ضعف 0000000

السلام عليكم

أسأل الله العظيم رب العرش العظيم أن يشافي زوجها و يرزقهم بالذرية الصالحة الناصحة البارة لوالدينهم

عزيزتي إن الله تعالى جعل لكل داء دواء إلا داء الهرم و سبحانه يقول في كتابه العزيز :

(( فقلت استغفروا ربكم إنه كان غفارا يرسل السماء عليكم مدرارا و يمددكم بأموال و بنين و يجعل لكم جنات

و يجعل لكم أنهارا مالكم لا ترجون لله وقارا ))

فلتكثر الإستغفار مع زوجها و يروحون للعمرة و يتضرعون لله عز و جل و يتقربون لله تعالى

فوالله ثم و الله إذا الله شاء أن يرزقها سيرزقها لو كان زوجها عقيم

و عليها ببذل الاسباب و البحث عن العلاج ، و خل يكثر من أكل العسل فالرسول عليه الصلاة السلام

أوصانا بالعسل ، و بعد خليروح زوجها يعالج و يا ربي يشافيه

تمنياتي لهم بدوام المحبة و أن يجمع بينهم ربي بالمودة و الرحمة

مدام هيا راضيه فيه وتبغاه يتعالج يعني تحبو طيب ليش انتي جالسه على راسها كل ماقالت لك شي قلتي انفصلو ((فل تقل خيرا او لتصمت))

((ابغض الحلال عند الله الطلاق))

وفي رد بين ردودك انو وطلع عقيم يعني بدأ يستجيب لزوجتو خليها تحاول معاه ولاتبين انها منهارا

خليها تدعي و تسغفر وتكون معاه خطوه بخطوه والله يوفقها ويعينها والبنات ماقصرو وخصوصا ام عبدلله

صديقتي نفس القصه
بس مشالله عليها
على طول قالت لاهلها
واخوها قعد معاه ووداه طبيب
وحاولوا معاه يومهم ماقدروا على حالته على طول انفصلت

والحين مشالله تزوجت من قريبها وسافرت امريكا تدرس
وانا اللي كانت مقطعه قلبي على جمالها ورقتها وهذا نصيبها
وسبحان الله توفقت
كله من عند ربي

يا اختي هذاااااا حق من حقووووقهاااااا الشرعيه

لو انه هو العيب فيه ما سكت عليهاااااا لا تسكت عليه

تقنعه باللين اذا ما نفع معاه تهدده بالانفصال من حقهااا يكون عندهااااا اطفال ولا ليش تزوجت ؟

الله يشفيه ويهديه

يا سلام رديت رد بهالموضوع والكل هاجمني وقيموني باني خرابة بيوت لوووووووول
ابي الي قالت هالكلام تحط نفسها محل هالبنت وبعدين تجلس تقول شعارات كذابه
وانا ما قلت لها تطلقي دققوا بالرد قلت هدديه بالطلاق علشان يعترف بمشكلته ويتعالج
لان الوضع ما ينسكت عنه
ومشاء الله صارت كل ردودي غلط وما افهم خلينا الفهم لكم يا حلوات
تحياتي

اختي دلوعة حناني... اولا اقري ردي عدل وبعدين ردي علي، لاني نصحتج بالطيب وما جرحت او سبيت، ولكن قلت ردج مو في محله،،، وبعدين انا ما ارد الا بعد ما احط نفسي بمحل صاحبة المشكلة، انا زوجي حامل ثلاسيميا وانا كان فيني انيميا بس مو عارفة نوعها، تخيلي بعد 10 شهور ملكة راح يتاكد قلت له ايش بتستفيد من التاكد؟؟ قال اسمحيلي لو كنتي حاملة المرض كان انفصلت عنج، قلت له لو فيها الموت ما انفصل عنك، وتعرفين هذا المرض ايش يسوي بصاحبه والتعب اللي تلقاه الام من بعدها
وبعدين الريال في له حل ودام راح وفحص يعني في نية علاج، والا ليش راح وفحص نفسه؟ وعلى اي اساس خبر زوجته بالعقم؟ مو لانه واثق منها؟ مو لانه واثق انها بتوقف وياه؟ بس الموضوع يبيله شوي صبر ووين بتصبر البنت اذا الكل يقول لها تطلقي
وبعدين انا قريت ردج عدل وادري انج قلتي تهدده بالطلاق، وحطيت نفسي مكانها وقلت لو انا اهدد زوجي بالانفصال اكثر من مرة والسبب العيب اللي فيه وش بحس فيه؟ هو اللي عطاني الحب والسكينه؟ شلون اقول له هالكلام؟ وهل بيتقبلني بعد كل اللي بقول له والعيب اللي بعايره فيه وهو ماله ايد بالموضوع؟؟
واقسم بالله لو زوجي لا قدر الله صار به مرض او عيب ما راح اتركه، والزوجة هي وحدها تفهم ليش، لانها تشوف اشيا في زوجها محد يشوفها غيره، وغير كذا ان تخليتي عن اللي يحبج بكل سهولة صعب تلقين حبيب ثاني...
والله يهديج ويصلح بالج

السلام عليكم ورحمه الله وبركاته..

اختي دلوعه .. بعض الردود .. ومب الكل ... مااحس انك قيمتها صح ... مو بس انتي .. الي أيدو الانفصال .. وخصوصا صديقه الاخت الي كتبت الموضوع .. محد ينصح بالطلاق .. لو شنو ..
الطلاق يجي كأخر الحلول لمن تتسكر كل الابواب ...

اذا هي الي تهدد بالطلاق عيل هي الي مافيها خير وما تستاهل الزوج .. الي الله عطاها الله . اختي لو الدنيا فيها خير ما انولد بني ادم يبكي ..... من بطن امه ... استغرب الي يحنون يبون زواج زواج .. مادري ... افضل الي يبون زواج والي مخطوبات يروحون ياخذون كورسات عن الحياه الزوجيه . عشان يعرفون مشاكلها وبلاويها ...واذا كل وحده .. بتصيدها مشكله تقول افكر ابالطلاق .. عيل ما ظل بيت عامر ..

الطلاق ماهو لعبه ,,, وبعدين وين الي يقدرون يعرسون . بعد الطلاق ... بدل ما تاخذ الاجر على الصبر والاحتساب تشجعونها على الطلاق .. اقول عفيه عليكم ..

الاخت... دلوعه .. يوم كتبتي مشكله .. خطيبك بالمنتدى .. استأذنتك .. ان اكتب لك .. ردي . ما رديتي علي .. كنت بقولك ان خطيبك .. مايصلح كزوج .. وللحين على رأيي .... وللعلم .. الحب ما يكفي ... تحياتي واتمنى ما يكون في زعل ..
اختلاف الرأي لايفسد للود قضيه وتهميشك لآراء الغير .. لام عبدالله وغيرها .. ماعتقد .. ينسب للنقاش الصحي .. الواحد يتخير .. الكلام قبل لا يقوله ..

ام جنى

الله يفتح عليها ويسخر لها زوجها ويسعدها

مشكورين ياب بنات على التفاعل بالموضوع

يا بنات لازم تفهمون ليش انا انصحها بالانفصال بسبب عده امور أولها أن هو كان يقولها أفصحي أسالي الدكتوره ليش تاخر الحمل ولما طلعت نتايجها سليمه الدكتوره قالت الحين دور زوجج لازم يفحص بعد شهر راح فحص وما بلغها النتيجه الا بعد جم يوم ماابلغها على طول وبلغها ان الطبيب قاله فيه أمل بس أمل ضعيف

ونفسيه البنت من قبل تعبانه ومعاها قولون وزاد هالشي عليها التعب غير هالشي أن زوجها دايم تعبان وترتفع حرارته بدون سبب يعني البنت حيل تعبت نفسيتها الله يعينها ومع ذلك فهي دايمن تحثه على العلاج وانه يستغفر ربه ويرضى باللي قسمه له ربه ويستمر في علاجه

والله ما ودي انها تنفصل بس والله حرام تعيش باقي حياته دموع وبجي.

تخيلوا كل وحده فيكم بعد علاقه حميمه زوجها يطيح تعبان تخيلوا وفكروا

بعدين هو طالب منها أنها ما تقول لاحد بخصوص عقمه حتى لامها

الحل الوحيد انه يتعالج


واذا هو رافض يتعالج

ما قدامها غير الانفصال


ولك شكري

مدري اختى بس احب اقول حاجة وعن تجربه انا كنت متزوجه قبل زوجي الان والى كان طليقي كان طبيعي من ناحية الجنس بل كان حار ايضا بس لاحظت انه رافض اجيب سيرة الاطفال وهذا شككني فيه ولين مرة طحت على اوراق واكتشفت انه عقيم وانه كمان كاشف قبل الملكه والزواج بشهر تخيلو ............زيعني العجز الجنسي ماله دخل بالعقم خيتووووووووواسئلي اي دكتور

بنت الأصـول;5434231:
اذا كان انسان خلوق وطيب حرام تفكر بالانفصال .. في ألف طريقه وعلاج ان شاء الله .. الريال الزين مب اي مكان تحصلينه هالايام .. اهم شيء انه يتعالج وبس

مثل ما قالو الاخوات لا تحسسه بالنقص أبدا لانه هذا أخس شيء عندهم وجي راح يعاند وما بيتعالج

بس خل تكلمه عن العيال والاطفال وانهم يشيلون اسمه واييبون البركه والسعاده .. ويسعدون امهم وابوهم بعيالهم ان شاء الله

خل تدعي له .. وخل يشتري ادويه واعشاب وغيره مب لازم يروح الطبيب .. واذا مانفعت الادويه والاعشاب في هذه الحاله خل تقنعه شوي شوي بالطيبه انه يروح .. الحرمه بذكائها تقدر تقنع الريال يسوي اي شيء ويكون خاتم بصبعها اذا احسنت الكلام والتعامل معه

والله يسعدهم ان شاء الله وانا ما اشوف انه هالمشكله وايد كبيره .. لها علاج ان شاء الله .. بسيطه وتنتهي

هذا رائى ايضا انها لا تطلب الطلاق و مادام معترف بهذا الشى امامها يعنى تقدر تقنعه بمرور الوقت و انتى قلتى انهم ليهم سنة و احدة يعنى عادى حتى لو مفيش مشكلة ممكن مايكون عندهم طفل فى سنة

الجادل العارضيه;5998643:
مشكورين ياب بنات على التفاعل بالموضوع

يا بنات لازم تفهمون ليش انا انصحها بالانفصال بسبب عده امور أولها أن هو كان يقولها أفصحي أسالي الدكتوره ليش تاخر الحمل ولما طلعت نتايجها سليمه الدكتوره قالت الحين دور زوجج لازم يفحص بعد شهر راح فحص وما بلغها النتيجه الا بعد جم يوم ماابلغها على طول وبلغها ان الطبيب قاله فيه أمل بس أمل ضعيف

ونفسيه البنت من قبل تعبانه ومعاها قولون وزاد هالشي عليها التعب غير هالشي أن زوجها دايم تعبان وترتفع حرارته بدون سبب يعني البنت حيل تعبت نفسيتها الله يعينها ومع ذلك فهي دايمن تحثه على العلاج وانه يستغفر ربه ويرضى باللي قسمه له ربه ويستمر في علاجه

والله ما ودي انها تنفصل بس والله حرام تعيش باقي حياته دموع وبجي.

تخيلوا كل وحده فيكم بعد علاقه حميمه زوجها يطيح تعبان تخيلوا وفكروا

اختي خليها هي تحل مشكلتها لا تظغطين عليها بالطلاق , لو شو كانت الاسباب مااقدر انصح وحدة انها تتطلق هذا شي كبير

هي مشكلتها ولازم تعرف تحلها , انا لو مكانها واحب ريلي ما بتطلق حتى لو كان عقيم يا انه يتعالج في اماكن ثانية والشافي هو الله وكل شي بيد ربنا لازم ما نيأس من رحمته وبتم واقفة معاه والريال ما بينسى هالوقفة

اذا بعد العلاقة الحميمية يمرض يمكن فيه شي خليه يكشف يمكن مرض مو جنسي
خل توقف معاه وتساعده على العلاج مب تتخلى عنه بهالسهولة
بالاسلوب الحلو والمعاملة الحلوة اكيد بيستحي منها وبيتشجع يتعالج بعدين

ويقول لها لا تخبرين امج اكيد مايبا حد يعرف يمكن مستحي من هالشي ويخاف يظغطون عليها بالطلاق وشكله ما يبا يطلقها واكيد كان منصدم اول ماطلعت النتيجة عشان جي ماقدر يقول لها


خليها تصبر شوي ليش مستعيلة هالقد

والله يفرجها ان شالله

يعني بتموتون الا تنفصل وراكم مستعجلين على خراب البيوت طالما ان الموضوع بس ضعف فلابد يجي يوم ويتعالج هدا ادا ماكان يتعالج من قبل وسنه بعدها شوي اما ادا اكتشف امر اسوء فمن حقها ورغبتها هي فقط تنفصل دون تدخل احد او ضغط احد ترى الحياه ماهي لعبه وهي ابصر بحالها

عزيزتي

عمر الطلاق ماكان حل مهما كان في عيب

يعني بكره لو الناس سالتها وش سبب طلاقك بتقول لان زوجي عنده ضعف جنسي بتكون بنظر الناس ولا شي

بيدهم كل الحلول دام زوجها خلوق وطيب هذي نعمه من ربي ومافي انسان كامل الكمال لله وحده

يعني تقدر تجي وتنصحه بالعلاج او تدعي له ومع الايام بيقدر يفك من الشي اللي هوا فيه

بس الطلاق اكبر غلط وحل غير صحيح


لازم تفكر كويس قبل ماتاخذ قرار

واذا بيتتسمى مطلقه مابيجيها شخص مثل اللي عندها

واتمنى تفهمين كلامي كويس


كل الشكر لك

اختك في الله

ناني

اختي الاسباب اللي ذكرتيها مو كافية بانج تنصحينها بهالشي! كان انا تزوج علي زوجي من زمان لو السالفة جذي!! فانا تجيني حزات كثيرة اتعب واطيح وامرض وزوجي عمره ما فكر يطلقني او يدور غيري!! لاني صابرة وراضية بوضعي ومستحملته عشانه، واللي تترك زوجها بهالحال مرة ما فيها خيييييير، لو بتتركه لانه يسخن والا يتعب والا مادري وشو هذي مافيها خير، وان شاء الله بيتعالج وبيصير عندها عيال، يا بنت هي توها متزوجة!! ناس جوهم عيال عقب 15 سنة زواج ما سوو سواتكم!!