بالمتزوجات هل هذا طبيعي

الله يوفقك والله مالي خبره بهالمواضيع
بس مسئلت الترتيب فرغي نفسك يوم كاامل وابدي غرفه غرفه
والاخير بتشوفين بيتك في قمة الترتيب والجمال
او ممكن تسئلين ترانيم ماابتقصر اكييد
الله يعينك ويسخرك انتي وزوجك لبعض

يمكن مايكون عندي خبره فالزواج لأني مو متزوجه بس عندي وجهة نظر وانشالله تستفيدين منها

كرهج لزوجج يمكن يكون لفتره بس لأن نفسيتج تعبانه هالفتره .. توج ام جديده وحياتج تغيرت بعد البيبي وهاشي وايد يأثر عالنفسيه ولاتقولين انج تكرهين زوجج دايماً قولي في بالج انا احبه لأن فيه كذا سبب يخليج تحبينه
كفايه انه ابو ولدج ودايماً تذكري أيامج الحلوه معاه ودايماً تذكري الجوانب الحلوه في شخصيته وأكبر دليل انج تحبينه مارميتي الورود اللي اهداج اياها هذا دليل واضح على تعلقج فيه

دايماً إدعي ان الله يشيل منج الهم والضيقه ويسخر لج زوجج .. اقري المعوذات على نفسج وإقريها على زوجج وهو نايم يمج :)

اقعدي معاه وتناقشي معاه قوليله انه ودج يكون مكانج مرتب وان الفوضى اللي انتو عايشين فيها تضايقج ومأثره على نفسيتج خلج صريحه معاه لأبعد الحدود لكن مو الصراحه اللي تجرح هالشي يقوي العلاقه بين أي اثنين
حاولي تقولين له انكم تخصصون يوم فالإسبوع تطلعون فيه وتحسون انكم عايله عشان البيبي يتربى بحضن امه وابوه وهاشي راح ينعكس على نفسيته وشخصيته لما يكبر وراح يغير من نفسيتكم انتو بعد

الحين نجي للملحق

حاولي تتخلصين من الاشياء القديمه صدقيني راح ترتاحين أنا كنت مثلج وايد أحتفظ بالاشياء القديمه كذكرى و مايهون علي اتخلص منها وانا من طبعي مرتبه واحب التجديد وقررت اني اتخلص منها لأن الذكرى تبقى بالقلب مو بالشي نفسه
أنا ماقول تخلصي من كل شي بس الورود والاشياء اللي تاخذ مساحه

حاولي بين فتره وفتره تغيرين فالملحق تشيلين الأثاث وتغيرين مكانه تجيبين اكسسوارات جديده أو اذا ممكن تغيرين الستاير وحتى غرفة النوم جددي قيها دوم

دايماً خلي المكان يتهوى وتدخله الشمس عالأاقل مره بالأسبوع افتحي الشبابيك ورتبي المكان وخلى سورة البقره تشتغل فالمكان عشان تطرد الشياطين

هذي الأشياء البسيطه راح تغير وتجدد في حياتج صدقيني :)

انتي وايد تحبين زووج ومن حبج له ما تقدرين ترمين اي ذكرى حلوه مرت عليج....وماشاء الله هذا الشي وايد حلوو..

شوفي عزيزتي سوي مثلي

انا من كل باقه خذت ورده وخليتهم في باقه وحده وربطها بشرايط وبطريقه حلوه وصغرت الاغصان وعلقتهم على الجدار..

باقت العرس نفس الشي علقتها على الباب..بس بعد فتره ريلي شلها ورمها خخخخخخخخ عادي...

والاوراق والذكريات والصور حطيهم كلهم في بوكس واحد ينباعون في ايكيا..

ثياب ولدج الجدام خليهم في كيس وعطي اي حد من الفقرا...


بين فتره وفتره سوي جرد على ملابسج وملابس ريلج...

وعمتج طنشيها يوم بترمس اسمعي من اذن وطلعي من اذن وعلى فكره يمكن اغلب المعرسات عماتهم شرات عمتج....وانا اول وحده بس عادي اخذها على قد عقلها

إختي الله يعينج وإن شاااء إيسر أمرج

السلام عليكم و رحمة الله تعالى و بركاته،

و الله شقول لج .. ترى النعمة زوالة و إذا تفكرين بكل شي حوالينج تراج في نعمة ... يكفي تفتحين كم موضوع من هذا القسم بالمنتدى و إنتي تشوفين أشكال و ألوان من المشاكل إنتي و لله الحمد بعيدة عنها .. و إذا إنتي ما قاعدة تشوفينها بقول لج عنها لأن الظاهر إنتي تشوفين حياتج من زاوية غير إللي أنا أطالع منها و الظاهر إنج تشوفين أشياء غير عن إللي أنا أشوفها .. أنا أشوف إن ماشاء الله تبارك الله و اللهم صلي على محمد و آل محمد إنج إنسانة متعلمة و متزوجة و زوجك يعملك بالحسنى (ما أعتقد إنه من النوع إللي يهينج أو يتلفظ عليج بالكلام البيئ أو يمد يده عليج أو بخيل أو أي صفة من الصفات السيئة إللي ممكن تكون عند الرجل) و علاقته و علاقة أهله بأهلج طيبة و لله الحمد (بدليل إنكم رحتوا عمره مع بعض) و الظاهر إن أهلة و أمه بالذات طيبة و تحبج .. رزقك الله تعالى بطفل (و المال و البنون مثل ما تعرفين زينة الحياة الدنيا) .. معززة مكرمة في بيتج و زوجك يبيج تتفرغين له و لولدكم و بعيده عن مشاكل العمل و تحكم إللي يسوى و إللي ما يسوى فيج .. شنو بقى الصديقات .. ما فيها شي أنا أشوف إن ممكن ترضين زوجك في هذا الشي .. ما عندج خوات أو حموات (يعني خوات زوجك) يكونو بسن مقارب منك أو تفكيرهم متناسب مع تفكيرك ؟؟؟ ترى والله أفضل من الصديقات

تلومين نفسك على زواجك .. أتصور إنتي ما وافقتي و لا أهلج وافقوا إلا بعد ما تأكدتوا إن شخص مناسب و بعد ما وجدتي له قبول في نفسك ...

ما تقولين لي وين المشكلة ..

كل هالنعم من رب العالمين و تسمحين لإبليس يجي يوسوس لج

بس بقول لج إنتي حابة هالمشاعر إللي تحسين فيها أو تبين ترجع لج السعادة؟؟؟ أتصور تبين السعادة فبقول لج إن الله لا يغير ما بقوم حتى يغيرو ما بأنفسهم .. و المثل المصري يقول إسعى يا عبد و أنا أسعى معاك .. يعني إذا تبين رب العالمين يبدل حالج للأفضل إسعي إنتي حتى تحصلين هالشي .. إستعيذي من الشيطان و قولي ما بستسلم لإبليس .. فكري بأيامك السعيدة .. ليش حبيتي زوجك ؟؟ ليش وافقتي عليه ؟؟ ليش كانت علاقتج طيبة بأهل زوجك ؟؟ تذكري الأسباب و إستمتعي بهالنعم

و فكري بالأشياء إللي تدخل السعادة على قلبك .. ما أعرف شنو بالضبط بس ممكن تلعبين رياضة .. أو تتسوقين أو تتصفحين الإنترنت أو تقرأين كتب أو تلاعبين طفلك و تعلمينه و تقرأين له الكتب .. أو ترسمين أو تطبخين أو تصممين أزياء أو .... أشياء كثيرة إختاري منها ما يعجبك

إذا زوجك فوضوي في البيت فهذا حال أغلب الرجال .. عادي هذه أطباعهم .. و بالنسبة للأشياء التكدسة عندج صدقيني بس إضغطي على نفسج مرة و بيصير الموضوع سهل بعدين .. إبدأي بالأشياء إللي ممكن أحد ثاني يستفيد منها من ملابس أو أدوات العناية بالطفل أو أجهزة قديمة أو أي شيئ ممكن أشخاص ثانين يستفيدون منه و فكري بالأجر و الثواب و عطيهم لفقراء أو لأي جعية خيرية يوصلونهم لمن ممكن يستفيد منهم .. أتصور حبك للأجر من رب العالمين ممكن يتغلب على مجرد أن تكون لديك ذكريات مع الشيئ إللي بتتبرعين به .. قولي بس أعوذ بالله من الشيطان الرجيم و قومي إكسبي الأجر من رب العالمين

إنشاء الله يتعدل حالج قريباً .. بس نبي تطمنينا