تأخر نبض الجنين ومانزل علي شي ..؟

أ

أم صغنونه

عروس مشاركة

16-03-2008 | 09:44 PM

السلام عليكم بنات

انا حامل بالشهر الثاني واليوم المفروض ادخل الثالث

المهم انا رحت للطبيب بالاسبوع الخامس قال لي مافي نبض وقال ارجعي لي بعد اسبوع

ورجعت له وقال لي مافي نبض

بعد اسبوع يعني بالاسبوع السابع رحت لدكتوره ثانيه قالت لي الكيس موجود وعمر الكيس 7 اسابيع

وهم مافي نبض

المهم حمدالله على كل شي هو الي يعطي وهو الي يأخذ ولله يعوضني خير

بعد فتره رحت للطبيب قلت له عطني ااي شي اانزل البيبي

وشفت البيبي وقلبي عورني بس والله غصبا عني

وقال راح ينزل عليج مثل الدوره مو لالازم حبوب ولا شي وتحتاجين تنظيف لان البيبي صغير

والحين صاار لي اسبوعين لالالا نزل علي ولا شي نطيت ولعبت وسويت كل شي شربت حسوو ... وعشرج ... وحلبه ... وزنجبيل

كل شي ولا نزل علي ولا شي

بس مازلت ااحس بالووعه

مرات تزيد ومرات تخف

ماادري في حد صاده مثلي ,,, وعادي لو يطول ببطني مايصير شي :(

ج

جوااهر

عروس مشرقة

16-03-2008 | 09:49 PM

الله يعوضج خير حبيبتي

انا بعد كنت حامل ولما قربت ادخل الثالث
نزل مني دم واجهضت بدون ماعرف السبب

حاولي تسالين الدكتوره لو تعطيج دواء ينزل الجنين
احسن من انه يتم في الرحم مده اطول

ولازم تتاكدين بعد ماينزل الجنين ان الرحم نظيف وماتحتاجين لتنظيف

*

*um_jihad*

عروس مبدعة

16-03-2008 | 09:54 PM

اااااااااااااااخ مثل الي صادني بالضبط .. قلبتي علي المواجع و ذكرتيني بالي صادني
انى حملت بعد شهرين من زواجي و صادني مثلج نهايه الشهر الثالث قالت لي الدكتوره ان ما فيه نبض
و ظل في بطني شهر كامل .. ولان قربت الامتحانات ما قدرت اصبر اكثر لازم ينزل بسرعه حتى ما يوهقني في الامتحانات و انشغل بالمستشفى ....
المهم رقدت في المستشفى يومين .. عطوني حبوب للاجهاض و نزل البيبي وانى في الحمام سقط في ايدي ... و يوم ثاني سوت لي اشعه و قالت لي ان فيه بقايا للحمل في الرحم ولازم تنظيف .. بس انى خفت وما رضيت .. فاضطريت ان اخذ حبوب مره ثانيه و نزل البقايا .. طبعا هالحبوب مثل الطلق الم قوووووووووي كانج تولدين .. وبعد 5 ساعات معاناه ينزل الجنيين ..
انى كملت شهرين و شوي على الاجهاض والحمد لله صحتي شوي شوي ترجع طبيعيه
الله يعوض عليج اختي و يرزقج و يرزقني و يرزق كل البنات

أ

أم صغنونه

عروس مشاركة

16-03-2008 | 09:59 PM

اللهم امين يارب

ربي والله ارحم علينا من نفسناا والاجهاض بالشهور الاولى نعمه والله ياابنات

بس اناا ووقف نموو البيبي بالاسبوع السادس

على كلاام الدكتوور

قال لج 5 اساابيع وكم يوم ووقف نموووه

أ

أم صغنونه

عروس مشاركة

16-03-2008 | 10:01 PM

أنا ماانزل على دم ولالاشي هااي االي رافع ضغطي والصرااحه ماابي تنظيف ولا شي

لان البيبي ووايد صغير

متخرررعه من شي اسمه تنظيف

د

دلوعة محمداني

عروس برونزية

17-03-2008 | 01:49 AM

[COLOR="MediumTurquoise"]الغالية كانج تتكلمين عن حالتي بالضبط !! سبحان الله
توقف عندي نموه ف الثاني و ما نزل مني اي شي
و لا جاني الم و لاا شي
و قعدت شهر على هالحالة
ف عطوني طلق يفتح الرحم عشان يبدا ينزل شوي شوي و بعد 6 ساعات دخلوني غرفة العمليات و سوولي تنظيف
و اثناء العملية طبعا تكونين مبنجة
يعني لا تخافين ما بتحسين ب الام و لااااشي [

بس ما انصحج تقعددين فترة طويلة و هو ميت ف بطنج

لاني اعرف وحدة قعدت فترة و لا سوت غسيل
و اخر شي لزق البيبي ف رحمها سبحان الله

الله يعوظج فديتج و يعوظني وياج ان شاء الله/COLOR]

ا

العضوه الجديده

عروس جديدة

17-03-2008 | 03:39 AM

السلام عليكم ورحمة الله وبركاته
اول شى قولي الحمدلله على كل حال انا مات لي جنين في الثامن وجنبن في الخامس يعني حالتك ارحم بكثير مني والحمدلله واصعب شى لما اسمعهم وانا تعبانه يتكلمواعن الدفن والصلاه عليه وووووووووو
المهم انتي لازم تروحي المستشفى لانه اذاطول لاسمح الله ممكن يجيك تسمم في الدم لانه شى ميت داخلك كرري دائما سبحان الله مخرج الميت من الحي واكثرى الاستغفار وعن عملية التنظيف الدكتوررالي يحدد وانا مارتحت لين سويت عملية التنظيف وهي بسيطه جدااناماذكرالا الكمام الاسود حق البنج وبعدها نووووووووومه يعني مخدره مادري عن شى
وشافاك الله وحفظك من كل سوء
طمنينا عليك حياتي

*

*Hala*

عروس فضية

17-03-2008 | 05:45 AM

الله يعوضج خير يارب

حبيبتي اهم شي ترجعي تتآكدي مره اخيره انه مافيه نبض .. ومن مستوى هرمون الحمل! والجنين ينزل من حاله ..
جربي اشربي قرفه وعسل..

N

N O U R

مشرفة سابقة

17-03-2008 | 05:58 AM

الله يكون بعونك حبيبتي الله يقدم لك الي فيه الخير باذن الله

الله يرزقك ويرزقنا الذريه الصالحه

وزاي ما قالو البنات راجعي دكتوره الله يوفقك

أ

ألطاف

عروس برونزية

17-03-2008 | 06:20 AM

ام صغنونه .. الله يعوضك خير حبيبتي

انتظرناك كثير في التجمع .. معوضه بإذن الله

أكثري من الدعاء وكان الله في عونك وبإذن الله أزمة وتعدي ..

دعواتي لك وقلبي معك

ح

حروف القلب

عروس برونزية

17-03-2008 | 11:41 AM

أم ضغنونة الله يعوظ عليج بالذرية الصالحة ..
والله بالنا معاج دوم بالتجمع ونسأل عنج؟؟
بس يالله قولي الحمد لله الله يعطي والله ياخذ ما يشاء .. هاي الحياة..
الحمد لله 3 رميت والله ورا بعض والحمدلله.. يقدر الله ما يشاء..
سلامتج ما تشوفين شر الغالية .. روح المستشفى وخليهم يعطونج دوا أحسن..
وطمنينا عليج.. بانتظارج..

د

دلوعة محمداني

عروس برونزية

17-03-2008 | 10:09 PM

الله يعوظكم ان شاء الله بنات
و صدقوني ما في شي ظاع
كله ب اجره الحمدلله

دايما رددو :((اللهم اني رظيت بما قدرت لي و كتبت ))

و الله يعوظنا ان شاء الله جريب.....

@

@نوووسه@

عروس برونزية

17-03-2008 | 10:50 PM

الله يعوضك خير

يااااااااااارب

r

rona_mo7a

عروس رائعة

17-03-2008 | 11:12 PM

ربنا يعوض عليكى يا أم صغنونه بالخلف الصالح يا رب من الأفضل أنك متستنيش و هو فى بطنك لأن كده مش كويس و إذا الدكتور متأكد إنه مفيش نبض ليه منزلهوش مش صح إنه يفضل و ربنا معاكى يا رب و يعوضك خير يا رب

ا

الـحـزن الأكيـد

عروس متألقة

17-03-2008 | 11:13 PM

الله يعوضك وربي يحفظك ،،، وييسر لك امورك يارب

ا

ام محمد 13

عروس ماسية

17-03-2008 | 11:44 PM

الله يعوض عليج يارب لازم تنزلينا

أ

أم صغنونه

عروس مشاركة

18-03-2008 | 01:10 AM

الله يجزيكم كل خير يارب

الله ارحم عليه مني

وأمر المؤمن كله خيررر

فديتكم ماقصرتوو ربي يحفظكم ويتمم عليكم على خير ياحي ياقيوم