قصة ولادتي بطفله من متلازمة داون (الطفل المنغولي)

الف الحمدلله على السلامه
وتتربى بعزكم انشاء الله

الله يخلي لك هالبنوته وعقبال ماتشوفيها عروس...والله يجزاك الجنه اختي على صبرك واهتمامك بهدويه...

ما شالله عمرها سنتين الله يحفظها ويخليها لكم ....

ماشاء الله عليج انتي وزوجج على انكم صبرتوا وانكم ماحطيتوا يدكم على خطكم وقلتوا خلاص بالعكس الي سويته شي كبير وااااايد يمكن ناس وايد ماسوو هاي الشي

يارب يصبركم ويعينكم على تربيتها ويخلي هدووووية لكم والله قصتج حلوة وعزيمتج واصرارج احلى شي ماشاءالله وخلج جذيه

وننتظر باقي القصة ^_^

ربي يسهلك ويبلغك فيها كل خير ولا يحرمك منها يااااااااااااااااااااااااااااااااارب

يا حببتي يا هدويه بجد انا حبتها جدا ومن اشد المعجبين بيكي وربنا يخليكي ليها لما تشوفيها عروسه جميله . ومنتظرينك

[FRAME="15 70"]هلا اختي
والله يخلي الك هدويه واتشوفينها عروس يارب

وانتي بصراحه ام تفتخر فيها الامهات على صبرك والله يزيدك على صبرك

وبصراحه حبيت اعرف عن ادويه الزكام الي اعطتك اياها الدكتوره
لاني معاي زكام من اول حملي الى الحين وما شفت اي نتيجه منهم وماخفيت الى الحين صار الي 3 شهور على هذي الحاله وتعبانه من الزكام والكحه والادويه مانفعتني

ارجوا انك تفيديني عن اسم الادويه علشان اتجنبهم

واسفه على الاطاله....
والله يخليها الك يارب
وانا حبيتها بدون ماشوفها بوسيها عني[/FRAME]

ما شاء الله عليك وعلى إصرارك وعزيمتك وثقتك في نفسك ..

وألف بسم الله على الأميرة هدى صليت بها ع النبي ،،


ربي يبارك لكم فيها ويبلغكم فيها اللهم آمين ، تابعي الغالية نحن معاك في القصة من البداية

ما ادري شو اقولكم وكيف اشكركم بس احس ان حبيبتي هدويه صار لها اكثر من ام

اللهم صلي على محمد وال محمد

يابخت هالبنت فيك

ليت عندي عشر اصرارك وتفائلك

ربي يحفظها لك ويحفظك لها ويلهمك الحلم والصبر دوم
بس حبيت اسال هل بنتك حركيه كثير ولا هادئه ؟
وكيف تركيزها معاك ؟

وحبيت اقولك عن طريقه ومنهج في التعليم اسمه طريقة منتوسوري لتعليم الاطفال الاسوياء وذوي الاحتياجات الخاصه ,مفيد كثير .ما ادري ان كنتي تعرفينه او لا .

بعد ما كملت حبيبتي هدويه السنه قالتلي الدكتوره ليش ما تحملين وجيبيلها اخ تلعب وياها والصراحه الفكره بدت ادور فبالي فقلت لريلي شو رايك قالي تيبين عيال وبعدين تهملين هدويه مستحيل اول شي عطي هدويه كل الحنان والرعايه وتدخل المدرسه وبعدين نفكر قالي صدقيني حتى لو ما يبنا عيال انا ما ابا غيرها
وبعد ما كملت السنه ومشت هنيه خلصنا العلاج الطبيعي ولا كل الحريم يطالعن هدويه لان عيالهم ما مشو الي عمره سنتين وثلاث وبدت الاسأله كيف ومتى لا وهدويه اتشوفني اسلم لانها اخر جلسه وهي حبيبتي اتسوي مثلي لاوتسلم بالخشم وكانت تتكلم وتقولهم باي باي وهالفتره بدت تتكلم شوي والكل يطالعها والصارحه خفت عليها وهنيه قلتلهم لا تعتمدون على المركز فكل شي انتو علمو عيالكم فالبيت والمده الي نقضيها فالمركز ساعه فالاسبوع بس فما تكفي هم يعطونا الاهداف بس احنا لازم نعلمهم والله ما اكذب عليكم يتني مدرسه وقالتلي الصراحه خايفه عليها الحريم وايد يطالعونها وطلعت
وبقالنا الارشاد الاسري والصراحه بعد ما كملت السنه العبئ زاد عليه فالاسبوع الواحد ست اهداف لازم اخلصهن فخلال الاسبوع لان فالارشاد الاسري يعطونا اهداف والي ما نخلصه ينتقل ويانا للاسبوع الي بعده فما تاخذ اهداف جديده وهنيه كنت مصره ان الاهداف ما تتكرر لازم اخلصهن فنفس الاسبوع واخذ اهداف جديده وما شالله عليها كنت اتعبها بس تتعلم واروح الاسبوع الي بعده ويسولها امتحان على الاهداف اذا خلصتهم يعطونا اهداف جديده ونرجعلهم بعد اسبوع وما شالله كانت تخلص وهنيه يا اليوم الي تقولي فيه ماما طرت من الفرحه كل طفل اول شي يقوله ماما الا هدويه قالت بابا وصحت صياح وشفتو الانسان المصدوم ما يعرف يتصرف ويلست اتصل ما خليت حد ما خبرته هدويه قالتلي ماما وهي عارفه انها قالت شي ما كانت تقوله وتكرر وانا اصيح توني حسيت احساس الام يوم طفلها يناديها يمكن كل ام ما تحاتي هالشي بس انا كان وضعي غير يوميا كنت اعلمها ماما وهي تقولي بابا وابوها يقولي لا تعبين نفسج البنت تحبني اكثر والصراحه كل مره كانت اتسوي شي وانا كنت اتمناها اخلي ابوها يذبح ونوزعه والصراحه هي اتاخرت فتسنين بس انا ما كنت هامله هالموضوع سننت وهي عمرها سنه ونص وفرحة اتسنين كانت غير سويت حفله لانها صدق تاخرت حفله صغيره وانا كل شي اتسويه حبيبتي هدويه يعنيلي شي اقل شي يفرحني مثلا اول ما بدت تمشي كانت تروح عند التلفزيون وتبنده شو استانس وكنت اتعباها اوديها بعيد عسب ترجع تمشي وتبنده مره ثانيه هالامور عاديه عند كل ام بس عندي انا انجاز لانه حتى التبنيد علمتهاوبصبع وحده وفديت صبعها نكمل بعد اشوي

الله يخليها لك ويخليك لها يااااااااارب


بالعكس حبيبتي وماازعجتنيا ولا شي فديتك بالعكس افدتي البنات


ربي يوفقك

الاختayam fatوالله ما اذكر بس ابتعدو عن المضادات الحيويه ومشكوره على كلماتج الحلوه
الاخت خصله ذهبيه هدويه حركتها عاديه لا هي هاديه ولا حركيه زياده عن المعتاد وما شالله على تركيزها عالي جدا لاني اعطيها اهداف فالتركيز عسب يشوفون فالمركز نسبة التركيز عندها وعن المنتوسوري سمعت عنه

الله يطرح فيها البركه و صدقيني دامها أثارت إعجاب الناس بتصرفاتها و طبيعتها نفس طبيعة أي طفل عادي ف بنتج طبيعيه 100% و بتعيش حياة طيبه إن شاء الله...

يصراحه تااه يعطيج العافيه

والله فديتكم كلكم ردودكم كم تسوى ولا تحرموني من ردودكم وايد ترفع معنوياتي وما اقول الا الحمدلله على هالاخوات

الله يعافيك ويقويك لها
وربي لا يحرمها حبك وحنانك الله يسعدك
وياابوها ويجعل الجنة مسكنكم ودياركم

والله ماقدر اقول الا شجاعه منك،، والله يثبتك يارب ويخليليك هالبونته القمر يارب:)

ربي يخليها لج انشاءالله وتفرحين فيها وتتربى في حضنج وحضن ابوها

اختي لمعرفه طفل اذا كان منغولي او لا

تعملين فحص دم بالاسبوع عاشر وفحص سونار بالاسبوع ال12 فقط لاغير يبان اذا طفل منغولي او لا

وماله خص كلش بالقرااااااااااااااااااااابه يقولج هذا مرض يكون متوارث او من كروسومات الام والاب او اذا الام تعدت 35سنه

والله يخليها لج يارب وتفرحين فيها

سلام عليكم ام هدويه والله انا فخوره بيج هوايه لئنج اثبتي للناس انك ام مثاليه ولاتحزني حبيبتي والله يخليلك هدويه وتشوفيها عروس بس نصيحه من اخت لااختها لاتتاخري في الانجاب فكري من الان لئن حبيبتي هدى تحتاج واحد يلعب وياها ادري تعب عليج بس انتي حاولي والله يطعمك الي تتمنين لو تعرفي بلي عندي جان حمدتي ربك كثير انا قصتي تذبح مع ابنتي البكر الان عمرها 12سنه بس لحد الان انا دمي مانشف ولا ابوها لحد الان المشكله عبالك توها بدت عندي الحمد لله احمدك ربي على فضل نعمتك التي انعمت بها عليه ببنتي فاطمه لولى بنتي فاطمه لكانت الحياة مالها طعم عندي الله مسهل لي كل شي لااجلها وميسر امورنا كلها لااجلها المهم هي مفتاح لباب الجنه ان شاء الله وانتي كذالك