ّّّ..العمر المناسب لدخول الروضه..ّّّ

endless hope;5455090:
شوفي اختي من التجارب على اطفال العايله كله اللي دخلناهم بسن 3 سنوات مستواهم متدني هذا مب معناته انهم اغبياء او ما يستوعبون لا هذا بسبب انهم دخلوا الروضه صغار وياخذون شئ فوق طاقتهم ^_^

فبنتي ان شاء الله بدخلها بعد ما تكمل 4 سنوات

حبيبة جيمي;5455242:
انا بعد اشوف ان عمر الثلاث صغيرر بس احيانا الظروف تحكم اذا الطفل هو الوحيد في البيت وما يحتك باحد وموب اجتماعي وخواف الافضل يدخل روضة وانا ولدي الحين عمره 3 سنوات ونص والسنة الجاية يدخل الروضة يكون كمل 4 سنوات

وولدي كلش موب اجتماعي وخواف وما يحتك باحد وهو ولدي الوحيد والله احيانا احسن اني ظلمته لما ما وديته الروضة من هذي السنة واحيانا اقول بالعكس افضل له وما ضغط عليه وخليته لين كبر ووفهم والحمد لله على كل حااال

الدمشقية;5456520:
انا رايي عمر الاربع او الخمسة حتى انسب شي و حلو كتيير والطفل مايزهق من المدرسة
انا زوجي دخلوه اهله لما كان عمره 3 سنين هلا يقللي والله ازهئت من المدارس وماطلع مهندس كمبيوتر
واتخرج الا بطلوع الروح ههههه (( عانى هههه كتيير ))

فخير الامور اوسطها اعتقد وربي يحفظ اطفالكم

نجمة الرضا;5456753:
أنا أفضل دخول الطفل الروضة سن ثلاث سنوات لأنه الطفل كل ما كان صغير أفضل له ليكتسب العلم

و العلم ما أقتصر على سن معين..لأنه العلم يبدأ من المهد الى اللحد(y)

رانيا البحرينية;5457018:
من تجربتي ولدي دخلته الروضة وهو له 3 سنوات،، اولا انا كنت بالدوام وكان هو يجلس مع أمي وكان يتملل وهو وحيدي فقلت خل يروح يكون يتعود على المجتمع ويكون صداقات، الحمدلله وايد تغيرت شخصيته لو كان قاعد بالبيت جان بيعذبنا لما ندخله على سن أكبر...

ميره2000;5457022:
انا افضل ان الطفل يدخل الروضه من سن 3 سنوات وانا عن نفسي بدخل ولدي السنه انشاالله بيكون عمره 3سنوات واربع شهور لانه يستوعب ماشالله عليه

gha1982;5461791:
اعتقد الروضة مناسبة في عمر 3 سنوات علشان يكون اجتماعي ومسؤول اكثر ومعتمد على نفسه بالاضافة رح يتعلم اكثر بس من دون ضغوط عليه علشان يحب المدرسة مستقبلا وخليها فقط للتسلية وتكوين صداقات وتكون عنده فكره على الدراسة ......

*ام وسام*;5461939:
والله انا ما ادري .. بس دخلت علشان اشوف ارائكم بما انكم دخلتو في تجارب مثلها ... على اي حال انا ابني الان عمره سنة ونص وما اعتقد انه جاهز الان لان يروح حضانة ..

alfajer _alb3ed;5462085:
شكرااا على المروور..

بالعكس اختي انا اشووف كل الاطفال اول مايدخلون الروضه تكون طبعا صعبه عليهم انهم يفترقون عن الام ويندمجون مع ناس غير....هذا طبعا اول الايام..وبعدين يبدأ يتأقلم ويصير اجتماعي...مب شرط اذا دخلتيه في سن صغير او عقب في كل الحالات شخصيته بتتغير..وبتلاحظين هالشي..

حبيبة جيمي;5462719:
ادري حبيبيتي ان شخصيته بتتغير وما له علاقة بالعمر بس انا وايد يكسر خاطري ولدي وقلت اخليه لين يكمل 4 سنوات على الاقل يكون كبير اشوي ويفهم اكثر يعني ما ابي اضغط عليه والحمد لله الحين اشوفه وايد متقبل فكرة الروضة ومتحمس لها وحتى حافظ اسم روضته وكل يوم يتكلم عنها يعني الحمد لله ان الفكرة دخلت باله واستوعب السالفة