ساعدوني بليز والله خايفة

عادي شي طبيعي الغالية انا كنت نفسج و يمكن اخس .. يوم كنت مخطوبة كانت هالحالة وااايد تصيرلي خاصة اني من الامارات و ريلي قطري و كان فديته كل اسبوعين يجيني بالسيارة 8 ساعات فالطريق و تصيبني هالحالة الهستيرية خاصة اذا اتصلت و ما رد او حزات ما يكون في ارسال اقعد اصييييح و اتخيل اشياء مب زينة و اكبر السالفة و امي تهدي فيني و لاااا يوم يوصل بالسلامة تخبره امي بالسالفة و يضحكوون علي ( صرت مسخرة و الله) و تقوولي امي و لين ألحين : شفيج وسواسية تخافين عليه و اهو ريال شكبره متعود على هالمشاوير!! و اعصب عليها و اقولها: و الله الي يحب واحد لازم يخاف عليه و يحاتيه و بعدين هذا ريلي و بو عيالي كيف ما احاتيه .. و تسكت.. و الله للحين تصيرلي هالحالة خاصة يوم يروح البر (سيلين و العديد) مطيح هناك كل اسبوع
( اشعليه اهو يروح يتفرفر و يستانس مع ربعه و انا العيوز احاتيه من اول ما يطلع من باب البيت لين ما يرد و احشرة باتصالاتي).. الله يحفظه و يخليييه لي يارب و يحفظلكم ريايلكم.. لان المره من دون ريل الصراحة ماااااا تسوى شي!!!!!!!!!!
و الحمدلله على هالنعمة...

هلا اختي دمي اماراتي
مشكورة عالرد ما قصرتي...والله لما اقرا ردودكم ارتاااااااح و احس اني مبالغة فالموضوع...يمكن من كثر حبي له لأني اول مرة احب شخص بهالطريقة و انا بعدني مو متملكة يعني دووووووووم هو بعيد عني مع اني دايما اسمع اخباره بس بعده ما يكفي الا لما اشوفه بنفسي و اتأكد انه بخير..بس حسافة ماني قادرة اشوفه الا مرتين بالشهر يجي عندنا بالبيت

لا شـــكر على واجب حبيبتي.. و يالله ان شاء الله لين عرستوا بيكون معاج على طول و بتخف عليج هالحالة وايد لأنة بيكون قريب منج و بتعرفين وين يروج ووين يجي و بتحشرينه باتصالاتج طبعا .. و الله يتمملكم على خير و فرح و سعادة.. و يحفظلج ريلج و يخليكم لبعض و يرزقكم الذرية الصالحة فالمستقبل ان شاء الله.. و موووفقة حبوووبة

حبيبتي زي ما حكولك الصبايا هادا من عمل الشيطان لما اتفكري هيك قومي اتوضي وصلي وانس هالافكار السيئة
تحياتي لكي

أختي أنا كنت متلك و اكتر كمان,بس الحمدلله بطلت اخاف بالمرة لإنو الي كاتبه الله بدو يصير ,وين التوكل على الله وين الايمان, استعيذي من الشيطان .

على كف القدر أمشي و لا أدري ما المكتوب

الله يجزيكن كل خير خواتي
حاسة نفسي هديت وايد بعد ما قريت ردودكم خففتوا علي و شلتوا عني همي
الله يشيل عنكم همومكم و يحفظلكم ازواجكم واللي ما تزوجت الله يرزقها بولد الحلاااال
اميــن
بصراحة صرت ما اثق فأي منتدى غير هالمنتدى لأني عارفة الكل يساعد الثاني و اتمنى اقدر اساعدكم ولو بشي بسيط
تسلموووووووووووو

اقري قرأن راح تهدى نفسج واايد

هذا الشيطان الله يلعنة هو الي يوسوس اليكى هذة التخيلات استعيدي با لله منة والله يخلية لك 7000 الاف



سنة هذي دعوت ابوي لي اتمنى لكي حياة سعيدة ان شاء الله

الله يهديك يااختي تعوذي من الشيطان هذي كلها وساوس

واذا حسيتي انك خايفه عليه قولي استودعته الله الذي لاتضيع وداااائعه
وباذن الله مايصير له شي

موووفقه يالغلا