تكفون ادعولي

يارب يرزقك وكل بنات المسلمين الزوج الصالح عاجل غير آجل


ويرزقكم بالذرية الصالحة الطيبة يارب

حبيبتي طولي بالج واذكري الله ..:)
انا كنت اقول نفس الكلام اللي اتقولينه الحين ..
وكنت ادعي ربي في كل صلاه انه يرزقني بالزوج الصالح ..
وسبحااااااان الله ..
الله رزقني بأغلى انسان وعلى طول طلب ايدي ..:)

وبعدين الزواج "قسمه ونصيب"
وانتي بعدج اصغيره دام عمرج 23 ماتدرين يمكن اييج نصيبج وعمرج 24 او 25 العلم عند الله

ياما بنات اتزوجو واهم صغااار او على كبر بعد..

أنا اقولج والله الوالده عندها صديقه اتزوجت من فتره بس عمرها اكثر من 40 سنه
وماشاء الله مبسوطه في حياتها عالآخرر مع انها تزوجت في سن متأخر اشوي ..

وانا اقولج دايماً ادعي ربج في كل صلاه

وماردج ان شاء الله تتزوجين ويصير عندج عيال وتصيرين ام ..:)
ولاتستعيلين وهذا فالأول والأخيررر كله قسمه ونصيب ..


والرزق من عند الله سبحانه (f)

يا[COLOR="Pink"][COLOR="Pink"] قلبي
الله يغنيكِ بحلاله عن حرامه ويعفك ويرزقك وجميع أبناء المسلمين الأزواج الصالحين الأتقياء الأنقياء الأغنياء الحليمين العفيفين الحنونين الجميلين التائبين العابدين السائحين اللي يخافونه ويرجون رضاه
ويعفك بزوجك ويعفه بك ويقر عينك به ويقر عينه بك ويكون لك مثل ما تتمنين وتكونين له مثل ما يتمنى وتعينون بعض على طاعة الرحمن وبلوغ الجنان
ويرزقكم الذرية الصالحه اللي تبركم بحياتكم وبعد مماتكم
ولا يحرمك من إنك تحضنين طفلك بين يدينك وتسمعينه يناديكِ يا ماما
وكل من أرادت أن تعف نفسها وتستقر وتشبع غريزة الأمومة التي فطرها الله عليها


إنت إدعي ربك بيقين ولا تفكرين في الموضوع كثير وتنتظرين الإجابه وتستعجلينها وتقولين أنا دعيت وللحين ما صار وإشغلي نفسك بشي تحبينه

يعني إدعي وإنسي وكوني على يقين إنه محد يموت قبل لا يستوفي رزقه
ورزقك بتاخذينه في الوقت إللي الله كاتبلك إياه

والحمد لله هذاكِ عارفه إنه فيكِ مواصفات الزوجه الصالحه بإذن الله
فلا تيأسين واسعي بحياتك وخالطي الناس واقتربي أكثر وأكثر من ربك وطوري شخصيتك وزيدي معلوماتك ومهاراتك ومعرفتك وحاولي تكونين شخصية جذابة محبوبة وهذا لنفسك طبعاً مو لأحد غيرك وأطباع تكتسبينها لنفسك مو بس بغرض الزواج
أقرئي كتب في الشخصيات والتعامل معها والأطفال وتربيتهم
إسعي واتوكلي على ربك
ولا تنسين الدعاء الدعاء الدعاء بساعات الإجابة والإستغفار مثل ما قالت دلوعة وهذا ربنا دلنا عليه في كتابه
( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا )

الله لا يحرمني وإياكِ وكل غالي السعاده دنيا وآخره ويكتب لنا الخير وين ما كان ويرضينا به

وتقبلي سلامي ودعواتي اللي من قلبي وبساعة إجابة[/COLOR]
لولي[/COLOR]