قصة ولادتي المفاجأه..قولوا ما شاء الله

السلام عليكم ورحمه الله وبركاته
اشحاالكم كروووشات المنتدى
حبيت ابشركم واطمنكم علي
بيوم الخميس الساعه 1 ونص بالليل ولدت بولد فديته ياربي وسميته حسن ..
وهذي قصه الولاده..

انا كانوا عاطيني مواعيد مختلفة للولاده
كنت اراجع عند اكثر من دكتوره
وكل وحده تقول لي موعد غير عن الثانيه
عطوني بتاريخ 28-3 وعطوني بتاريخ 3-4 وبعد موعد ثاني بتاريخ 5-4
المهم انا هذا طبعا اول مولود لي ولله الحمد
وماكملت التاااسع ربيت تاريخ 20-3
يعني بنص التااسع بالظبط !
الحمدلله ..

المهم ما كنت احس بشي بالمرررررررررررررررررررررررررررررررره بس كان عندي احسااااااااس قوي اني بربي قبل موعدي المحدد سبحان الله
ما حسيت باي الم .. بس لاحظت انه نزل مني كميه دم من بنفس اليوم من الساعه 11 صباحا
لكن ماهتميت بس حسيت انه خلاص بربي اذا مو اليوم باااجر
رحت جهزت العده شنطه المستشفى وجيكت ع ملابس البيبي وماكان عندي اي الام تذكر الحمدلله !
بعدين سرت حفيت وسبحت بماي حاار وكان الدم مستمر بس متقطع
وبعدين دخلت النت ودخلت عروس هههههههه متفيجه ادري
وبعد دخلت وكلمت ربيعاتي على المسنجر الين الساعه 8 باليل
وبعد كل هذا جهزت ادعيه ووصفاتي اللي كنت كاتبتنها بورقه
شربت دله ميراميه شاي مع قرفه ومسمار
وكلت ملعقتين عسل طبيعي
وجهزت دبه ماي زمزم وقريت عليها ايات قرآنيه تسهل الولاده ومسحت شوي ع بطني والباقي خليته للشرب ووقت الولاده
وكلت صحن تمر ع الغدا مع لبن
وما تعشيت بالمره عشان كان عندي احساس اني بربي ..!!
المهم رحنا المستشفى ع اساس انزور الاهل هناك زياره عائليه وبعد ما خلصنا الزياره رحت ازور وحده مع البنات كانت مرقده في المستشفى وسلمت عليها وسألتني انتي بأي شهر قلت لها التاااسع وقالت ما تعرفين شو فيج ؟ قلت لا والله .. قالت اظن فيك ولد ! قلت لها الله العالم لاني اصلا ما سويت فحص وخليتها ع الله وتكون مفاجأه احللللللىىىىى
بعدين رجعنا البيت الساعه 10 باليل
ووبديت اقرا قرآن .. وامشيت ربع ساعه تقريبا وبس تعبت لان ريولي كانت متورمه من كثر المشي اللي كنت امشيه من ايام الثامن وبدايه التاااسع
المهم جتني الالام اول شي مثل الام الدووره عزكم الله
وبعدين زادت علي .. واول مازادت علي قلت اكيد هذا طلق !! < خبركم بجر خخ ماعرف شي :D
وسرت ركككككض للمطبخ كنت منقعه كف مريم وشجعتني الاخت رسيس ف موضوعها اني اخذهاا وبالفعل خذتهااا وشربت منه كوب كااااااااااامل
وبعد ربع ساااعه زادت الالام مره ثانيه
قلت ما بروح المستشفى وبتم اليييين احس اني خلاص بربي وبروووح ع طوول ولاده < متفائله وايد خخخ:o

المهم صبرت تقريبا سااااااااااااعه في البيت يعني الين الساعه 11 كانت الطلقاااات قويه نااار نااااااااااااااااااااااااااااااااااااااااااااااااار في ظهري وكنت طوول الوقت اشكي ظهري >:ss:
وريلي قال يلا نقوم نتمشى الين ما تحسين انه خلاص ولاده :D قلت له يلا
لبست وجهزت ورحنا تمشينا وقلت 5 دقايق اقووله وقفففففف ظهررررررررييييييي
وبعدين زاد الطلق وحمى وصار كل 3 دقايق ..
قال ريلي لا اخاف تربين ف الشارع بوديج المستشفى خخخخخ
وبعد ما وصلنا قلت له خلني اتمشى شوي ف المستشفى عشان اذا حسيت اني بربي ع طول ولاده ههههههه > للحين متفائله وصدقوني يا كروشاات كنت اظحححححححححك واختي تطالعني ومستغربه و:eek:
المهم ريلي ابتسم لما شافني فرحانه ع الولاده ومتفائله وانا كنت متفائله واظحك لهم وفاجه الحلج :D
المهم حمى الطلللللللللق وصار غير محتمل بالمرررررره
صااار كل دقيقه ... !!
يعني مافي نفسسسسسس الا الطلقه الثانيه جايه ع الطرييج !!! :confused:
المهم اختي خافت قالت لا خلاص بنوديها نكشف عليها واذا مطوله بنردهاالبيت تتمشى
ودوني وكنت متردده الين ما اقتنعت
وكشفت علي الدكتوره وقالت ...



تخيلوو كم قالت ..

احبطتني وقالت مفتوح 3 سم !!
بسسسسسسسسسسسسسسسسس!!
المهم بس قالت لي انتي الطلق عندج قوووووووووي واااايد مشالله وقالت هذا رحمه من عند ربج احمدي ربج ولادتج بتكون سريعه وسهله باذن الله
ارتحت واايد لما قالت لي هلكلام وطلبت منها اني اطلع اتمشى وما رظت قالت لي اخاف تروحين وتربين هناك خليج عندنا احسن ..!
وبعد ربع ساعه قاولوا خلااااااص نوديها غرفه الولاده !!
وصاار قووي الطللللللللق اكثر واكثر وما يعطيني وقت اتنفس
وكشفت مره ثانيه وقالت لي خلاص 8 قربتي واايد وانا كنت اسولف واظحك معاها ههههههه:D
تمت تقول ماشالله انا اول مره اشوف وحده بكر تظحك ومستانسه بولادتها ! الحمدلله !
المهم بعد ساعه من الطلقات المتككره شررف حسووووووووووووووون وقالت لي مبروووك يااج ولد ماشالللللللللللله وفرحت وماحسيت بالخياطه بالمررررررررررررررررررررررررره وكنت طول الوقت ابصبص ع حسووني فديته وبسته وبعدين نمت وقعدت الصبح وشفت حسوني حبيبي عندي وع طول قمت ابششششر الربع والاهل والحمدلله على كل حاااااااااااااااااااااااال :)

وعقباالكم يا كرووشات ونصيحه الولاده تجربه حلووه والله ..ولا تخافون انتو بس توكلو على الله واذكروا الله دوووووووووووم .. :)