بنات الخبر والدمام مطلوبين فوووووووووورا

روان 17-03-2008 6 رد 290 مشاهدة
ر


السلام عليكم ورحمة الله وبركاته


مساء النور :)


صارلي فتره ما كتبت مواضيع بالمنتدى ونسيت شي اسمه كتابه :o
المهم ...


عرس ولد خالتي ببداية شهر 7 وابي اشتري لي فستان سهره من السعوديه
انا ما احب افصل وبكل مره اشتري من السعوديه بس هالمره ما اعرف شنو الموضه

يعني السنه اللي راحت كان الحرير اهو الدارج .. فياريت اللي عندها فكره تقولي
واللي تعرف محلات يبيعون فساتين سهره ناعمه وراقيه بنفس الوقت تقولي
بس بشرط يكون بمنطقة الخبر واذا بعدت الدمام


ياريت تجاوبوني قبل يوم الخميس لأني باروح يوم الجمعه الصبح
ابي اشتري الفستان من الحين لأن بتطلع روحنا علبال ما يودونا السعوديه مره ثانيه
انتوا تعرفون الريايل والسوق اشلون :D

يالله ناطرتكم لا تطولون .. والسموحه على المغثه :tongue:


ب
ينقل لركن الاستفسارات
ج
حياكم الله يا اهل البحرين

روحي مجمع الجمعه سنتر بالخبر اسألي عنه بالخبر معرووف مره
وبالدمام عندك محمع مارينا مول على الكورنيش بعد عنده فساتين
بتلاقين بهالمجمعات فساتيييييييين اشكال والوان وعلى الموضه واحسن لك من التفصيل وارقى



وبالتوفيق
ف
عندك بالخبر

الراشد
فنسيا مول
الجمعة سنتر
الخبر بلازا في شارع السويكت
وشارع السويكت
لمسات طيبة في شارع الكورنيش
وخطوط متجددة في شارع البيبسي

الدمام

الواحة
مارينا مول
اسواق الدمام المفتوحة ( شارع الحب )

بس اذا تبين توفرين وقت روحي الجمعة سنتر لان كل شي متوفر فيه فساتين وجلابيات احذية السهرة والاكسسورات بعد


الراشد عندك عبد الواحد وصبا
والجمعة ومارينا المصمم اللبناني

هم اكثر شي احصل عندهم راقيين
ر


تسلموووووووووووووووون خواتي وما تقصرون
ان شاءالله راح اروح الراشد والواحه

اما الجمعه سنتر بصراحه ما تعجبني بضاعته
يعني ما عندهم الاستايل اللي احبه
ما ادري ليش هالمجمع بالذات ما احبه

بس ان شاءالله احصل لي فستان بهالروحه
يعطيكم العافيه خواتي


عاد اذا ما حصلت تراني راجعه لكم ^_^
م
مرحبا بنات خبر ودمام بسالكم يوم جمعة تفتح الاسواق متي صبح ولا ما يفتحون وعصر ساعة كم ومشكورين
ف
هلا اختي الجمعة ماتسفيدي شي من روحة الصبح لان يسكروا لصلاة الجمعة

من بعد الساعة وحدة الى 3 يسكروا للاذان العصر ويفتحوا 4 وبعدين يسكروا من 5:40 لصلاة المغرب ويبطلون بعدها بربع ساعة وبعدين لصلاة العشاء الساعة 7 ونص ( صلاة العشاء تطول 40 دقيقة ) وبعدها الى 11

وبعض المجمعات الى 12 بس اغلبها 11 او 11 ونص
X