مسرحيه يافرحه ماتمت(المشهد الاول)

مسرحية
المشهد الاول
تفتح الستار على كوفي شوب نور ازرق خافت شاب وسيم جالس يشرب قهوة

الشاب : يارب..وش هالجنون اللي سكن دمي
خلاص مافيه طاري غير طاريها
صوت خارجي ينادي على الشاب : غاليه عليك هذي مره
الشاب:منين الصوت هذا من اللي ينادي
الصوت : انا هنا التفت انا في الفنجان
الشاب من انت
الصوت انا اللي بيجيبلك اللي تحب لكن بشرط واحد تجاوبني على اسئلتي كلها
وبعدين اقرر حسب اجاباتك موافق على كلامي
الشاب موافق
الصوت : من اغلى امك واخوانك او هذي البنت
الشاب : ماهي مثل ضحكة اخواني وغلا امي هي غالية بس ما ادري ويش اسميها
الصوت: زين لو تشوفها اول شي تقوله لها
الشاب هلا بك من قدمك …لغرتك لي شعرك المنثور
هلا في كل شي فيك وانت اغلى مساييري
الصوت : زين وبعد وش تقول لها
الشاب : اترك خطاياك واترك عنك اعذارك
انسى عذابي وقلي انت….وشلونك
الصوت طيب لو سلمت عليك بكفها وش شعورك
الشاب عندك خبر لا صار كفك بكفي
اضيع وانسى كل شي بقوله
وياك احس اني عن الناس منفي
واهيم باحلام الهوى والطفوله
قلبي غدا نصفين نصفك ونصفي
عايش معاي العمر عرضه وطوله
والله ما هو من خضوعي وضعفي
والمشكله ماهي كذا بالسهوله
المشكله لي قلب ما هو بصفي
دايم يصدق ما لسانك يقوله

الصوت:طيب وش كثر غيرتك عليها
الشاب: وأغار من النجوم إليا تعلت
وشافتها وعيني ما تراهـــا
وأغار من الهدوم اذا لبستها
عساهـا ما تجرحها عساهـا
واغار من الخواتم في يديها
وساعتهــا وكل اللي معاها
وأغار من القلادة في نحرها
وأغار من الشعر لامن كساها
وأغار من القصيدة لا قرتها
ولو هي قصتي واشكي جفاها
الصوت :طيب لو حسيت من كلامها من كلامها بعد ما تجي ان لها راي مختلف عن ارائك وش تسوي
الشاب
مادام كلن ماشي حسب رايه
أنتي وأنا ندخل متاهات ونضيع
أحسن لنا نبعد ... وننسي الحكاية
أحسن ولابالوهم نبني مشاريع
خيبت ظني فيك ... وانته منايه
حاولت أكمل بس ... مامنك تشجيع
الصوت : زين طلبت منك انكم تبعدون عن بعض وش تقول
الشاب: حاول وحاول يصير أفراقنا هادي الله
عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
الصوت : يعني ما تحزن ابد ولا يهمك
الشاب : فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا

الصوت : شكلها حلوه مره اللي تحبها
الشاب : ذا شي غير الناس يااهل الهوى غير
حسن لوحده لو تعرت سترها
جنون والله ماتخيلته يصير
ينحر قهر كل الحواجز نحرها
فيها براءه فوق كل المعايير
الكون كله لو بغى ما اختصرها
الصوت طيب وش تبي فيها الحين وانت في مقهى
الشاب : اشوفك كل يوم واروح …......…..واقول نظرة ترد الروح
اعيش فيها عشان بكره…......……عشان ليلي اللي كله جروح
ومادام النظر مسموح …...........طلبتك جيبها يا لوووح
الصوت : افا تغلط علي مقبوله منك انا رايح اجيبها لك بملابسها اللي عليها دقيقه وحده
طق طق طق طق راكان راكان راكان قوم من النوم عندك دوام ياولدي
قم قم قم وانا امك
مو وقته يا ميمتي توه راح يجيبها
من هي يا وليدي ……………خلاص راحت

ياليت تعجبكم.....