&&&محتاجه لكم ساعدوني الله يسعدكم&&&

:)والله يا اختي ادعليك ان ربي يرزقك بالزوج الصالح ويعطيك كل ما في بالك يا رب:)

صراحة قريت موضوعج وماقدرت اطلع من غير مارد

الصراحه هاي التفكير اسمحيلي متخلف مع احترامي شنو يعني البنت عمرها 15 سنه تتزوج احنا وين عايشين هاي طفله لين الحين شيعرفها في الزواج وشلون راح تجيب عيال حبيبتي عيشي حياتج عادي توج صغيرة على الزواج عبالج الزواج شي حلو لا حبيبتي الزواج مسؤولية زوج وبيت وفي المستقبل عيال صدقيني انا تزوجت وصار لي اربع شهور وتزوجت بعد ماخلصت جامعة وكان عمري 22 سنه واحس روحي صغيرة كنت اشوف الزواج حلم من الثانوية كنت متوقعة الزواج دلع وناسة وطلعات بس صدقيني الوحدة لماتتزوج تشل هم انتي في بيت اهلج تحطين راسج وتنامين بس البنت بعد العرس لما تنام في راسها الف شي وشي وغير عقب العرس بتشوفين الناس يتدخلون في حياتج اذا حملتي وفي علاقتج في زوجج

انا ماكرهج في الزواج بس حبيت اقولج الزواج حلو بس في نفس الوقت متعب احنا كبار وزين نستحمل شلون يهال راح تستحمل هاي الشي

حبيبتي اصبري انتي وخواتج وصدقيني راح يجي نصيبكم ولا تفكرين ولا تهتمين بكلام الناس لانه كلامهم مابيخلص عيشي حياتج واستانسي وقولي الحمد لله

انا اسفه اذا كان ردي قاسي ولا قوي بس الصراحة انصدمت انه في ناس جذيه بهاي الزمن

والي الله كاتبه لج حبيبتي اعرفي انه فيه خير لج ولا تقولين انا عانس تراج توج بنوتة وصغيرة والعمر قدامج

والله يوفقج في حياتج ويرزقج انتي وخواتج بالزوج الصالح يارب

اهم شي في الوقت الحالي اهتمي بدراستج وخلي كلام الناس عنج

بالتوفيق :)