السكن مع اهل الزوج

السكن مع اهل الزوج يفقد الحياة بريقها انا اول ماتزوجت سكنت مع اهله سنه حتى انجبت الولد ثم ذهبت معه الى جده وعشت فيها 15سنة وانجبت بقية عيالي عند اهلي ولكن ارجع لبيتي وان مشتاقه والله ياجماعة الخير عشت فيها احلى ايام سنين عمري وكونت لي اصحاب من خيرة الاصحاب وجيران طيبين وخرجات وعزايم دوريه معاهم نهاية الاسبوع واذا الوحده فينا ولدت او مرضت لقت اللي يقوم فيها والله اني ماابالغ مرضت ووقفوا بجانبي حتى بيتي كاني انااللي قايمه فيه ولدت ونفسوني الله وين القى هالصحبه الحينوراحت السنين والان سكنت الرياض مع اهل زوجي لكن مااحس براحه صدقوني والله العظيم حاولت وتقربت لهم لكن بدون فائدة ياخذون منك بدون مقابل مثل الضرس الاعلى ياكل ماينوكل عليه مثل اذا جيت اروح سوق او اسير مع زوجي او ولدي اقول لهم اذا احد بيروح معاي انما هم يطلعون مايقولوا لي واذا سويتها فيهم مره مااجرءاسويها المره الثانيه عايشين مع بعض ولا كاننا مع بعض مايجمعنا الا الغداء او العشاء وعلى فكره اذا دخلت المطبخ طبخت اغداء او العشاء شكلت ونوعت زهم عليهم ياكلون واذا جاء الدور عليهم الاكل مكرر وحجتهم محد ياكل او مانعرف نسوي ولا ينتهزون الفرصه لافضى البيت قالوا البيت فاضي ايضا العصر دائما ادخل وسوي معجنات كيك اي شيء مع القهوه والشاي وهم يعرفون يبلعون بس تحركات عيالي اصبحت بحساب والله اني كرهت نفسي مادري وش اسوي معهم اذا بطلت اسوي واشكل وش ذنب زوجي وعيالي وان سويت وغيري بس ياكل صراحه قهر حتى مايساعدون تقولين معليش والله احترت فيهم وش رايكم انتم والخافي اعظم الله يصبرني ويشرح صدري وييسر امري:confused: