لحقو علي ملييييييت من الوحام بلييز أنقظوني

يا بنات يا حريم يا شباب يا عروسات المنتدى لحقو علي مليت من الوحام مب قادره أحس أن حياتي خلاص أرف في أرف..كل شيء أشوفه وصخ و مقرف و طول الوقت لوعه و قيء ما يتم شيء في بطني..و إلي يزيد الطين بله هو إني موظفه يعني أسير الدوام بالرغم من المصايب إلي تصيبني..والله اتذكر حملي الأول ما صابني كل هذا..صح إني توحمت و كانت جبدي تلوع بس على فترات متقطعه..بس الحين باستمرار جبدي لايعه...أنا اخذ دواء لتثبيت الحمل لأني عانيت من نزيف فهل هذا الواء قد يكون سبب لزيادة اللوعه..أمس جربت دواء أسمه Navidoxine بس من اخذه لو بس تشوفون حالتي كأني بعالم ثااااااااااااااااااااااااااااااني لا علم و لا خبر بالدنيا و الله أحس كأني شاربه خمر و لا ماخذه مخدرات..أنا خذت حبتين و حده الصبح و و حده قبل النوم..بس و الله لين أحين أحس بنعااااااااس و أنا في الدوام و كأن راسي كيلوين..بس هو خفف اللوعه بدرجه كبيره بس خلاني ما أحس بالدنيا فيعني بعد معاناه..شو الحل لأني مليت و أحين أنا بالأسبوع السادس يعني باجلي مشوااااااااااااااااااااااااااااااااااار لين ما أفتك من اللوعه