يا بنات لحقو علي...كيف أسكن في بيت أهل زوجي الوسخ

مافي الا حل واحد بس اختاري يوم اجازتك وجيبي الشركه ينظفون هههههههههههههههههههههه
يمكن الين شافوا البيت نظيف بيستحون على ويهم ويستمرون على النظافه
الله يساعدج حبيبتي
تحياتي

اللي يتكلمون عن الوصاخه يمكن انتو بعد لكم تصرفات ماتدرون عنها

وترى ربج يبلي :) قولي الحمدالله وبس

وانا معاج صج في اشيا غريبه بس بعد مب حلوه تحسسين ريلج بهالشي

وتقدرين انتي تساعدينهم تعطينهم حلول من غير مايحسون بشي
اتمنى تتقبلين رايي وماتزعلين :)

ربي يوفقج ويسهل دربج

وااااااااااااع صراحه أمس ما قدرت
أتحمل وصاخة أم ريلي تخيلو مخطت و مسحت مخاطها عزكم الله على ملابسها...وااااااااااااع شو هذا الأرف و الله خلاص مب رايمه أعيش هذي الوصاخه

والله يا اختي لانج حامل وايد متأثره في الموضوع

بالعكس تقدرين تتحملين ... يعني شو اللي يرضيج

اتهدين ريلج واتسيرين بيت اهلج ............. ؟؟
والا تحملين ريلج فوق طاقته وتاخذون شقه وحياتكم اتصير مشاكل بسبة المادية ؟؟
والا تظاربين اهل ريلج وتعطينهم كاش بالويه انهم وصخين ؟؟

حبيبتي هذي حياتج لازم تتحملين .... اهدي انتي بس وكل شي بيستوي اوكي
انتي اللي عليج من نفسج وبنتج وريلج ........ مالج خص في البقيه
ان شا الله شو يسوون لا تتدخلين ...... الا هاي وصخه الا ها ما ادري شو بلاه
انتي اللي بتتعبين اكثر

.... والسموحة

موقف صعب خيووه


ولكن لي عودة ان شاء الله

اختك اصغر عروسة

الله يفرجها عليكم وعلى كل متضايق اللهم امين

ويييييييييييييييي اختي

الله يعيييييييييييينج

طيب اذا البيت وسخ يمكن علشان ام زوجك كبيره بالعمر و الواحد يسكت بس بعد مو عذر

بس اللي صدمني تصرفات ام زوجج بصراحه لوعه الله يعينح

اختي ما فيه حل قدامج الا تمسكين خدامتج و تقوللها كل يوم تنظف مكان بس تنظفه من قلب يعني :(

والله ما ادري شقولج بعد الله يصبرج و يعينج يارب

الله يساعدك ..

ممكن تحلين الموضوع بلطافه واتقولين لأم زوجك انكم اتسوون حملة تنظيف للبيت


وخلي الشغالات يتظفون البيت من الى .




بس عذراً حبيبتي مو من اللطافه انكك تتكلمين عن أم زوجك وأهله بهالإسلوب انتي الحين صرتي وحده منهم واللي يمسهم يمسك انتي وبنتك

حبيبتي... حالتج صعبه.. لكن بما ان عندج خادمه.. الله لا يهينج .. هذا بيت اهل ريلج .. كانه بيتج.. قوليلها تشيل وتحط.. وتنظف وهم ليش شافوج جي اكيد بيحسون.. واذا انتي عندج دوام... الصبح عندج .. بعد العصر ما عندج امسكي بنتج.. وخل الخدامه تنظف... وخادمه البيت بعد خلها تساعدها.. اكيد الكل بيحس بالفرق.. وبينتبه لهالشي.. بس انتي لا تغلين نغزات ولا تتكلمين... نفذي.. وشوفي شلون النتيجه..

الله يعينك ويسهل امووووركم...

السلام عليكم ورحمة الله وبركاته

اسمحي لي اختي انا ماشفت اذا كان الموضوع قديم ولا لا بس هم ماقدرت ادش واقرى موضوعج وماارد

اول شي ان الله اذا احب عبدا ابتلاه والله يبي يشوف قدرتج على الصبر مابيدج الا ان تشكرين الله على كل شي وانا اكيده انتي تشكرينه في كل لحظة
اختي الحبيبة اعتبريها حلول مؤقته الي بقولها لج لحد مايفرجها رب العالمين
ليش ماتعتبرين عمتج امج وتعتبرين هذا البيت بيتج حاولي تنظفين مو عيب بالعكس ، بتقولي لي يرجعون يوسخون بقولج مافي شي يتغير بين يوم وليلة صدقيني حاولي انتي تغيرين علشان تقدرين تعيشين مرتاحة الحياة لازم فيها تنازلات ادري انج حامل وتتوحمين بس شكثر تسوى لما تعتبرين هالعمة ام ثانية لج وتكون رحمتج لها في الدنيا رحمة لج في الاخرة وانا مااقول ان ترهقين نفسج لا انا اقول الي تقدرين عليه واذا عمتج شافت احد يساعدها بالاضافة الى الشغالة اكيد بتتحرك وبتساعدكم . ونصيحة مني اختي مافي زوج يحب ان يسمع كلام مو زين عن اهله بالاصح مافي شخص يرضى على أهله ولاتنسين ان اهو كان عايش معاهم يعني لما تقولين ان اهله وصخين معناته بالنسبة له ان اهوا بعد وصخ ......

في اقتراح ثاني ليش ماانتي تاخذين لج شغالة لان وحدة ماتكفي حق بيت كبير وتكون تنظف لج وهم تساعد الثانية .....

اسمحي لي اختي اذا طولت عليج وانشاء الله مشكلتج محلولة بأذن الله ويارب انشاء الله تتيسر امورج امين حبيبتي

الله يكون في عونج ..

الله يعينج ياربي

والله مره وضع مررره مقرف

انا مررره كنت مساافره والدووله الي انا ساافرت لها في نااااس رحنا لهم مااقدر اووصف لك مده القذااااره في

البيت تخيلي ريحة الصااله الي كنا قااعدين فيها الحمام وسط الصااله والله كانك قاااااعده في حمام الله يكرمكم

عفاااانه واصله حدها انا على ايامها كنت اتووحمت والله مااكلت ولاشي في بيتهم وكنت الله يكرمكم حشرااانه

ولا قدرت ادخل حمامهم ومسكت نفسي 3 سااااعات الى انا رحت الفندق

انا انصحك انو تقوومي يووم انتي والشغاااله والبنات يووم مايكوون عندهم ناادي وقوووميهم معاااكي وتعملو

اسبووع نظااافه كل يووم امسكو شي ونظفوو الى ان ينظف البيت كلو وصدقيني بعد كذا حايستحوو منك

وحيتنظفوو ...........

بتوووفيق

اختي اذا صج الي توصفينه فحاولي انتي ترتبين وتسوين جرد مع ام زوجج انتي روحي قولي لها نبي نسوي جرد وانج تعرفين ناس فقاره ومحتاجيين وشجعيها على انكم تسون جرد على الاغراض ..

بس ما ادري ليش احسج انتي تتوحمين فيهم ... لان عندي عمه تقول نفس كلامج مع اني اشوف بيتها نظييييييييييييييف ومافيه غبار بس هي دوم تشم ريحة البيت وعيالها وزوجها ريحه مب حلوه وخايس .. وتشوف بيتها وصخ ومب مرتب ونفس كلامج بالضبط تقوله .. حتى لدرجه ان بنتها مسكينه من تسبح وتقعد حذاه تصارخ عليها تقولها قومي ريحتج خااااااااااااايسه لوعتي جبدي قومي .. والاكل الي هي تسويه بعد تلوع جبدها منه مع انها طباخة العايله ... ترى الوحام يسوي سوالف .. وعقب ماتولدين بالسلامه بتشوفين ان يمكن كنتي تبالغين ..

ومثل ماقلت لج اذا انتي تحسينه صج وصخ انتي اشتغلي من كلامج حسيت ان البيت مافيه بنات فانتي حاولي تشجعين ام زوجج ... ورتبي البيت معاها .. وبعد الترتيب والجرد كلمي الخدامه انها تنظف على طول ...:)

هلا اختي الله يكون بعونك..

اتفق مع بعض البنات في الكلام ماقصروا..

وازيد عليهم..بنتك اذا تقدرين خليها بيت اهللك. علشان ماتشغلكم...

.وبعدها تعالي لام زوجك..بالكلام الحلو والطيب..

خذي شغالتها وشغالتك..ونظفوا من والى...كل شئ

لين يطلع البيت يلق...من النظافه...

وقولي لام زوجك..ياامي..انتي لحالك مع الشغاله..ماتقدرون فانا وشغالتي..بنساعدكم..

صدقيني..بتحطك على راسها..مهماكان..حتى اذا ماصارحتك..بيبان على وجهها وبتذكره بنفسها وتتصدرين المركز الاول...في محبتها لك لان طول عمرهم كذا في الوضع هذا مااحد تبرع ينقل وضعهم للاحسن

واللي فهمت ان مافيه بنات كلهم اولاد..لذلك كوني انتي بنتها

واحسن شي بالتنظيف اول تكنسون الغبار ثم تغسلونه بالماء..وشويه ديتول وكلوركس وتطلع ريحه النظافه وتكرمين دورات المياه بينظفها الفلاش خذي لك كرتون وعلى الحمامات وريحته قويه انتي خلك بعيده وتعليماتك عطيها الشغالات وانهم يحطوا حاجه على انوفهم وفمهم حتى مايدخل لصدورهم..وتبتلشين فيهم.زههههه

وعندي لك حاجه تخلي الريحه حلوه على طول اخذتها من المنتديات..واضفت لها من عندي وانتي اضيفي اللي يعجبك..

تاخذين رشاش مثلا حق..تنظيف الزجاج فاضي...وحطي فيه مويه وكلوركس وديتول واي ملطف للملابس ورشي منه بالجو سواء كان البيت وسخ او نظيف

شوقتيني انظف معك..بس المشكله مشوار من عندي لك..احب اقلب البيت من فوق لتحت واشوف الفرح على وجه اهل البيت

والله يكون بعونك..ولاتنسين اذكار ماقبل النوم سبحان والحمد لله 33 مره والله اكبر34مره

لانها تساعد على تخفيف عمل البت كما قال الرسول الكريم لابنته فاطمه..

اما بالنسبه لان ام زوجك عليها تصرفات وسخه..
هذا لان اكيد هي كبيره بالسن...وصدقيني بعضهم ماخذينها على عيشتهم في البيوت القديمه صعبه تغييرينها بيوت الطين..
يعني انقل جبل ولا تغير طبع..
والشئ الثاني....زوجك بيشوف التغيير ويحس انك سويتي شي كبير لاهله وربي ان يحطك بعيونه لانك قربتي نفسك من امه..

وانا بالخدمه وبالشوفه اجي كلي ان بغيتي اساعدك..

وسلامتك..

باااااااااال الله يساعدج اختى

صج عيشه ما ينسكت عنهاا

انتى حاولى قد ما تقدرين ما تيلسين معاهم


روحي بيت اهلج وقت تكونين فاضيه بدال ما تقعدين معاهم

عشان تتجنبين هالوصاخه


صج ارف من قلب الواحد ما يستحمل يعيش معاهم اهما لانه متعودين عادى عندهم


تصبري اختى عشان زوجج بس والله يفرجها عليكم انتى كلمي ريلج قوليله الاشياء الى ما تحتاجونها شيلوهااا ما منها داعي

لا تخلين بنتج عندهم الياهله بتتاثر فيهم بعدين


والله يساعدج اختي

حبيبتي البيت بيتنظف انشالله بس أم زوجج الله يعينج هذه بعد مشكله

الله يكون في عونك