كل الصفات السيئة يحملها زوجي العزيز.. ساعدوني الله يفرج هم كل انسان

اقرا قصتج كاني اقرا شي من حياتي انا وكل الي عشته انا سبحان الله
بس ما فيها مشعوذين وهالسوالف بس دايما كنت اسامحه لما يغلط وسوالف بنات ونفس الحركات
التلفون دوم خاشنه ومسويله رقم سري ومن هالحركات الي ذكرتيها

حتى نفس الشي صارلي فتره ما اكلمه ولا هو مهتم بالعكس يسهر ويطلع ولا كانه في شي

وانا تعبت حدي لانه مو مهتم لزعلي ولا يسال

ولما ااكلمه يقولي انا ما زعلتج بشي انت شكاكه واتشكين فيني ومن هالكلام

المهم تعرفين شو سويت

قلت اروح اكلمه لان خلاص الايام تمر وما اابييه يتعود اكثر عالبعد وما نه فايده لو اتم سنه مطنشتنه وزعلانه عادي
ولا بيسال

هالرياااييل ما تعرفين لهم اففففففففففف يقهرون ولا يقدرون وهمهم نفسهم

المهم رحت له وكلمته وطبعا هو مسوي عمره عادي ويضحك وقلت له في وايد امور مب عاجبتني
ولا وصلت وياه لنتيجه

غير انه قالي ان شالله بتغير ولا تتضايجين
والحين الحمدالله ردينا نفس اول كل شي تمام وانا اهتم فيه مثل قبل واكثر

وجفت اني اكسبه احسن من اني اهجره لانه ريال وما بيهمه وخاصه انت تعرفين المغريات والبنات ترس بكل
مكان

فلازم انت تحاولين بكل الطرق تكسبينه هذا الحل مع هالنوعيه بالعكس يمكن يحبج ويحترمج اكثر
اما اذا هجرتيه وزعلتي ما يهمهم ولا بيسوون سالفه الين ما ترضين بنفسج لان في شي شاغلنهم
بنات وسوالف وامور نحن ما ندري عنها بس نكتشفها من فتره لفتره
ولو تلاحظين جذبهم وايد حتى عالامور البسيطه صح احس نحن متشابهين بنوعيه ريايلنا

يعني انا اكتشف وايد اشيا يجذب فيها علي ومرات استغرب انها اشياء تافه

يعني لا تطلبين الطلاق لان اعتقد لو يحبج بس شي عادي عنده

يعني ريلي لو اخليه وارجع بيت اهلي واطلب الطلاق ما بيقول لالا لانهم يجوفون اعمارهم صح ونحن الغلط
ولا بيسوييلي سالفه وبيقول اذا تبين هالشي اوكي ما عندي مانع (يعني نحن غير وهم غير لو يحبونا )

فالاحسن انج تلملمين جروحج وغضبج وتعيشين حياتج واكسبيه كثر ما تقدرين

بس لا تتنازلين عن حقوقج مثل قبل هذا الي سويته الحين قمت احاسب واسوي حساب لكل شي
يعني قبل كنت اصرف من راتبي بس الحين لالالا خلاص كفايه 4 سنين اصرف ولا مقدر

لازم افكر بنفسي اكثر لان الرياييل ما منهم امان

وبنس الوقت ما ااقصر معاه بشي واكسبه كثر ما ااقدر يعني اسوي كل شي لصالحي واعيش حياتي مع ريلي وعيالي سعيده ( ادور على الاشياء الزينه وكل شي يبعد المشاكل والنكد عني وعنه احببه فالبيت يعني اكسبه بكل الطرق احال يكون لي الدور الاكبر فحياته يعني اكون موجوده بكل الاوقات حتى لو هو برع البيت ما ااخليه يسمع الا الحلو ولا يجوف الا الاحلى )

وصدقيني بترتاحين ان شاء الله

لان مهما نبشنا من وراهم ومهما سوينا وعورنا راسنه مستحيل يعتدل بحنتنا وزعلنا نحن ولا الضرابه تنفع

لان هالشي فيهم هم لازم هم يعدلون من نفسهم بالاول صدقيني

وادعيله وكثري من الاذكار وادعي ربج من الخاطر انه يهديه وان شالله بترتاحين

والطلاق مو حل ولا تفكرين فيه بالمره وهذا اكبر غلط انت اذا كلام وانج تشتكين ما عندج حد عاقل مثل ما تقولين
كيف اذا تطلقتي وصرتي وحيده صدقيني بتندمين

نحن الحريم نكون الاعقل والاحسن ونحافظ على بيوتنا مهما كان الريال صدقيني ما نقدر نعيش من دونه

وعلى فكره ريلج طيب وزين ومثل ما قلتي عشتي وياه وايد لحظات حلوه موووت
يعني اذكري كل شي زين فيه

بتلاقينه احسن من غييييييييييييره بوايد وانج محضوضه فيه

مثل ريلي اقارنه بالي معرسين على حريمهم ومهبدلينهم ولا بالي يشربون ولا يتعاطون
اقوول الجمدالله انا زوجي احسن منهم وفيه وايد خصال زينه

ففكري بعقل اكثر وصغري الامور بتصغر

والله يفرج همج وهمي ويصلح امورنا يارب

وانا عندي وايد امور ما ذكرتها

واسمحيلي طولت عليج
وان شاء الله تفهمين كلامي احس انه ملخبط ههههههههههه

اتريا ردج

الله يهدي زوجج يارب بس ماشاء الله عليج صابرة وماقلتي لحد بس حبيبتي مالج الا الدعاء انه لايهدي زوجج وحاولي تروحين معاه العمرة مرة ثانيه يمكن يخشع قلبة بس صج مشاكلة وايد كبيرة وحلها في يده هو وانت مالج الا الدعاء بس قصتج اثرت فيني وايد :(

ربنا يهديه ويبعد عنه الشيطان

انا استغربت من كل الردود شو فيييييييييييييييييييكم بنات

الطلاق مو حل نهائي

بدل ما تهدونها

وبعدين هي قالت جافت جنس ثالث ( فهل معناته انه ريلها مسوي وياه شي )

هالجنس الثالث موجودين بكل مكان امسات انا بالمركز جفت اشكال وانواع بنات واولاد
هم خلاص انفرضو علينا وعلى مجتمعنا

يعني هي مو متاكده من شي فكيف تظلمه

وليش تقولون عالريال من قووم لووووط وانتو مو متاكدين من شي ؟؟؟؟؟؟؟؟؟؟؟؟؟؟؟

وبالنسبه للشعوذه لا تقصون على اعماركم 90 % من الناس يلجؤؤون لهم

وحتى اترسو بالفضائيات

الاحسن انها تنصحه وتهديه وتصلحه مو انتو تقووولون اطلقي

هي ذكرت انه راح العمره يعني يعرف ربه زييييييييييييييييييييييييين
وفي امل كبييير ان الله يهديه ويعرف الغلط من الصح

وبالنسبه للمغازل وللبنات صدقوني انا ما االووم الريال دايما لان المغريات وايد وهذا ريال
يعني هالايام البنات هم الي يرقمون ويلحقون الريال وانا اجوف هالشي بعيني

انا مره وحده انعجبت بريلي وسالت عنه ويابت رقمه وكلمته يعني مو دايما الغلط منهم

وهم ناس عاديين الشيطان يوسوس لهم ايمانهم ضعيف وهذا السبب الرئيسي والاساسي
بعدهم عن الله قله الصلاة
قله ذكر الله

يعني لا تخلووووووون الايجابيات

وتاخذون السلبيات وبس

وتحكمون عليها وعلى ريلها بالاعدام وتنهون حياتها بالطلاق واتشجعونها على هالشي

شو ذنب عيالها ما فكرتو بهالشي

بصراحه تفكيركم سطحي

الانسان يحاول ويحاول والتوفيق من عند الله والله بيهديه

لو انتو اتفكرووون جي وبهالطريقه ما بتم حرمه بهالكووووووووووووووون متزوجه

كلنا بنحمل لقب مطلقه

الدنيا فيها بلاوي بس الواحد شو يسوي غير انه يلجا لربه ويجتهد ان الله الله مع العبد

يقول رب العالمين اسعى يا عبد انا اسعى معك

الله يهديكم بس

اختي زوجك يصلي ..!!!!!!!!!!!!!؟؟؟؟؟

ادري يمكن تستغربين من سؤالي .. بس انا اشوف انه يسوي اشياء مايرضاه رب العالمين ولا نبينا عليه الصلاة والسلام.. وكونت شخصية زوجك على الرغم من الاشياء الي يسويها الا انه في جانب طيب فيه ..

انا اقول حاولي تغيرينه باسلوب غير مباشر وذكريه بالله وخوفيه اكثر واكثر وشوي شوي بتلاقينه مثل ماانتي تبغين

ودي العمرة بين فترة وفترة بتشوفين تغيير في حياته

واذا ما تغير استخيري رب العالمين وفوضي امرك الى الله وربنا بيراضيكي

Noor1979;5516158:
السلام عليكم ورحمه الله وبركاته ..


الصراحه ومن غير زعل .. تمنيت ... اقرى او اشوف رد يبرد القلب ما شفت تمنيت اشوف رد من الجوهره او الجوكره .. ما شفت ......

عموما .. أنا بقول والي يزعل يزعل ......


اختـــــــــــــــــي .... انتي ما تخافين من ( الايدز ) ... يعني بنات .. ورقاصه ,, وشواذ ,, ومشعوذين .. كل هذا كفر بالله اختي ..... لا تخافين على نفسك خافي على عيالك .. ينقل لهم مرض او شي ...

وتعــــــــــــــــــــــاشرينه ... ليش ... والله ثم و الله ان ما يلمس شعره مني قبل لا يفحص بالمستشفى .. هذا اذا خليته يلمسني ...... اكبر خطا انج تزوجتي في لحظه غضب .. وانا ما بلومج على الماضي ..

شلي اغراضج وروحي بيت اهلج ... واهلج ما بيردونج لو عرفو مصيبتج .. حتى لو كانو معارضينج .. ريلج ما منه رجا ....

الي يزور بيت الله .. ويستمر على الفعايل الشينه ..... هذي لا يخاف الله ولا يخاف من شي ....
حرام عليج عيالج .. و اتقي الله في نفسج وعيالج ..... قعده مع زوج مثل هذا حـــــــــــــــــــــــرام

لو كان يضربج وبخيل .... اهون بمليــــــــــــــــــون مره من الي يسويه الحين

روحي حق اهلج وطلبي الطلاق واصري عليه .. ,شعرفج .. يمكن يسوي لج عمل .. او يخلي ساحر يسحرج وتتعلقين فيه وتصبرين عليه .. ويعمي عينج ... او ياخذ اثرج ..... ما تخافين على روحج ..

حدي مقهوره

تحياتي
ام جنى

مصره على رأيي

الله يفرج همك يااختي ...
ويهدي زوجك ..ويبعد عنه بنات الحرام

عليك اختي بالاستغفار والدعاء والصبر حتي يرجع زوجك احسن من اول والله يهديه لك ولاولادو امين يارب والله قلبي معاك

الله يهديه ويصلحه ويصبرك عليه ويسخره لك

ويغنيه بالحلال عن الحرام

لاحول ولاقوة الا بالله
الله يفرج كربك ويكون بعونك
لاتستعجلين على الطلاق
الله يكون بعووووونكـ

الله يجمع شملكم عخير ........... نصيحه تراج بتنذلين ببيت اهلج وااااااااااايد ....... قعدي ببيتج ابركلج بعيد عن القيل والقال وبدون محد يضرب ولا يشتم عيالج وحاسبهم عالنعمه والنقمه

والله أختي قريت موضوعك وبصراحه محزن هالشي وخصوصا ان عندك منه أطفال .. بس أنا قريت بالمنتدى في قسم أفكار وخبرات عن موضوع أسمه "قصه مهمه للمتزوجات... ممكن تغير حياتك 180 درجه" .. وماأعرف أشلون أنقل لك الرابط بس فعلا موضوع جدا ممتاز ممكن يفيدك أختي قبل لا تتسرعين وتطلبين الطلاق ..

اللي يهديه ويرجعه لج يارب ..........

والله انا مش عارفه مستغربه جدا من ردود بعض الاخوات . البنت بتقول الموضوع فيه جنس تالت و مشعوذين والاخت فاتون بتقولها غيري مود الزن و النكد ازاي انا مش فاهمه يعني هي البنت بتقول ان شافت بعينها واحد جنس تالت خارج من عند زوجها بالله عليكم ازاي ممكن تعاشر واحد زي دا خافي علي نفسك يا حببتي من الامراض وخافي علي اطفالك وكمان مشعوذين يعني بصراحه زوجك بيعمل حاجات عجيبه جدا مش مجرد اخطاء عاديه .
انا رائي انك تعطيله فرصه انه يبطل الحاجات دي ويروح يعمل فحص دم في المستشفي علشان الامراض وياريت تطلعو عمره مع بعض وشوفي بعد كده سلوكه هيتغير ولا هيفضل زي ما هو بصراحة لو هيفضل كده لازم تتركيه . وطمنينا عليكي يا حببتي .

يعني معقوله شفتي كل هالاشياء وهم ساكته يعني كيف صابره ع هالشئ ما ادري ..

الله يكون في عونج ...

يتعامل مع مشعوذين ويوديهم دول خليجية وتبغين احوالك تنصلح مايدلهم الا يكون ماخذفلوس يعني ماكلكم ولبسكم بماااااااااااااااااااااااااااااااااااااال حرام


انسان مايخاف الله توكلي على الله وتعوضي من عند الله اخير منه ومايبغاله اصلا تفكير

من اتى عراف وصدقة كفر على ماانزل على محمد صلى الله علية وسلم


يخرب بيوت الناس تبغين بيته ينعمر

يامامن البيوت الي قام بخرابها مع المشعوذين دعو علية وعلى بيته اتخلصي منه احسن لكي ولاودك ربيهم تربية اسلامية صحيحة وسليمة

وحسبي الله ونعم الوكيل

الله يبعد الهم عن قلبج حبيبتي وربي قطعتي قلبي

بس لاتتسرعين بالطلاق
اذا هو يحبك فعلا حاولي دايم نتصحينه
وفي نفس الوقت تحسسينه بقمته عندك وكيذا

يمكن يتوب ان شاء الله

ماقدرت اشوف الموضوع وما ارد عليج :(

الله يعينج حبيبتي ويفرج همج و يرجعلج زوجج احسن من قبل انشالله
قولي آمين ياعزيزتي ،،

الله يهديه ويسخره لج

الله يعنيك علية ويسخر قلبة لك انشاء الله ..

لا حول ولا قوة الا بالله
الله يفرج همك ويفتحها بوجهك
ويفتحها بوجهك
و الله يبعد بنات الحرام عنكم