لحقونى الخادمة وابنى؟؟؟

حسبي الله ونعم الوكيل
يسعدني اني اكون اول وحدة ارد علييييييييييييج

والله انا وحدة من الامهات اللي اكره الخادمات حتى ولو كانت زينة بعد ما اثق فيها واحب اسوي كل شئ بروحي واراقب عن بعد وقرب واحاسبها نقطة بنقطة وبالفعل خادمتي تحترمني وتخاف مني وتحسب لي مليوووووووووووون حساب، والحمد لله انها تحب عيالي وااااااااااااااااايد

حاولي ما تخلين ولدج اللي يشكي من الخدامة معاها!! بس بسالج انتي موظة يعني!! والا ربة بيت
اذا ربة بيت السالفة سهلة ما فيها مشاكل

انا عارفة انج حامل وتعبانة وتبين حد يساعدج

بيني لها انج اتعرفين اهي شو تسوي خوفيها باسلوب بس ما انها تخاف منج لا تحسب لج حساب
وريلج اكيد ما بيقدر يسوي لها شئ، حبيبتي خلاص كل شئ تغير الخدامة الحين تقدر تجذب وتقول اهل البيت سوو لي ووو ..ويطلع الغلط علينا بس انتي ابتعدي عن اي شئ يضرج انتي وعيالج وحاولي تحسسيها بالامان بس بعد راقبيها وولدج علميه يقولج اهي شو تسوي له صح اهو مو وايد يتكلم بس حاولي بطريقتج

لا تخلينها معاه مرة ثانية او بدليها جيبي غيرها افضل لك اليوم تمشع شعره باجر ماتدرين شنو تسوي فيه

لكــــــــــــــــــن المشكلة انا موظفة ومن ارجع البيت الله يعلم اهوه معاي ، وحتلا لين انام لي ساعة او نص ساعة اخلي باب حجرتى مفتوح عشان اذا في شي او ضربت عيالي اسمع صياحهم بس انا اعرف انها جافة الكلبة معاه المسكين واهوه سنتين ما يتكلم وايد خايفه عليه والله انا جالسة بالدوام الحين وقلب معاه بالبيت ، حتى لدرجة انى احاول اسهره بالليل على الاقل ان الصبح ينام وما يجلس معاها عمه بعينها انشالله .... بس يدي مكسورة انزين اشلون انبها واكلمها بهالموضوع..........

والله اني اكره الخدامات موووووووووووت .. ولو ما اني مضطرة اني اجيب بوحدة بسبب ظروف عملي ابدا ما كنت استأجرت واحدة ابدا .. امس زوجي طرد الخدامة الي تمسك وسام ..
الاسبوع الفات غايبة 3 ايام ... وهذا الاسبوع غايبة يومين " احنا الخدامات ما يناموا عندنا " وخلاص صرت احس اني ادفع لها راتب على الفاضي .. اختى الان هي الي تمسكه ..
والله لو انا مكانك ... زوجي كان خرجها من زماااااااااااااااااااااااااااان ... اصلا ما يتفاهم مع احد يضايق ابنه .. عنده بنه هذا كل شي ولا يرضى فيه مرور النسمة ..
انا انصحك خرجيها وجيبي واحدة ثانية .. احمدي ربك ابنك يتكلم ويفهمك الحاصل .. في اطفال ما يتكلمو ..
معليش هذا الحل الانا اشوفه مناسب .. اسعي فورا في انك تدبري واحدة ثانية واول ما تدبري واحدة ، تخلصي منها فورا ...او ممكن تمسكهم لك بس يكون تحت رقابة احد .. لان ممكن تتظاهر قدامك بأنها الحمل الوديع والله اعلم ايش تعمل من وراك ..

ليش ما تخدعينها وتقولي لها انج بتسوين كاميرا بالبيت!!!!!!!!!!!!!!

وانج تكشفينها...

صدقيني بتخاف!! وتسوي لج انتي وريلج حساب

انتي متى تروحين الوام!! ومتى ترجعين!!!

واهي بالبيت لما تطلعين عندها شغل وايد والا تقعد فاضية


الحمد لله اني ما اشتغل ،والا لو كنت اشتغل بقعد احاتي عيالي لين ما ارجع،خواتي يعانون نفس المشكلة لما يروحون الدوام حل المشكلة يباله انه احنا نعرف ظروفج بالبيت وهذا شئ شوية صعب!!

والله مدري ليش تيبوون خدم مادام مو فاضين للعياال لاتييبوون عياااال

استقيلي من شغلك وجابلي عيالك ولا كبروااا ردي اشتغلي والله امهات قلبكم باارد شلون تخلون عيالكم مع الخدامة وتغير له الحفاضة وتعطيه اكله والله يعلم شتحط بأكله وشتسوي فيه لما تغير له

والله لوو شنوو اهد الشغل واقعد عند عيالي الخدم مالهم اماان

طرديهااااا من البيت

عندي لك فكرة جنان !!!!!
ما رايك تأخدي ابنك الي الحضانة .. من الساعة 8ص الي وقت انتهاء دوامك ... اعتقد ان ابنك الان ممكن يروح الحضانة ... انا كنت افكر في نفس الفكرة بس ابني عمره سنة ونص وتعب علي وعليه ... بس اذا بعد السنتين او سنتين ونص بادخله الحضانة ..

واخوانه الباقين اعتقد كبار وممكن يتعاملو مع الجنية هذي ..

فكرة ام وسام حلوة وكمان فكرة عيون زوجي حلوة

اما الحضانة او انك تركبي من جد كاميرا مراقبة او انك تقوليلها اسمعي ترا انا حطيت بكل مكان كاميرا صغيرة
تراقب تصرفاتك يعني اخدعيها حتى تخاف شوي وتستهاب
وربي يكون بعونك ويحمي طفلك

اخواتى انا فكرت اخليه بالحضانة ورحت اسجله بس ولا حضانه قابلينه لأن يقولون ما عندهم مكان هالكورس ، وشنو هى لعبة السالفة انى اترك شغلي صار لي سنين اعمل في لحظة اجى اتركه شي مو سهل اهدم مستقبلي ..... ومسألة الخدامة دافعين من دم قلبنا عليها لين جبناها اجي ارجعها واجيب وحدة غيرها واما تكون زينة او لا حتى ترى مسألة الخدم انى اجيب خدامة مسألة صعبة...........


لين رحت البيت بفهمها انها ما تعمل كذا ........ بعد شنو اسوى...... والله اللي يحفظ عيالنا من هالاشكال........

سلام نودو....

أذا في أحد من أهلش او صديقاتش قريبين من بيتكم خلي ولدش عندها ويه الشغاله ....يعني تكون الشغاله مراقبه من قبل الأهل فرضا....... كلها كورس وبعدين سجليه في الحضانه ...........


على فكرة مرة في قسم افكار و خبرات....وحده كانت حاطه كاميرات مراقبه ولكن خربانه في كل زاوية من البيت ...و مخبره الشغاله بوجود هذه الكاميرات .....خذي الفكرة و طبقيها(y) وفي نفس الوقت عطيها خزرة عين و قولي اليها عدال على الولد....

اختي لو في امكانيه هاتي مربيه ..... الف مره نقول الخادمه غير والمربيه غير لا تحملون الخدم مسئوليه اليهال .. كفايه شغل البيت .........................

حبيبتي الله يعينج صج الخدم يخوفوون

انا عن نفسي الحمدالله ما اشتغل بس عندي الخدامه واخليها تمسك ولدي بس وياي فلبيت واذا عندي شغله ضروريه مستحيل اخليها بروحها فلبيت معاه لازم اوديه عن ام زوجي او امي او اختي على الاقل تحت عينهم بس الخدامه هي الي تمسكه

بس اذا انتي مضطره وماعندج حد يمج مالج الا تراقبيينها زين وحطي الكاميرت صج ولاتخبرينها ترى سهل

وبالنسبة للمربية او الخادمة كل نفس الشي يعنى حتى المربية اذا الطفل طفشها بعد هى ما راح تتحمله ، انا لآن خدامتى كبيرة بالسن ومن تحت لتحت يعنى عندها تلفون واعرف انها تكلم هاي مو شغلي جهنم فيها لا اهية اختى ولا من بقية اهلي اهم شي تسوى شغلها ووقت فراغها تبي تتكلم تتكلم .......

وبالنسبة للكاميرا ما اقدر اخلي او اقول لها هاذي فلبينية وانا اخاف على عيالي منهم ...... بس الله يحفظه انشالله لكن اليوم بفهمها وبقول لها ان هالاسلوب تتركه لأن زوجى بيدوس ببطنها اذا عرف انها عملت هالحركة........

تفاهمي معاها

وفكره الحضانه تناسب لج خيوو

ماليهم امان

سفريها لو خدامتي كنت ضربتها ويريتها من شعرها وفريتها في المكتب

اسمحي لي اختي بكون معاج قاسية اشوي
اشولن يعني عرفتي عنها انها تظرب عيالج وانتي مخليتها الى الحين معاهم
لا تقولين لي موظفة العن ابو الوظيفة جدام ولد من عيالج
ترى ماتدرين مرة ثانية شنو بسوي فيه احسن لج وديها وييبي لج وحدة غير على اني مااحب الخدم ولا اايدهم لكن مدام انج موظفة ماتقدرين اتسوين شي
بس نصيحة صرفيها واخذي اجازة من الشغل على ماتيبين وحدة غير
بس لاااااااااااااااااااتسكتين هذا ضناج اي اهم الوظيفة ولا هو ؟؟
يتراوالي مايبيلها تفكير

المفروض ماتم ولادقيقه سيده تسفرينه ,,,,,,,,,

والله الوحده تحط ايدها ع قلبها وتقول الله يستر

لازم تحطين بالج عليها ولا تغفلين عنها


خلي عيالج مع الشغاله عند امج ام ريلج ع الاقل تطمنين اذا انتي محد

المشكله الواحد في هالزمن محتاج للشغاله

اذا قدرتي سفريها لانها تصلح واشتري راحت بالج

والله يحفظج عيالج ان اشاءالله

اختي ما دام انك عرفتي انها تضرب ابنك ليش تامنين فيها ........ اختي الاولى انك تخافي على ابنك لا تنتقم منكم في ابنك هذولا ما يخافن ربهم ...........انا خدامتي كانت مره عسل قدامي تعاملهم بحنان وحركات بس اكتشفت من ورايا انها تعاملهم بقسوه على طول ابعدت عيالي عنها وما خليتها تتعامل معاهم باي شكل والحمد لله الحين انا مرتاحه بدون خدامه اختي حاولي تراقبيها حطي كمره