واللي يرحم والديكم .. ساعدوني ما بقى لي غير يومـــــين ... ؟؟؟

فيه كريم اسمه هيرباسين موجود بالسوبر ماركت او الصيدليات رهيييب

السلام عليكم
انا اعرف معاناتج وهاذي خلطه مضمونه 100% بس انا ماجربتها اختي الصغيره جربتها
ومن مره وحده صارت ايدها تجيب العافيه انا ما جربتها لاني كسووله خخخخخخخخخ
المهم ترى اختي سمرى على فكره اللهم ايدها البيضه من الخلطه وناعمه بعد
المقادير:
بياله زيت زيتون
ورق نايلون الشفاف اللي تغطون فيه السلطه عرفتيه؟
قفاز قطن
الطريقه:
تسخنين زيت الزيتون حتى يصير دافي يميل للحراره شوي عشان ماتنصلخ ايدج خخخخ
وبعدين تدهنين ايدج فيه كلها غرقيها بزيت الزيتون ثم تغلفينها بورق النايلون
ثم تدخلينها بالقفاز وتخلينها نص ساعه او ساعه الا ربع
ثم شليها وامسحي الزايد من زيت زيتون وابتعدي الله يرحم والدينج عن الشمس
جربيها يومين وانشا الله بتدعين لي
ملاحظه:
اذا لفيتي النايلون لفي اصابعج كل وحده لحالها عشان تدخينها بالقفاز ولازم يكون قطن
وادعي من الله ييسر لاختي ويحفظها من العين
وشكرا

ايه وعقبها كل يوم حطي واقي من الشمس على ايدج ووجهج
حتى لو ماانتي بطالعه من البيتo.k

مشكورة خويتي أحلام النهار على الوصفه ..


مشكورة اختي ( وين الباب ) وان شاء الله بجربه واحصل نتيجه

حبيبتي انا زميلتي تعاني من نفس المشكله وقالولها في المستشفي ان ها حديد متجمع فإيدها وان نسبة الحديد اذا كانت زايده فالجسم جي يستوي مادري انتي شوفي بعد واعرضي نفسج ع طبيب احسن ...

اختي مهيرية .. انا قالوا لي عندي نقص في الحديد من شهر الحين .. والحمدلله تميت مداومة على أكل التفاح بس مو يوميا يعني يوم آكل وفترة لا .. وطبعا بدال التفاح آكل خضار .. وانا أصلا ما آكل وااااااااااااااااااااايد ..



بس مشكورة على النصيحه

جربي تفركي ايديك كل يوم بقطعة ليمون او برتقال ولا تنسي تحطي واقي الشمس.

حبيبتي انا استخدمت خلطات حور الجنان الله يجزاها خير .. اللي هي اللي بالكحول و عنوانها على ماعتقد شي جارتنا :D و خلطتها لليدين تعملينها زي المحلول .. والحمدلله مرررره نفعوني.

انا استخدم صابون مغربي مع زيت اللوز مع عصير ليمونة وادهن فيها ايدي وبعدين البس قفاز بلاستيك لليد

او نايلون زي اللي يستخدموة دكاترة الاسنان تلاقينة بصيدلية احط الخلطة هذي والبس القفااز وخليها ساعتين

وممكن اكثر وبعدين اغسل ايدي بصابون مفتح زي صابون ريو ولاصابون الباباي

وبعدين ارطب ايدي بكريم مرطب ثقيل مثل جلسرين جليسوليد

وخلاص استمري لين تفتح

وابعدي عن الشمس والعطر وبذات الكريماات مع الشمس تتفاعل وتسمر البشرة

حطي واقي شمس خمسين بالمية

يسلمووووووووو خواتي


والله ما تقصرن

انا استخدم هالطريقه

شفتها في المنتدى
قبل فتره

واضفت لها الاسكنول

م زيت جنين القمح
م زيت اللوز الحلو
م زيت اللوز المر
م جلسرين
م اسكنول اللي باليمون
وربع بياله عصير ليمون
وبعدين احط فوقم جيلوسوليد الاحمر
واتم احركه لين يصير نفس الكريم
وبعدين امسحي فيه يدينج
والبسي القفازات البلاستيكيه
وفوقهم القطنيه
انا اسوي هالطريقه لرجولي

والله بتحسين بالفرق من اول مره
نعووووووووووووووومه وبياض


ودعواتج لنا

هلا بنات بلدنا انا بعطيج طريقه صج بتريحج لاني كنت حامل وايدي من السواد خجلتني ولا فاد اي كريم اسفه طولت عليج
اسمحييييلي :) :) كريم جليسوليد وليمون وزيت اللوز الحلو اخلطيهم مع بعض وحطيه على ايدج بليل ولفيه بانايلون مال السلطه وثاني يوم الصبح تمي امسحي ايدج كنج اسوين مساج وهوبالنايلون بس حياتي بس ونتي فاضيه دوم حطي الكريم وحجي ايدج بليمون والله روعه الله معاج ويوفقج في الاجتمااااع وتنعجبين من ايدج اللي بصير مثل ايد البيبي ودعيلي الله يصلح ذريتي ويهديهم وردي علي بنتايجج
:o (*)

قشري يدك بزيت الزيتون مع السكر

وبعدها ادهنيها بكريم ثقيل مثل الجلسريد مخلوط بزيت اللوز او ليمون
والله يسااااعدك يالغلا

جربت للحين كم خلطه

في نتائج على النعومه ..

بس للتبيض ولا وحده


بستمر وان شاء الله في نتائج ..



تسلمون حبيباتي

بيضه و متناسقه و لونها موحد و اظافرها ورديه تكون ملفته

و حتى الصبغ بكون يجنن عليها و اي لون بتحطينه بيكون وااااو ..

جربي هذي الطريقه

* * * * * * * * * *

* تسوين سنفره لايدج بالاسبوع 4 مرات او يوميا انا عن نفسي كل يوم اسويلها سنفره و دايما احطلها سنفره ستيفز المبيضه روعه سبق اني ذكرتها و حطيتلها موضوع..

( مو ضروري تتقيدين بهالسنفره اي سنفره موجوده عندج و تحبينها )





* يوم و ترك او كل يومين و ترك تنقعين ايدج بهالطريقه حيل روعه و تجنن و ذكرتها لكم بس نتايجها تصير فوريه و تبين على طول ..



خذيلج طاسه تكفي انج تنقعين ايدج فيها و حطي فيها الآتي :


ليمونتين تعصرونها كامله ( ليمون الاصفر الكبير)

ملعقة كبيره ملح خشن

اسكينول ليمون ( انا فرغت نص العلبه )

ماي الاوكسجين ( ملعقه الى ملعقتين فقط )

نقعي ايدج فيهم و خليها تقريبا 5 او 10 دقايق و بعدين ابتدي افركي ايدج عدل ..

و بعد ما تقعدين تفركين مدة خمس دقايق تقريبا طلعي ايدج و حطيلها سنفره اي سنفره تقدرين تستعملين حطيها على ايدج الثنتين و ابتدي افركي افركي افركي و غطسيها بالطاسه اللي فيها المكونات و ارجعي افركي و شوفي النتيجه الفوريه ..


* نقعي اصابعج بالاسبوع 3 الى 4 مرات ( بزيت زيتون و ليمون ) لمدة ربع ساعه و شوفي شلون اظافرج راح تصير ورديه و قويه و تهبل ..


* خصصي لج صابونه خاصه لايدج انا احب صابونة بيبي جونسون تجنن تخلي الايد ناعمه و ريحتها فظيعه و صابونة البابايا رهيبه للبياض ..


* هالكريم خليه خاص لايدج كل يوم دهني ايدج فيها ..

انا ادهن ايدي و البس دسوس و اقعد 4 ساعات فيهم او اكثر حيل روعه هالكريم يخلي ايدج بيضه و ناعمه وتجنن و صج صج تحسين انج انثى بمعنى الكلمه من حلاة ايدج لون موحد و الاظافر يا سلام بتخليها و رديه و انسي اللون الاسمر ايدج بتكون كلها لون واحد و حتى المفاصل لون واحد رهيب هالكريم انا من جربته و انا ما هديته كل ما خلص سويت مره ثانيه اخذته من منتدى عالم حواء بس ناسيه و الله منو العضوه اللي كاتبته جزاها الله الف خير و طبعا مع اضافات من عندي نجي للطريقه :


1- علبة فازلين المقويه للأظافر


3- جلسرين سائل

4- ليمون

5- كريم بــيــن


6- كريم olay للتفتيح بالتوت البري


7- كريم جلسوليد الأحمر


تنخلط جميع الكريمات و تنحط بعلبه محكمة الاغلاق و كل يوم تدهنين ايدج منها و شوفي شلون ايدج راح تصير شنو بياض و توحيد لون و نعومه بتصير زبده زبده بكل معنى الكلمه و حتى مفاصلج بتصير كلها لون واحد مع ايدج يعني ايدج بتصير خــــيـــال و حتى الصبغ بيكون عليها خطير و بتتفنين بـألوانه بس شرط تدهنين ايدج كل يوم فيها عشان تبين النتايج ..


* نجي للنقطه الاساسيه اذا بتطلعين بالشمس و بالنهار حطي لايدج كريم حمايه مثل ما تحطين لبشرتج حطي لايدج عشان تحافظين عليها من سمار الشمس على طول تلبس لدسوس لا تنساها ..


* * * * * * * * * *

طبقي جميع الخطوات خطوه خطوه و شوفي ايدج شلون راح تصير قمة الأنوثه

ما ادري يالغلا شو اللي بيفيدج وبيتناسب مع ايدج بس بقولج عني شسوي..

اولا اقشر ايدي باي مقشر عندج بس عادي لا تضغطين واايد بشويش وبعدهااا اغسلهااا عدل،
احط كبسولات ثنتين فيتامين E وشوية جليسوليد واقعد افركهم وبعدها البس قفازات بلاستيكيه والبس فوقهم غفازات قطنيه واخليهم ساعتين بالكثير اتضايق منهم ههههه وبس بعدها اغسلهم وارجع ارطبهم بجرجنز او اي مرطب ثاني على حسب الموجود جدامي^_^ والحمدالله ايدي حلووووه و مستانسه عليهاا..

جررررررررربي وان شاءالله تفيدج، انا اتكلم عن تجربه بالغلا والله يوفقج يارب
وحبيت اقولج اذا تتعرضين واايد للشمس البسي قفازات قطن بيض تحميج شوي من الشمس..


والله يعييينج ويعييينا اجمعين..

تسلمون على الخلطات الرائــعه


وبجربهم ولا يهمكم


وان شاء الله خير


مع اني طول اليوم امس قاعده أجرب


والله العظيم يا بنات في نتائج اسعدتني


يعني ايدي صارت نااااااااعمه والله العظيم ..بس شويه مو كثير كثير ناعمه

وعن التفتيح .. جربت خلطه قوية والله العظيم ان لوني تغير ..


وان شا الله مع الاستمرار بيتغير للافضل

عاد لما تجربين اي وصفة خبريينا بالنتييجة اووكيك :)
موفقة بالترطيب والنعومة وبالاجتماااع :)

إماراتية بكلمتي;5526077:


وعن التفتيح .. جربت خلطه قوية والله العظيم ان لوني تغير ..


وان شا الله مع الاستمرار بيتغير للافضل

شو هي الخلطه