قصة ولادتي بطفله من متلازمة داون (الطفل المنغولي)

am slooh;5855416:
مرحبا أم هدويه مشتاقه لك ولهدويه غبت فتره بسبب شوية ظروف وعلى طول أنتو في القلب وعالبال

شخبار هدويتي الحلوه والله يفرحك كمان وكمان أخبار حلوه وتفرح الحمد لله

haduih;5797741:
تسلمين حبيبتي وما تقصرين واليوم بخبر ريلي يدوره انشالله
وانا مش تعبانه بسبب هدويه ما ادري من شو بس حبيبتي مش السبب

أم سلمان الحلو;5796706:
سلام .. شلونج أخت أم هدوية ...

تذكرت اليم إن من زمان كانوا يعرضون مسلسل أجنبي في التلفزيون إسمه لايف قوز أون Life Goes On وايد كان حلو و كنت أحب أتابعه .. كان عن أسرة عادية عايشة حياتها تصادفها أمور و مشاكل أحياناً بس بترابط الوالدين مع أبائهم كانوا يتغلبون عليها و تستمر حياتهم و يعيشون أيامهم .. بطل الحلقة كان داون كان له الدور الأكبر في المسلسل .. بس ما اشاء الله عليه ذكي .. كان دوره يبين إن هو ما عنده مشاكل في حياته من ناحية شخصيته أو إستيعابه .. كانت شخصيته قوية .. و كان نشيط و يروح المدرسة و عنده هواياته و يلعب رياضة .. كان عمره شي في بداية المراهقة .. بس ساعات كان يضطر يواجه بعض الناس إللي مو متفهمين وضعه و بمساعدة أهلة كان يتغلب على أي موقف يواجهة .. بصراحة مبين إن إستيعاب هالممثل و ذكائه شي عالي .. مو لأن دوره في المسلسل جذي لكن مبين إن هو هالشخص بعد جذي في الحقيقة .. المشكلة إنه قديم بس يا ريت لو تقدرين تشوفين بعض حلقاته ... يمكن بتساعدج لراحة نفسيتك و إرتفاع معنوياتك

و قبلاتي للحلوة هدوية

haduih;5863963:
:ongue::ongue::ongue::ongue::ongue::ongue::ongue::ongue::ongue:
:21_112::21_112:
ما ادري كيف اشكرج الصراحه نفعتيني انا وريلي بهذا المسلسل والفضل يعود لج لان بعد ما شفنا حلقه من الحلقات بدينا ندور مسلسلات وافلام لداون روعه روعه وايد استفدنا ويلسنا من بعد صلاة العشا لين 12 فالليل ونحن نتابع افلام كلها لداون وحصلنا كثير من مقاطع من الفيديو اطفال من الداون يتكلمون عن نفسهم الصراحه حسيت اني دخلت عالم ثاني وزادني قوه واندفاع ما شالله على الداون وانا اقول لكل ام جابت داون الف الف الف مبروك ان رب العلمين عطاج هالهديه والداون فعمره ما كان معاق الله عطاج حنان ما ينتهي الا بانتهاء صاحبه الله يطول فاعمارهم
وشدني كلام واحد منهم يقول ما في شي يفرق بيني وبين الطفل الطبيعي بالعكس انا اذكى منهم ونحن اطفال الداون مش متخلفين عقليا هذا الولد كان يتكلم بطلاقه وعارف شو يقول
وشفت فيديو ثاني عن بنت 3 سنوات تقرا كل الحروف ويعطونها كلمات مكتوبه وهي تقراهن البنت روعه ما شالله عليها ذكاء غير طبيعي
وايد افلام خلتني اشوف الي اسويه حق هدويه ولا شي مع ان ريلي قالي العكس انتي شاده حيلج
الحمد لله ان ربي رزقني بطفل داون والله وايد فرحانه
ولج الاجر يا ام سلمان الحلو والصراحه ما قصرتي الله يسعدج ويفرج لج كل كربه ويسهلج امورج والله ما ادري شو اقولج بس احس اني ابا احضنج لاني لو قلت عنج ما بوفي
ومشكوره حبيبتي

حرب عالمية;5868747:
السلام عليكم أم هدايه . . أنا أخوي من فئة متلازمة داون لكن على وصفك بنتك نسبة المتلازمه فيها ضعيفه جدا , أخوي ولد ووزنه صغير جدا جدا وصياحه عند الولاده ضعيف وضل فتره في الحضانه . . وبناء على وجوده بيننا صرنا نقرأ ونلاحض وأصبحنا متعطشين للقاء بأطفال متلازمة داون , واكتشفنا أنهم رغم تشابه الشكل الخارجي إلا أنهم في نسبة الذكاء متفاوتون جدا , رأينا أشخاص منهم نكلمهم فنتفاجأ أنهم أشخاص أذكياء وطبيعيون جدا في تفكيرهم ونطقهم واستيعابهم وفي نسبة اندماجهم في المجتمع والحياة العامة وكثرة أصدقائهم . سواء أطفال أو غلمان أو شبان , ووجدنا أن بعضهم يدرس في مدارس عادية والبعض في مدارس التربية الفكرية مثل أخوي والبعض الآخر وجدناه لم يدرس على الإطلاق . . أما قصتك فقد بينت ليالآن حقيقة أخرى هي أن الأم ستعرف مستوى ونسبة إصابة إبنها بمتلازمة داون لحضة الولادة فأخي كان يجب أن تعلم أمي أنه سيدرس في مدرسة فكريه منذ لحظة ولادته , وأنتي ياأختي كون ابنتك نموها طبيعي وولدتيها فوق الثلاثة كيلو وكانت طبيعية فترة الحمل وكان صياحها علي وقت الولادة وطلعت معك من المستشفى تطمني يا أختي انها بإذن الله مالها من نصيب متلازمة داون سوى الشكل بإذن الله . . موفقه حبيبتي وعقبال ماتبلغين تخرجها وزواجها . (f)

بنت بلادها;5876528:

ما شاء الله

تبارك الرحمن

لا إله إلا الله


أم هدويه .. تصدقين من قريت ردة فعلج عقب ما ربيتي يوم قلتي:

"ما دام هي هديه من رب العالمين انا راضيه فيها والحمدلله"

قلت في خاطري (أكيد الله سبحانه وتعالى بيجازيها خير على رضاها بالقضاء والقدر)

وبالفعل هذا اللي لاحظته وتأكدت منه من قرايتي لموضوعج والتطورات اللي ذكرتيها الحمدلله ^_^

والبداية كانت إنه هدويه فديتها نسبة الداون فيها الحمدلله قليله .. هذا غير ما شاء الله تجاوبها معاج بشكل طبيعي جداً جداً جداً يفوق حتى الاطفال اللي في سنّاها ما شاء الله وما فيهم متلازمة داون

باختصار .. (لكل مجتهد نصيب) .. وإنتي ما شاء الله عليج اجتهدي وثابرتي وسويتي اللي محد سواه والحمدلله تعبج ما ضاع هدر ^_^

ودووووووووم حطي في بالج إنه مافي شي مستحيل أبداً .. وإنتي ما شاء الله عليج انسانة مؤمنة وقوية و واثقة من نفسج وفي قدرة الله سبحانه وتعالى

خلي ايمانج بالله قوي .. لأنه مااااااافي شي مستحيل ^_^

((وإنما أمره إذا أراد شيئاً أن يقول له كن فيكون)) .. كل شي بيد الله سبحانه وتعالى وهو قادر على كل شي ^_^

اللهم يااااااااااارب يا أرحم الراحمين يا أرحم الراحمين يا أرحم الراحمين

يااااارب إنه يفرح قلبج ببنتج وتشوفينها حالها حال البنات والله يبلغج فيها وتشوفينها يوم تتخرج من الجامعة وتشوفينها عروس ياااااااااااااااارب

اللهم آمين

وعلى فكرة ترا انا عندي واحد من اهلي داون ^_^ .. فديييته لا خلييت منه ياربي ^_^

أحبه بشكل مب طبيعي .. سبحان الله يوم يكون في البيت أحس نفسيتي مرتاحه ما شاء الله ^_^

سبحان الله اللي فيهم متلازمة داون هاذيلا رحمه رحمه رحمه بكل معنى الكلمة ^_^

مب بس في الدنيا حتى في الآخره بعد ^_^

الله يطول في عمره ويخليه لنا يارب .. ويطول في عمر بنتج ويخليها لج يارب ^_^

عالعموم نرجع حق بنوتتنا هدويه

شوفي حبيبتي "تفاؤلوا بالخير تجدوه" وما شاء الله كل الامور والتطورات اللي ذكرتيها الحمدلله الحمدلله الحمدلله تبشر بالخير ^_^

اللهم زد وبارك يارب ^_^

استمري في مسيرتج بكل قوة وإيمان وتفاؤل واصرار وشجاعة ^_^

ونحن كلنا معاج بالدعاء

الله يوفقج غناتي وبإذن الله الواحد الاحد توصلين حق اللي تبينه عاجلاً غير آجل يااااارب

واباج الحين الحين الحين تحبيلي هدويه وتعطينها هاذيج الحبه اللي من الخااااااااااطر ابا خدها يغدي حمر عقب البوسه :D

وقوليلها هاي بوسه من خالوتج بنوته ^_^

(f)

دلوعة جيجي;5902692:
[COLOR="SeaGreen"]الله يخلي لج بنتج يارب والله يصبرج حياتي ويعينح على حسن تربيتها والله اني حبيتك وحبيت بنتك في الله[/COLOR]

شمس دبي;5915683:
أم هدويه حظرتي المحاضرات اللي سووها في دبي في الفتره الأخيرة عن متلازمة داون ؟؟؟

أنا شفت فقرات منه في التلفزيون وشكله مفيد تذكرتج وقلت أكيد استفدتي منه (:

بوسي هدى ولا تقصرين معاها أبدا ووالله انها صدق بتفتخر فيج لما بتكبر

Candle;5917781:
ترى بنتك ماشاءالله عليها طبيعيه.. يعني فيها نسبه بسيطه جداً الحمدلله...

انا عندي صديقه فيها,, كانت معي من ايام المدرسه من اكثر من عشر سنين.
مستواها في الدراسه ماكان مره زين, بس عادي مثل بنات كثار. لكن ماشاءالله عليها مررررررره زينه في الديكووور والازياء لبس وغيره ومكياج....و دخلت جامعه ديكور وتخرجت وألحين تشتغل واتحب الطلعات والوناسه وعااااديه مافيها شي.....

احس بنتك نفس الشي.. وترى شكله ان شاءالله بتزوج واحد طبيعي نفس غيره من البنات... الله يرزقها ان شاءالله كل خير... والله يجازيك كل خير على اهتمامك لها
ليت كل الامهات نفسك...

الله يسخرلك زوجك ان شاءالله والارض ومن عليها
والله يسعدكم ان شاءالله ولا يغير عليكم....

بس جيبلها اخ ولا اخت؟؟؟:bigsmile:

طير السلام;5918363:
ما شاء الله تطورات ف الموضوع

من زمااان عنكم .. ولهت عليكم

أنا بعد خاطري أشوف الافلام و أتعرف ع الداون أكثر

و الحمدلله ان صار وعي لهذي الفئة

و الله يوفقكم

lololancome;5918746:
اللــــه يخليها لكم يااارب واتشوفينها عروس في يوم تخرجها وتحبج على راسج ...

والنعم فيج يالغالية ..