حورية العراق تحترق ولا تموت

لا حول ولا قوة الا بالله العلي العظيم ،،
انا اقووول شرايج دام هي وايد معاج وعلاقتكم زينه
تجيبين لها مطوع يقرى عليها .. يمكن فيها شي

بصراحه ماعرف شاقول .. بس توهم عرسان ودام
قلتي تحبه يعني في امل .. وهو اكيد كان يحبها
ولا ماتزوجها ولا حاول معاها

شوفي يا أختي والله القصه تعور القلب .. بس أنا راح أنصحكم وأنصح أخوكي..
أنا أعرف قصه لرجل تزوج وما قدر يدخل على زوجته مدة طويله بالأشهر.. كانت دايما تصيح من يقرب لها.. وكانت تقول له طلقني وانا ما راح اسعدك ومن هالكلام.. بس هو دايما يصر انه ما يبي يخليها خايف من ردة فعلها ومن سمعتها لا تصير مطلقه.. ودارت الايام وصار عندهم عيال والحين عايشين في بيت واحد بس كأنهم منفصلين.. محد يقرب من الثاني ..


مغزى كلامي انو: أذا جتك فرصه وتنبيه من رب العالمين لا تضيعها..
هذا أختبار لأخوك .. أنه لسى ما دخل عليها .. أنا من رايي أنه ينفصل عنها ويعتبرها مثل أخته ويشوف حاله أخوك يتزوج زوجة ثانيه.. من حقه يعيش حياه هادئة أذا من البدايه هي بتتعامل معاه جذي..

وأنا اقولك .. اذا هو مو عارف وضعه شلون معاها .. نصيحه لا يقرب منها ولا يدخل عليها.. واذا هو مقتنع فيها .. خله يصبر .. لما تهدأ نفسيتها بعدين يدخل عليها ..

يمكن بعدين يصير حمل والبنت ترفض اخوك وتقول انه ما تبيه .. او يمكن اخوك يستجن منها ويقول خلاص ما ابيها .. حرام جذي


والله يوفقكم ويهديكم وسامحيني على كلامي
عذرا على الاطالة

دلوعةحناني;5480842:
بنات انا عندي مشكله او بمعنى اصح مصيبه غريبه
انا عندي بنت صديقتي من ايام الطفوله بنت رائعه الجمال شعر اشقر للركب وروعه عيون خضر
جمال خيالي وامها عراقيه وابوها سعودي المهم البنت اهلها سافروا ايام سقوط بغداد او قبل بشوي وصارت الحرب وللاسف ماتوا الله يرحمهم وبقت يتميه ووحيده واقاربهم قليل ومافي علاقه زايده المهم انا اقترحت على اخوي يتزوجها يوم شفت العرسان يهلون عليها لانها الزوجه المثاليه من كل ناحيه لاخوي وافق ويوم شافها سجد لله شكر على هالجمال والاخلاق المهم تزوجوا قبل اربع ايام وامي وابوي سافروا اندونيسيا للسياحه بقولون وين المشكله ؟؟؟؟؟؟؟؟؟؟
اول يوم نامت مع اخوي عادي وجلسوا مثل العسل لان كانوا تعبانين من العرس وكذا ثاني يوم
الساعه 2 اسمع البنت تصرخ بكل قوتها كان احد قتلها او شافت شي يخرع صراخ مرعب انا ركضت
ووفقت جنب غرفتهم الي هي افتحت الباب وحضنتني وتبكي وانا اقولها وش فيك قوليلي اخوي ضربك؟
او زعلك تقولي لا العيب مني طلع اخوي معصب يقولي خذي هالمجنونه من وجهي لا اقتلها
وكان معصب المهم اخذتها غرفتي وهديتها وسالتها قالت لي ما ادري يوم اخوك بغى يسوي
الي بالي بالكم حسيت اني احترق واطيح من مكان رفيع والناس حولي وانا اتألم ومحد يساعدني
انا اندهشت ؟؟؟؟؟؟؟؟؟ وقلت لها اذكري الله يمكن من الخوف او ارتباك وقامت تبكي تبي امها وابوها
انا حسيت اني امها وحاولت اهديها شوي ومشى الحال وكلمت اخوي قلت البنت يتميه وتكسر الخاطر وانتبه عليها ووعدني انه بيصبر المهم نمنا وصحينا وكلشي اوكي جا الليل وراحوا غرفتهم
نفس الشي صراخ عجييييييب وصوت مو صوت البنت صوت يخرع وربي طلع اخوي وله الدم بوجهه
مقطعه وجهه بأضافرها وهو يسب ويلعن الساعه الي تزوجها فيها
انا دخلت عليها واهي نايمه تحت السرير وتبكي((حسيت انها مجنونه )) سولفت معها شوي وقلت
انتي كنتي متفوقه وروعه والكل يمدحك وش فيك ؟؟ ما تحبين اخوي او منجبره عليه؟؟؟ قالت لا انا اموت فيه واحبه بس كل ما بغى يسوي لي شي احس اني وحده ثانيه واني احترق واطيح من فوق
واحس اني هيام ((من هي هيام))؟؟؟؟

حبيبتي هالمشكله اولا لازم ما تنعرض فيالمنتديات..

ثانيا لازم تتوجهون فورا فورا لمركز دعم اجتماعي اي مركز مختص...


وثالثا يمكن فيها نوع من المس الشيطاني...تتوجهون لاي قارئ يقرا عليها مب ساحر يقص عليكم


القارئ ينعرف بتقواه من خلال قراءه للقران بصوت عالي وعدم طلبه للمال وسعدم السؤال عن اسم الام..



والتسلح بالدعاء وقراءه القران وقيام الليل والتصدق من افضل اسباب العلاج لاي مشكله باذن الله


شربوها ماء زمزم جربوا هالشي^^



وموفقين

مسكينة ..
الله يعينها على ما شافت ..

شكلها بس مصدومة من كل اللي صار بحياتها ..
ومثل ما قال الشيخ عندها خوف ..

يالله الله يتممم عليها شفائها ..
ويرجع اخوج بالسلامة ..
ويجمعهم على خير يااارب

انها تسري في العائلة ..

مشكورات خواتي الغاليات
برد على وحده من الاخوات
الي تقول خلي ينفصل عنها
مسسسسسسستحيل البنت يتيمه وطيبه وشريفه وقمر وين بيحصل مثلها بعدين هو يحبها موت ومن بعد المشكله صار يعطف عليها بشكل مش طبيعي كأنها بنته
وهالحين هو مسافر وللحين ما لمسها وهي صارت زينه على حسب ما اشوف ونشوف كلنا
اخر قرار له ااذا رجع وشاف الوضع ما تغير هو بيقرر وانا سويت الي علي انا واهلي
والباقي بيد رب العالمين
تحياتي

الله يشفيها يااارب

مأظن انه عندها مس

لان الي فيهم مس شيطاااني مايحبوون يسمعوون القران ويسوون تصرفاات غريبه

شغلي لها صوره البقره او خليها تقراها او انتي اقري عليها وانفثي في مويه زمزم وخليها تشربها

واذا كانت محسوده بيبين عليها مع القراءه

ينمل جسمها
تحس برغبه في التقيوء
الم في الراس
قله النوم
دوخه

هذي اعراض المحسود

وفيه موقع للشيخ ( عبدالله السدحان ) (( موقع شفااء )) قارئ معروف والمويه والزيت والعسل توزع((( مجانااا )))

في كل مكاااااااااااان

تقدرين تدخلين على الموقع وتقرين رااح تستفيدين واجد وبتعرفين شو الي في حوريه

انا اتوقع ان الي فيها حااله نفسيه يفضل انك تودينها عند (( دكتوره نفسيه )) موثوووووووووووووقه

انا اعرف في الريااض بس في الشرقيه ماعندي خبر

ويااريت تطمنينا عليها

مشكوره حبيبتي سما على ردك الجميل
ونصايحك يالغاليه
والله يشفي الجميع
تحياتي

الله يعينكم ويشفيهاا

اهمشي اتحملوها حرااام البنت يتميه

وحالولي تكلميها خليها تتكلم تطلع كل الي في قلبها

ولاتنسي توديها عند دكتوره نفسيه مدام الشيخ قال عندها خوف

لاتنسي تطممنينا عليها

تقبلي مروري

عيون الفهد

وديها عند طبيبة نفسية
الظاهر جات لها حاله نفسية من اللي صار حق هيام