الا اسكت وبس وبعدين ابكي واتعذب يابنات انا مدري وش اسوي
اللحين عندي مواعيد في المستشفى عندي تقويم لازم افكه لايعدم اسناني عندي اجار الشقه 7000 مدري كيف ندبرها عندي فاتوره كهرب عندي وعندي وعندي وام زوجي بس مستقعده لي مع اني سبق وسالت شيخ عن الموضوع وقلت له احنا كذا وكذا وقال مدام عندها زوجها وعندها ولدها التاني موضف وتاكل وتشرب وتتعالج مجانا زوجك مو ملزوم يصرف عليها هي عندها ولي امرها اللي هو زوجها وانتي زوجك ملزوم يصرف عليك لانه ولي امرك وقلنا لها وما صدقت انا مدري وش اسوي معها علما بان خوات زوجي يطلعون عنده بالملابس العاريه وحتى الكلسيون يبان وانا اسكت بس هو يتفشل ويقول لامه امي خلي خواتي يتسترون انا استحي من لبسهم تقول عادي ياولدي اخواتك :eek:وهي تفكرني غيرانه وانا الحمد لله واثقه ان خلق الله حسن

يابنات دبروني انا تعبانه مره ما استمتعت بحياتي مالبست فستان ابيض ما تصورت مارحت شهر عسل ماتهنيت والحمد لله مع ذلك ام زوجي مافكتني من شرها تكفون قولوا لي وش اسوي


والله يوفقكم ويسعدكم وانتبهوا تغلطون غلطتي

تكفون اي احد يقراء موضوعي يدعي لابوي وامي بالصحه والعافيه


ولاتنسوني من دعائكم