هو انا معنديش كرامة ؟؟

انصدمت من السؤال لما سالتهولى صحبتى لئيتها بتقولى هو انا معنديش كرامة وانصدمت اكتر لما عرفت سبب السؤال لانى معرفتش اجاوب هى كانت بتحب واحد جدا جدا جدا وعاشوا قصة حب جميلة اوى بس بقيود طبعا مخرجوش سوا ولا مرة كان اللقاء فى محيط الكلية بحكم انهم زمايل فى الجامعة والباقى كلام تليفون المهم والعادى بتاع معظم الشباب انكشف على حقيقتة طلع شاب بيتسلى وكل الحب دة كان تمثيل فى تمثيل وبان على حقيقتة لما طلب منها يتجوزوا من غير علم اهلها ولما رفضت بان على حقيقتة انة بيتسلى وندل وجبان وقطع علاقتة بيها بعد ما طلع كلة تمثيل فى تمثيل طبعا هى بئى لسة بتحبة هى فى الاول لما انكشف حست انها بتكرهه جدا بس مع الوقت سامحتة وحبها غلب مشاعر الحزن اللى جواها وهى حسة انها لسة بتحبة ومتقدرش تعيش من غيرة وبتقول انها بتتمنى وبتدعى كل يوم ان ربنا يهدية ويرجع لعقلة ويكون كويس ساعتها حتسامحه لانها سامحتة خلاص هى حتدوخة شوية الاول بس حترجعلة لانها رغم كل الخيانة والندالة والتمثيل ورغم انها عرفت انها مش اول واحدة يتسلى بيها ومش حتكون اخر ة واحدة بس هى لسة بتحبة هى كدة فعلا معندهاش كرامة ولا اية واحد خانها ولسة بتحبة
انا معرفتش ارد عليها لانى عارفة مشاعر الحب الجامدة اوى دى وعارفة يعنى اية تفقدى حبيبك وتعيشي بعيد عنة بعد ما فقدت حبيبى واخدة الموت منى