حبيت أسوي تجمع للمربين بعملية قيصري وأني وحدة منهم
كل وحدة تكتب شو صار لها ما بعد العملية
1- حسيت بالرجفة في جسمي وبردانة مرة
2- صداع بالراس
3- ألم بالجسم وتعب وأرهاق
4-ألم بأسفل الظهر وحسيته أنه مشدود
5-غازات بطني
6- وصار بطني شوي مكرش ولونة مسمر مدري شلون أروح هالكرشة والأسمرار؟؟
الصداع والالم بالظهر طبيعي من البنج بس الكرشة تطول كم شهر لين تخف بس يعتمد من وحده لوحده هذي اول مرة تولدين قيصرية
البطن عليك بالمشد الاندونسي وربط بطنك انا اعرف كثير ناس ولدو قيصري وسبحان الله مالهم بطن بالعكس بطنهم في ظهرهم وبعدين يعتمد على نظام الاكل وعليك بالشاي الاخضر
هلا أختي منوى
اول شي الف مبرووك ويتربى الكتكوت بعزكم
ثاني شي أني بعد ولدت بعملية قيصريه
أول ما راح البنج ألم عدل عدل في الجرح وقالوا ليي ثاني يوم لازم أمشي
حسيت بالرجفة في جسمي وبردانة .. مثلج
ألم بأسفل الظهر وحسيته أنه مشدود
غازات بطني .. وقالوا ليي أمشي عشان تروح الغازات
وصار بطني شوي مكرش ولونة مسمر معن أني ضعيفه
أني كان البنج نصفي
انزين منوى سوي لج بنج نصفي أو كامل؟؟
أني أخذت بنج نصفي أبرة بالظهر أني طلب هالشي ء علشان أشوف البيبي أول ما يطلع
بس شقول الألم الفضيح بعد العملية حسيت أني مشلولة ما أقدر أتحرك يمين ويسار وحتى صعبة قومتي من السرير لازم أحد يساعدني و يقومني يرفعني حتى أمشي بس الحمد لله عدت الأيام على خير