للواتي مررن بتجربة تشقق الحلمات فقط ! تعبت !

ماتشوفين شر اختي انثى


بس غريبة!!!!!!!!!!!!!!!

هالحالة صاير لك الآن بعد فترة سنه و5 اشهر مع الرضاعة!!!!!!!!!!!!!!!!

ترى انا مريت بنفس حالتك لكن مو اللحين مريت بها أول ما ولدت لكن اللحين الحمد لله ماشي الحال

وكان حتى الدم يطلع مني لكن الحل اللي عطوني اياه المجربات قبلي طبعا


اني ارستمر بالرضاعة مع تقليل الرضاعة من الصدر الي فيه الجرح

يعني ابدئي باليسار وكملي باليمين اللي فيه الجرح

عشان اللي يبدأ منه بيشرب واجد لكن الثاني بس بيكمل شرب بس أقل من الأول

وواصلي رضاعة وان شاء الله بيختفي لحاله بإذن الله تعالى

ماتشوفين شر انوث

سلامتك

وبوسي لي سيدون

هلا غناتي أنوووثه

طبيعي ترى لكن اهم شي تعالجيه اني استخدم مرهم افالون حق تشقق الحلمات مررة زين على زيت زيتون

استخدميه وان شاء الله راح تصيري زينه

يااااربي الله يعينك

انا بقلك الحل لاني مريت بتشقق الحلمات ولين وصل ولدي عمر شهرين وهي تعورني اذا رضعته لين اكتشفت الحل ياااارب انه ينفع معك

انتي متشققه الحلمه مرررره احس لو حطيتي زيت زيتون بيحرقك فااافضل لك زيت السمسم بعد ما ينام ولدك النومه الطويله حطي شوي لانه ابرد من زيت الزيتون
الخطوه الثانيه اذا رضعتي ولدك بالعافيه لا تدخلي صدرك على طول لان الحلمه تكون بعدهااا رطبه ولينه من الرضاعه لا خليهاااا شوي قبل لا تدخلين صدرك عشان الحلمه تنشف

استمري على الكلام هذا اسبوع بالكثير وراح تحسين بفررررررق كبير وادعي لي :)

والله ياخت انثى صار لي نفسك الحين ،وعمر ولدي سنة وسبعة اشهر تقريبا ولدي واااجد يشرب مادني ،وستخدمت كدا مرهم ما فاد معااي فشكلي بفطمة هلايام لان متعبني في الرضاعة... وما تشوفين شر ان شاء الله.

السلام عليكم ..

الله يساعدك على التشقق .. انا صار لي من شهر محرم لحد اللحين التشقق وياي وايد تعبانة وحاولت مع بنتي ارضعها صناعي علشان اخفف على نفسي بس بنتي مو متقبلة الصناعي وما خليت شي الا جربته مع التشقق > نصحوني بزبدة الكاكو وراح عني التشقق لمدة بسيطة ورد رجع حتى الدم يطلع مني ... غيرت نوعية الستيان واشتريت خاص بالرضاعة لان احس الحلمة تلصق مع الستيان فغيرتها واخذت خاصة بالرضاعة بس ما احس ان له حل غير انش دايما قبل الرضاعة وبعد الرضاعة تاخذين لج قطن نظيف مبلول بماي واتنظفينها او انش اتبلييين الحلمة قبل الرضعة لان بتكون جافة علشان لما يمصها الطفل اتكون مو جافة ويمنع التشقق وبعد الرضعة تمسحينها هم بعد بالقطن ومبللل واتجففينها بعدين ادخلين صدرش علشان يمنع التشقق وان شاء الله خير والله يعطينا على قد تعبنا يارب ... ما زلت اقول وبقول الرضاعة وايد صعبة ... الله يسهلها علينا يارب(f)

هلا اختي انثى يقولون انه السبب الرئيسي للتشقق هي الخطا في الرضاعة انه الطفل يجب ان يمص الهالة باكملها وليس فقط الحلمات فانتي حاولي انه يمص هي الهالة ومثل ماقالت الاخت انه تخليها تنشف او تغسليها بالماء بعدين تغطيها وماتشوفين شر

أنا لحد اليوم أعاني من هالمشكلة ... الحليب تجمع وصااار
يألمني كثييير وشفطته وارتحت
بس الحين لما ولدي يرضع يالله من الألم ... الله يصبرنـا
أسوي ماي ساخن خف شوي بس الألم بعده ما راح

اشكركم يالغاليات على نصايحكم الحلوة .. !

بييييه ما تدرون البارحة شصار ؟ والله تعبانة حدي 3 ساعات نمتها ! ظل يصيح يبي يرضع و انا اشيك صدري اذا فيه امكان ارضعه شوي او لا .. لما عطيته هو يرضع و انا اصيح من الألم و يطالعني باستغراب ، مسكين رضع شوي و تباعد عني و هو يزن و يهدر بلغته الغريبة ! و صار يتصرف بعصبيه لان مااعطيه .. و كل شوي يقعد ليما انا يأست و قمت من النوم !
و اليوم اكثر و اكثر الجرح .. !

.......................................

بنات انا نسيت اقول لكم انه المشكلة مو بس تشقق مثل اللي يصير معانا اول ما نولد ، لا انا اللي تعبانة منه جرح مفتوح بأسفل الحلمة .. ! و لاحظت اليوم انه طلع منه مادة ، مادري هي حليب او شنو ؟ !

جود القمر .. من حقك تستغربين ، ولدي واجد يرضع ، بشكل مو طبيعي ! قررت كم مرة افطمه و ارد اتراجع .. و للأسف مااقدر ارضعه بالتناوب بين الايمن و الايسر لانهم اثنينهم مجروحين اليوم خلاص مافي رضاعة ! اشكر دعوتك يالغالية !

بلوسومز .. الحمدلله اني حصلت اسم علاج و ان شاء الله باخذه .. و يارب ينفع !

عيون وليد تسلمين حبيبتي .. و خليت لي الحين زيت السمسم لما قلتين عنه !

! فالنتينووز! .. الشر ما يجيك و شكلي انا بعد بفطمه ! زين ما تجمع لك الحيب لما صرتين ما تعطين له ؟ و شو الحل ؟

نور الورد .. هلا ام حسين حبوبة نورتي ،، صدقتي الرضاعة صعبة ، وواجد فيها مشقة من ألم و تعب و غيره !

faty zezy .. خلاص سيد صادق كبير و يرضع صح بس مشكلته انه يبالغ في الرضاعة ! اشكرك عالمرور ..

عروس جنان .. هلا بمشرفتنا الجديدة ! ولدك كم عمره ؟

أم سيد صادق

أتوقع حالتش نفس حالتي بس الفرق بالنسبة لي أنها صادتني أول الإرضاع وبسببها رضع حمود طبيعي شهرين بس

أنا حمود كان يرضع من جهة وحدة بس فكان عليها ضغط شديد وأنا أصلا جلدي كله حساس جداً الجرح يتم فيه دهر
بدأ الموضوع بجرح تحت الحلمة صارت كأنها قسمين أو كأنها مفتوحة " ما أعرف أشرح بس أتوقع فهمتي علي إذا هذا اللي صاير معاش " بعدين انقصت !!! اي بساطة انقصت وبلع محمد جزء من الحلمة وكره الحليب ورفضه تماما وتمت أشهر وهي نص حلمة !!! تصوري رغم أن الدكتورة اللي بدأت أتعالج معاها قالت ليي أنها ما بتطول خصوصاً أن كتكوتي ترك الرضاعة أصلاً لكن ليومكم وأنا أتألم منها وللحين ما رجعت لشكلها الطبيعي الطبيعي تصوروا !!! يمكن لأني ما حليت الموضوع من البداية استفحلت الحالة فأنثى أهم شيء أهم شيء لا تتركين نفسش جدي روحي لدكتورة شاطرة

وحاولي دايما بعد ما يخلص سيدون تجففينها وتحطين عليها زبدة كاكو " بالمرز "

نثى اهم شي انج بعد كل رضعة تغسلين صدرج بالماء انتي تسوين جذي ؟ لان البكتيريا تتجمع و اهي اللي تسبب الجرح و حطي كريم الرضاعه بعد كل رضعه و بيروح الجرح ان شاء الله

الله يعينك

انا صارت معاي بولادتي لحد ما صار فطر بصدري يعني الحلمة انفتحت على الاخر و الالم الله لا يوريك ما نفعني غير الشفط لحد ما طاب صدري مدة اسبوع و طبعا مع الكمادات الحارة

الله يعينك

انا عطتني الدكتوره كريم بالمرز بالكاكاو وتقولي حتى لو رضع البيبي عادي والله من يومين من استخدامه

والالم خااااااااااف000

اخت انثى ،المشكلة اني ارضع بس من جهة وحدة لان الصدر الثاني ما يبي يشرب منة من يوم هو صغير ،البارحة بالغصب نام مندون رضاعة لاني حطيت له كجب وقلت له طلع ليي حاحو فخاف ويأس وخيرتة نام بس كسر خاطري ،واول مرة ما يسهر لي في اليل عادتا يقعد اقلشي 3 مرات واليوم الصبح قعدتة اخته يوم تروح الروضة وكان مصخن ومزكم وجاه صدرة وقال يبي وحطيت لي حلمة صناعية وعطيتة لان عور بفادي يوم شفتة مريض مع انة كان مجمع لي حليب واجد بس عطيتها اياه قلت ما امبي اعفس نفسيته زيادة وهو مريض ..

رقم;5507811:
أم سيد صادق

أتوقع حالتش نفس حالتي بس الفرق بالنسبة لي أنها صادتني أول الإرضاع وبسببها رضع حمود طبيعي شهرين بس

أنا حمود كان يرضع من جهة وحدة بس فكان عليها ضغط شديد وأنا أصلا جلدي كله حساس جداً الجرح يتم فيه دهر
بدأ الموضوع بجرح تحت الحلمة صارت كأنها قسمين أو كأنها مفتوحة " ما أعرف أشرح بس أتوقع فهمتي علي إذا هذا اللي صاير معاش " بعدين انقصت !!! اي بساطة انقصت وبلع محمد جزء من الحلمة وكره الحليب ورفضه تماما وتمت أشهر وهي نص حلمة !!! تصوري رغم أن الدكتورة اللي بدأت أتعالج معاها قالت ليي أنها ما بتطول خصوصاً أن كتكوتي ترك الرضاعة أصلاً لكن ليومكم وأنا أتألم منها وللحين ما رجعت لشكلها الطبيعي الطبيعي تصوروا !!! يمكن لأني ما حليت الموضوع من البداية استفحلت الحالة فأنثى أهم شيء أهم شيء لا تتركين نفسش جدي روحي لدكتورة شاطرة

وحاولي دايما بعد ما يخلص سيدون تجففينها وتحطين عليها زبدة كاكو " بالمرز "

بييييه خوفتيني ، لا خلاص بشوف بالمرز اللي قلتي عنه و البنات بعد ضروري ..

بس عن جد قصتك غريبة ! عانيتي الم قوي يعني اذا انقص جزء من الحلمة ! يالله اجر و عافية ،

استغفر الله صدق الرضاعة بلاويها ما تخلص مقارنة بفايدتها ! و بالزود اذا الطفل مثل ولدي لزقة و كله رضاعة !

حبيبتي اشكرك على الرد و بوسي لي حمودي !

أم إلياس;5507902:
نثى اهم شي انج بعد كل رضعة تغسلين صدرج بالماء انتي تسوين جذي ؟ لان البكتيريا تتجمع و اهي اللي تسبب الجرح و حطي كريم الرضاعه بعد كل رضعه و بيروح الجرح ان شاء الله

هلا ام الياس ..

لا انا مااغسله بعد ماارضعه الحين ، كنت اسوي جذي لما كان بيبي صغير بس مليت مع الوقت و كثرة رضاعته صرت اترك اني اغسله .. !

و فعلا البكتيريا اول سبب في عدم التئام الجرح .. اشكرك لفتتي نظري لهالشغلة ..

دعواتك !

ابرار الجنة .. انا لما ولدت و صار معاي تشقق استخدمت الشفاطة مدة شهرين بعد للطلعات حتى ما اضطر ارضعه برا ..

لكن المشكلة الحين ما يبي المرضعة !

! فالنتينووز!;5508572:
اخت انثى ،المشكلة اني ارضع بس من جهة وحدة لان الصدر الثاني ما يبي يشرب منة من يوم هو صغير ،البارحة بالغصب نام مندون رضاعة لاني حطيت له كجب وقلت له طلع ليي حاحو فخاف ويأس وخيرتة نام بس كسر خاطري ،واول مرة ما يسهر لي في اليل عادتا يقعد اقلشي 3 مرات واليوم الصبح قعدتة اخته يوم تروح الروضة وكان مصخن ومزكم وجاه صدرة وقال يبي وحطيت لي حلمة صناعية وعطيتة لان عور بفادي يوم شفتة مريض مع انة كان مجمع لي حليب واجد بس عطيتها اياه قلت ما امبي اعفس نفسيته زيادة وهو مريض ..

سلامات عليه .. مساكين هم يكسرون الخاطر اذا ما نعطيهم ! و الحين الله يساعدك فترة المرض ما ياكل يبي بس يرضع .. اذا ياخذ المرضعة خلي له سوائل للتعويض !

تسبيحات .. بعد شوي بروح طيران عالصيدلية .. تسلمين !

اختي انثى وباااااااااااااااااااااااااااااااقي الاخوات اللي يعانون من تشققات الحلمه عندي لكم الحل النهائي بإذن الله...
انا بعد ماجبت ولدي قبل 9 شهور الحمدلله الله سخر لي ممرضه بصراحه كان ودي اجيبها عندي والبسها ذهب من كثر ماهي شااااااااااااااااطره بالتعامل مع الام والطفل... فكنت اعاني بنفس الحاله تشققات والم ودم الله يكرمكم... سبحان الله ربي جابها لي ورحمني يمكن راحمتني عشان والده قيصري خخخخخ... المهم مالكم بالطويله... قالت لي بلا كريمات بلا خرابيط ربي عطى الام شي فيها ما يمكن اي كريم في العالم يجيب ربع ربعه... قالت لي قبل ما ترضعين اغسلي صدرك زين وبعدين كل شوين اعصري من صدرك شوي حليب وادهني فيه الحلمه كل ما تذكرتي ادهني من حليبك فيه كل الفوائد ومعقمات وطبعا واكيد آآآآمن على الطفل..
والله يابنات والله انه ما توقعت ان التشققات تروح من شدة الالم اللي كنت احسه بلا كريم بلا خرابيط... وهذي نعمه من رب العالمين ورحمه بعباده...
جربوا وبشروني

حبيبتي في كريم خاص لتشقق الحلمة اسمه Bebanthene