ماني عارفه كيف اتعامل مع خطيبي ربي يوفقكم ساعدوا اختكم الصغيره

السلام عليكم ورحمة الله وبركاته

شخباركم عرايس

انا جيت هنا وابي نصايحكم في موضوعي وانا عارفه ماراخ تخيبون املي

وانا جيت من طرف وحده لما شافتني منهاره دلتني هنا وقالت فيه بنات وعرايس والله يجننون وراح يفيدونك ويحلون مشكلتك ان شاء الله تفهموني وتساعدوني ربي يوفق كل وحده تساعدني

مشكلتي ان خطيبي بارد وانا من النوع اللي احب كل شي سريع احس انه بعض الاحيان يطنشني وبروده يقهرني مثلا امس كان يكلمني بعدين قالي بيدق علي بعد شوي وطنشني مادق ضليت انتظره الين العصر بعدين دقيت انا لقيت الجوال مقفل ضليت ادق الين المغرب بعدها نمت لما صحيت وانا كنت انتظره على نار والجوال بجنبي وكل شوي واقعد واشوف وبالنهايه تعبت وصحيت من النوم وشفت انه مادق علي رسلت له رساله وكانت نص الرساله (عمري انا زعلانه عليك قلت بتدق علي ومانمت انتظرك وتقفل الجوال وتنساني ) مارد علي الا الظهر برساله وعذره كان النوم وكان يعترف بالرساله انه هو مزودها بالنوم هاليومين وانا عارفه راح يدق ويعتذر لي حتى لو اعتذر مايحاول يصلح غلطه ويعترفلي انه هو يحاول يغير من نفسه بس مااشوف شي
يعني اكثر شي يقهرني فيه بروده واحس انه مو قادر يفهمني يعترف لي احيانا انه هو يكذب علي واذا قلت له بايش كنت تكذب علي مايقوللي بس يقول كذبه بيضاء
الحين تكلمت عن مشكلتي ماني عارفه مين فينا الغلطان كثييير اراجع نفسي واقول يمكن انا الغلطانه هو مايحب فيني اشياء احاول اعدلها بس هو مااشوفه يحاول يعدل اغلاطه
راح اتكلم لكم عني شوي عشان تحكمون يمكن من جد اطلع انا الغطانه بشي
وتنصحوني اعتبروني اختكم
انا انسانه عصبيه وحسااااااااسه كثير هو دايم يقول ان انتي تزعلي بسرعه ويقول اني عنيده <<<< انا جد عنيده بس معاه والله مااشوف نفسي عنيده اعاند الكل الا هو
انا اتكلم كثير واحب اني اسولف معاه واحب انه هو يشاركني السوالف بس هادي كثيرر واذا قلت له سالفه اشوفها بالنسبه لي مهمه لما اخلص يقول بكل برود خلصتي
انا تقريبا تكلمت عن سلبيات زوجي بس يبقى له ايجابيات وطبايع حلوه اعشقها هو رومانسي وحنون كثييييرر وادري انه يحبني
حاولت اواجهه كثير واحكيله عن اطباعه بس دايم ردوده علي مختصره كثير ويقول ان شاء الله ولا يهمك ومن هذا الكلام
ابي اتناقش معاه مايحب النقاشات يختصرها على طول وينتهي الموضوع


بنات بذمتكم اعتبروني اختكم ومحتاجه لكم كثيييييير لاني مره متضايقه ومنهاره لاني ماني قادره اتأقلم معاه وخاييفه من بعد الزواج حياه طويله وتصير مشاكل بيننا

كثير قالولي ان هالمشكله صغيره بس انا بعيني اشوفها كبيره ومحتاجه نصايحكم

ابي اعرف اي شي افعله وقت الخطوبه عشان اجذبه في السوالف واغير من نفسه بدون مايحس اني انا اسيطر عليه

سامحوني عالإطاله والاسلوب لاني جالسه اكتب لكم وانا ابكي

ابي ارجع الاقي ردود من خواتي لاتحرموني