بشو تنصحوني ...... والي يرحمكم كلكم تعطوني نصيحه

عن نفسي لو يطلب مني زوجي هالطلب طبعا ارفض ،لان الصراحة وواجد تعب التربية ،واني اعمار اولادي اكبر شوي من اعمار اولادش واني معاااناة عدلة وياهم...وما اعتبر هالشي معصية ادا اني احس روحي ما اقدر ليش اضغط على نفسي!!

هلا خيتو الله يعينك بس المفروض زوجك يحاسب لك شوي
لان التعب مو عليهم لو على هواهم جان كل سنة واحد خخخخخ

حاولي تتفاهمين مع زوجج

و ممكن تقولينله مثلاً انج ودج ترضعين بنتج سنتين و تعطينها حقها و بعدين تحملين علطول

انا جذي اتفقت مع زوجي لان كان رافض ننطر سنتين بس قلتله ابي ارضع سنتين
بعدين صار يساعدني و يشجعني ارضع سنتين

و بعدين احنا ناوين نحج فا مابي احمل قبل لا احج فرضي

اذا انتي ما حجيتي و لا زوجج ممكن تقولينله نحج اول

هلا اختي

وجهة نظري ان هالشي يتم باتفاق الطرفين ودام هالشي كرره زوجك وانتي ما تبين

حاولي تتفاهمين معاه على هالشي ووضحي له وجهة نظرك ترا النقاش جدا مهم بالمسائل اللي تخص الزوجين

لأن اذا كل واحد ساكت ولا وضح وجهة نظره للطرف الثاني بتصير تراكمات ومن وراها مشاكل الواحد في غنى عنها

وانا لو كنت مكانك وزوجي أصر على هالشي بوافقه بدون تردد لأن طاعة الزوج واجبة

واللي بيفرح زوجي بيفرحني حتى لو هالشي فيه تعبي بس نظرة رضى وسعادة بعيون زوجي تسوى الدنيا

دعواتي

لا والله ارفض كمان اولادك صغار كتييير والتعب والهم والسهر هذا كلله على راسك
بس انتي اقنعيه ان الوقت بكير خللي شوي لما تصير البنوتة عمرها سنتين وبعدين بتفكري
وعلى بين ماتحمللي وتجيبي بتكون البنت بعمر الثلاث سنين تقريبا والولد اكبر

وربي يختارلك الخير (( انا زوجي اقلله نفسي احمل حن قلبي يقللي بالله؟؟ اهدي بس خخخخخ))
سبحان الله هالرجال مانعرفلهم الله يخليهم فوق راسنا

هلا حبيبتي

على الاقل خل مريومة تكمل سنتين عطيها حقها مسكينة

وبعدين فكري بالحمل

الله يوفقج

ولدج ان شاء الله بيكمل 3 سنوات بعد شهرين يعنيى على هاي السنه تقدرين تدخليه حضانه..

ولين ما تحملين وتربين بيكون عمر مريومه سنيتن وشويه يعني سن مناسب انج اتبين البيبي الثالث عسب يكون فرق سنيين من بينهم...

والله ترا ما فيها شي لو حملتي ..

غيرج يتمنى ومب محصل

الود والتفاهم سيد الموقف في هالأحوال

بني له أنك مورافضه الفكره تأجلينها فتره الأطفال على بعض ما يآخذون حقهم

في الأهتمام والعنايه والحنان والتربيه

وحتى الزوج تنشغلين عنه

تعبت وانا احاول افهمه ..

يعق نغزات يقولي حمود يقول حمدان يعني يبا اخو .. المشكلة شكله حن على بيبي صغنون ... وحده قالتلي هاي تعتبر معصية للزوج خوفتني ...

وبالنسبة لمريومه انا الين الحين ارضعها بس من كمن يوم تحاول تبتعد لانه اصلا خلاص ما يطلع حليب مع اني فاليوم اعطيها 3 مرات ... بس ما اعرف ليش قل جدا عندي الحليب ...

am slooh;5510436:
الود والتفاهم سيد الموقف في هالأحوال

بني له أنك مورافضه الفكره تأجلينها فتره الأطفال على بعض ما يآخذون حقهم

في الأهتمام والعنايه والحنان والتربيه

وحتى الزوج تنشغلين عنه

انا مع اختي بردها

ونصيحة مني شخصيا وانا مجربة هالشئ:

لالالالالالالالالالا تفكرين تحملين الحييييييييين:rolleyes:
باي طريقة حاولي تقنعين ريلج
انا ريلي قبل ما احمل بولدي الاخير زن وحن يبي يهال وووووووووو
لما يبنا الياهل الثالث والاثنين اللي قبله صغار تخبللللللللللللنا من العدل
ما قدرنا ناخذ راحتنا مع بعض(كله صياح+تبديل بامبرز+اللي يبي يلعب واللي يبي ينام ويصييييييح والي يقوم بالليل يعني قممممممممممممة المعاناه:confused:
لين ريلي قام يصرخ ويقول مستحيييييي:mad:ييييل افكر بانج تحملين لين عبادي يكمل ال3 سنين بالضبببببط


صراحة انا معاناتي لا توصف وصابرة واضطريت اودي ولدي الكبير عمره 3 سنوات الروضة مع ان المدرسة رافضينه بس انا اترجيتهم يدخلونه ما اقدر اتحمل 3 بالبيت بروحي وابوهم يروح الدوام ويرجع لنا كم يوم ما يتحملهم يقولي الله يصبرج عليهم

والله ان انا ظلمتهم وظلمت نفسي
لازم الوحدة قبل لا تفكر بالحمل تفكر _______>>بالتربية شئ ضرووووووووووووووري

واسمحي لي على الاطالة

بجعه

الله يكتب لك اللي فيه الخير
بس احنا العكس زوجي مايبغى وانا اللي احن للحمل مشتاقة لبيبي صغير مع ان عمر بنتي نفس عمر مريومة الله يحفظها

بس ماقلتي لنا اختي سافرتي سفرتك ولا لأ ؟؟

واخذتي البيبيات معاك ولا لأ؟؟

واذا اخذتيهم هل تعبتي معاهم ولا لأ؟؟

واذا تعبوك خلاص قولي لزوجك انت شفت الوضع بعينك ان تعبنا معاهم وكذا فكيف بطفل ثالث ومن هالكلام فبيقتنع

وبعدين انتي مافكرتي في اهم نقطة وهي:



ان يمكن زوجك يمزح وان مو جاد في الأمر


لأن الواحد لازم يقدر ظروف زوجته الصحية والنفسيه

هذا حمل مو لعبة يعني بتتقيدي 9 شهور غير الولادة غير السهر والتعب


ومع ذلك انا اقترح انك تسألي شيخ أو رجل دين في حكم رفضك واعتقد ان الحكم انه لا ضرر ولا ضرار يعني إذا فيه ضرر عليكي وهو فعلا ضرر عليكي المسؤلية والتعبة

واذا كان رد الشيخ انك لازم تطيعي زوجك

عادي ترى مريومة اللحين كبرت تعتبر يعني على ما تولدي بالسلامة بتكون في السنتين وشوي
والحمد لله على النعمة الله لايحرم أحد واحنا اللي ربنا رزقنا بهالنعمة نعترض ونقول لا ولأ

سبحان الله البني آدم غريب عجيب


ـــــــــــــــــــــــــــــــــــــــــــــــــــــــــــــــــــــــــــ
~عيون زوجي~

الله يساعدك اختي

الصراحة تخيلتك وعورتي بقلبي مع ان عندي بنت وحده عمرها سنة ونصف وليي نية افكر في الحمل بس "بعد الذي قلتم فلا "

مستحييييييييييييييل افكر خل تكبر بنتي ان شاء الله بعدين افكر والحمد لله ان ابوها مايبغى إلا بعد 5 سنوات بس انا اللي كنت ببتدي معاه مرحلة أقناع واللحين غيرت رايي ماابغى خلاص

وذكرتيني ببنت خالتي زيك بالضبط واللحين عندها 3 زيك

بس الحمد لله انها قالت لا ستوب خلاص ولدها الصغير اللحين بيكمل 4 وهي لسه موقفة

الله يعينكم


ومشكورة انك فتحتي مخي شوي وخليتيني أعقل عن فكرتي المجنونة حقت انجاب طفل ثاني

مرحبا

سافرت رحت بانكوك اسبوع وخذت عيالي معاي لاني مجبورة ..

اصلا رحلتنا كانت علاج وسياحه وديت حمودي حق بلاعيمة لانهم هني خوفوني قالولي الالتهاب كثرة الالتهاب بياثر على الكليه وبيخربها (بسم الله على ولدي) وديته هناك قالولي الولد موووول ما فيه شي لا بلاعيم ولا شي هذا التهاب عادي يصيب كل الاطفال مع تغير الجو ...

ومريومه اضطريت اخذها لانها الين الحين ترضع .. بس الحمدلله ما لعوزني فالطلعات .. احطهم فالمشاية من نطلع اليما نرجع نص الوقت يرقدون ونص الالثاني يلسون يشوفون الناس مستغربين نحن وينا وين هالمكان الوصخ ...خخخخخخ

بس لعوزوني شوي فالفندق تخيلوا ضاعوا عني غافلوني وطلعوا من الغرفه ركبوا الاصنصير صرت مثل المينونه وطلعت من الغرفه حافية تكرمون من دون نعال وركبت الاصنصير طلع في ويهي ريال لبناني قلتله وانا مثل المينونه عيالي طلعوا مادري وينهم قالي هدي بنلقاهم نزلت الريسبشن خبرتهم وايون معاي 4 من السيكيوريتي دوري في كل الطوابق واحنا ساكنين في اخر طابق 25 ..... حصلت حمود في الطابق ال6 صرت مثل الوحش مسكته وحضنته قلتله وين مريومه (الصاعقه) اشرلي على غرفه من الغرف صرت هبله خبله ادق الباب شوي واكسرة اقول حق السوكيرتي الي وياي الحين تفتح الباب يقولي ما اقدر بندق الجرس قلتله دقيت ما يفتحون ركضت الاصنصير بييب المفتاح فتح الاصنصير الا زوجي شايل مريومه من الفرحه حضنت زوجي ومريومه وقعت اصيح (للعلم ان زوجي ما كان موجود كان ساير اييب العشا ) رحنا فوق بندخل غرفتنا اندور حمود مو موجود الا غافلنا مرة ثانية وركب الاصنصير شغلنا حالت طواري 7 من السكيرتي يدورونه حصلوه في الطابق ال 9 ...اتصدقين هاي الليله ما ياني رقاد كل شوي اقوم اشيك عيالي موجودين ولالا .. والتخيلات حدث ولا حرج اقول لا سمح الله لو ما حصلتهم .. او لو حد سوا فيهم شي .. او لو.....

قتله بعد تبا ال3 قالي العيب مب منهم هذيل يهال لو قلتيلهم طيحوا فالنار بيطيحون العيب منج انتي الي تخلين عيالج وتنشغلين .. طبعا الويه احترق

يالله بس استانسنا وحمود استانس يوم وديناه سفاري حديقة الحيوانات

والله انا اشوف ان اثنين ووصعب فما بالك 3 ... او اثنين في راسك واتني حامل يعني تعب ...

انتي المفروض تصلي الى اتفاق انتي وزوجك ... انتو كم تريدو عيال ؟؟؟ وبعدين تتفاهم في الفترة بينهم ...

يعني اذا يريد 3 ... خلاص هانت جيبي الثالث واخلصي من هذا الموضوع واتفرغي لتربيتهم ..

بس اذا يريد اكثر ... ترا لازم تقنعيه ان الموضوع بايصير صعب عليك وانتي كل سنتين حامل ..
الرحم وحده علشان يرجع لوضعه الطبيعي يحتاج له سنتين .. وغير ان كل واحد من عيالك ما با ياخد حقه في التربية والاهتمام ... كل شي بالاقناع والمحبة والاتفاق يصير ..

انا زوجي ابدا ما يفكر انجيب تاني ,,, يعني لو تأجلت الفكرة هذي يكون احسن .. بس ان شاء الله بعد سنة بافكر اجيب تاني .. هو ما يريد اكثر من بنت وولد لو الله راد ,, بس انا اريد 3 ....

والله مادري شاقول لج أختى أنت إذا تحسين انك راح تتعبين بالحمل أجلي كم شهر بعد،، وقتها يكون حمودي دخل الروضة ومريومة شوي كبرت.. بس إذا ظروفكم تسمح من الناحية المادية والتربية وماتشتغلين وماتحاتين ان مافي حد يمسكهم وأنت بالداوم خلاص توكلي على الله وخلصي من الحمل والولادة يكون بعدها تتفرغين لزوجج...

أختي العزيزة..

الحالة النفسية لها دور في تنشئة الطفل من بداية الحمل للولادة للتربية.. فإذا كانت نفسيتج مو مستعدة، ما أنصحج..

حبيبتي، أكيد التربية صعبة، وفرق السن بين الأولاد له إيجابياته وسلبياته..

يعني لو انتي ربة بيت، وما عندج التزامات وايد.. لا تتأخرين وايد من وجهة نظري ..

تدرين ليش؟
بتتعبين بالبداية، وكل طفل لازم تتعبين معاه.. سواء معاه طفل ثاني أو لوحده.. يعني ما يمداج تفتكين من واحد بعد 3 سنين مثلاً.. تييبين وراه الثاني وتتجدد المعاناة!

غير لما يكونون من سن بعض.. بتتعبين بالبداية وبعد الشهور تشوفينهم يكبرون مع بعض، وتفتكين من الحفاظات والحليب ووجع الراس.. تتفرغين لمرحلة الروضة والدراسة.. ويكون بينهم أمور مشتركة.. غير لما عندج واحد بالروضة،، تصحين الصبح بدري تجهزينه، والثاني في حضنج طول الليل مسهرنج، والثالث يمشي ويكسر لج بالبيت!

عندي أخت اتبعت نظام كل 4 سنين تجيب، بس الاثنين الأخيرين جابتهم مع بعض.. تقول التعب يهون وهم ثنينهم مع بعض، ويكبرون ويا بعض بدون ما تحس!

وأخت ثانية جابت 4 اولاد ورا بعض كل سنة وخلصت.. تقول مرتاحة كبروا ولادها وقدرت الحين تلتفت لنفسها واهتمامات ثانية غير زحمة الرضاعة والحمل..!

وفي أمور ثانية..

أنا أشوف زوجي وإخوانه من سن بعض تقريباً كل واحد والثاني، صايرين ربع وتفكيرهم متشابه..
فلما يكبرون الأولاد وهم من نفس السن تشوفينهم وااااااايد قراب من بعض.. هالشي حلو بالمستقبل

وطبعاً اتفاق بينج وبين زوجج بالنهاية.. والله يعينج.

حاولي انج تتفاهمين مع زوجج وتعطينه مبرراتج وبهدوء ينحل كل شي.

حبيبتي .. انتي صبريه اشوي .. عل الاقل خل بيتج تكمل السنتين واحملي ... واذا بنتج وقفت الحليب شدي حيلج وييبي ياهل ثاني وربيهم ويا بعض عادي الصراحه عل الاقل يكونون ربع ويلعبون ويضاربون مع بعض وربيهم على راحتج ... والله يوفقج وياهم يا رب

ههههههههههههههههههههه حلوة هاي الحركه اللي سووها فيج عيالج في الفندق ....

ربي يحفظهم لج يارب

انا الحمدلله ما اشتغل وخلصت دراستي بس افكر ادرس مرة ثانية

من ناحية الميزانية ميسورة الحمدلله ومووول ما افكر فيه

من ناحية النفسية اخخخخخخخخ يوم اعرف ان فلان وعلان حامل افكر احمل لكن يوم ايلس ويا عيالي ويشيطنون انسى الموضوع اقول مستحيل