فرصة لأخواتي بنات البحرين تفضلوا بالدخول

صباح الخير على الجميع

فرحت لما فتحت الصفحة وشفت تفاعلكم وتشجعكم على المشاركة وأن شاء الله ما راح يكون الا اللي يسر خاطركم .

وبالنسبة لأيجار راح يكون بمتناول الجميع بس هل لي أن أسألكم كنوع من الأستفتاء عن السعر اللي تحسون أنه راح يكون مناسب لميزانيتكم؟

وبالتوفيق للجميع

عروس بحرينيه;5359668:
صباح الخير على الجميع

فرحت لما فتحت الصفحة وشفت تفاعلكم وتشجعكم على المشاركة وأن شاء الله ما راح يكون الا اللي يسر خاطركم .

وبالنسبة لأيجار راح يكون بمتناول الجميع بس هل لي أن أسألكم كنوع من الأستفتاء عن السعر اللي تحسون أنه راح يكون مناسب لميزانيتكم؟

وبالتوفيق للجميع

مثل ما قالت قصايد يعتمد على كم يوم للعرض ونقدر على اساسه نحدد

كبداية خلنا نقول من يومين إلى ثلاثه

انا بقولج عن كل يوم اجار يقارب 5-7 دينار مناسب كونا مبتدأت
يعني يومين 10 -14 دينار

ما ادري شو راي الباقيين

يعني ستين دينار زينه

ههههههههههه جني وايد غليت عليكم

مزاج اقول اعقلي شنو ستين دينار هي فايدتنا راحت...

لا عن جد عشان يناسب الكل وهو المعرض بتنظمه الاخت جزاها الله خير عشان البنات اللي حابين يبدون تجارتهم يعني التويجرات الصغيرات امثالنا ..

كلامكم حلو بس مو كأنك يا بنت النور نزلتي وايد تحت يعني سويتي دسكونت على الإيجار،أنا أدري يا خواتي أن أكثريتكم توهم في بداية مسيرتهم،بس أذا كان الموضوع على هذا القدر فما أعتقد انكم فكرتوا في إيجار المكان وغيره. لكن كل اللي أقدر أقولكم عليه أن الموضوع متوقف على عدد المشاركين فكل مازاد العدد كانت الفايدة لنا ولكم.

خيو عروس بحرينية

أكيد الواحد يصير خاطره في معرض للعرض
بس قبل الموافقة يتوقف في نقاط
مكان العرض
مدة العرض
أجار المكان
والأعلان

هذا جوابتنا على هذي النقاط >> مو ضروري بالضبط
بس على الأقل الواحد يقدر يفكر

أتمنى ما طوالت عليج
والله يرزق الجميع
تحياتي لتاجرات

على فكره كل المعارض خمسين دينار للطاولة ويوم واحد اذا ماكان نص يوم

في المعرض لازم تزيدون اسعاركم شويه

عشان تطلعون قيمة الطاولة

اختي عروس بحرينية شوفي كم يناسبكم وبنشوف اذا ناسبنا كان بها واذا لا بعد موفقين ..

مزاج البحرين جبناك يا عبد المعين تعين شفناك يا عبد المعين تنعان (a)

لا بنت النور مو مسأله معين وفرعون

بس لازم تكونون واقعيين ما يصير كل شي اييكم بالساهل

بالتوفيق يا بنات ..

سلام عليكم

بالنسبه للايجار السعر اللي قالته بنت النور مناسب

و اذا كلش كلش 10 دينار بالنسبه لليوم و اذا اقل افضل (هههههه)
وهذا المبلغ مناسب و متاح للجميع
وهذا يعتمد على الايام اللي بيصير فيها المعرض

السلام عليكم

بالتوفيق يا رب في معرضكم و عساكم تتوفقون ..

من المهم الاخذ بعين الاعتبار ...

المكان .. كلما كان المكان له شهرته و عليه ارتياد من النساء بيكون اسهل في الدعاية ...

الزمان ... اذا وقت العطلات بيكون وايد مناسب لان الناس طالعين من البيت و حابين يتمشون و يتشرون .. و ما عليهم تعب الدوام و الطلعة ..

عدد ايام العرض ... يومين مو كفاية . اليوم الاول تفرج و اعلان للي ما عرف و بيكون البيع فيه متوسط .. البيع في اليوم الثاني احسن و احلى لان الناس يخبرون بعض .. اليوم الثالث بعد زين لان الي ما عمل حسابه في اليومين و حاط عينه على شي معين اليوم الثالث يقدر ياخذه ..

تنظيم المعرض ... اماكن الدخول واضحة و معروفة و اماكن الخروج .. " اذا كان في مكان مغلق " اما المكان المفتوح . . يجب مراعاة أن يكون بالقرب من تواجد العائلات مو بعيد عن القعدات و يبي له روحة و سيره لي يوصلون مكان العرض ...

اهم شي الدعاية الحلوة .. و اسلوب التاجرات و اللسان الحلو " ماشاء الله على بنات البحرين كلامهم احلى من العسل " ما تنوصون

الاسعار في متناول المتوسطين من الناس بيزين البيع و المشترى ...

احذري تشترين من السوق بالقطاعي و تعرضينه على الناس باعلى من سعر السوق ... اذا كان و لا بد انك تشترينمن السوق خذي بالجملة احسن عشان تطلعين بفايدة حلوة

اي مكان فيه عائلات و نساء ... اهم شي أكل و العاب اطفال " نصيحة "" اهتمي بالشريحة الي متواجدة في المعرض ..

ستاندات العرض مهمة عشان تعطي البضائع حقها .. يعني جلابيات مطوية ما في فايدة !! بدل اطفال مصففة على الطاولة !!! شلون بتجذب الزبائن ؟؟؟

تكلمي مع الزبائن بثقة .. عشان يحسون انك فاهمة شغلك .. تخيلي وحدة ترجف و مستحية .. و ما تتكلم عدل .. و الثانية تجابل الزبونة و تعطيها كلام طيب و واقفة بثقة .. مع من بتحبين تتعاملين ؟؟؟؟



بالتوفيق لكل البنات الي يسعون للرزق الحلال .. و شدوا الهمة و خلوا اول معرض لكم ناجح بادائكم قبل لا يكون ناجح ببضائعكم .. لا تنسون تصورون اركانكم للذكرى ....

انا حلوه يعطيج العافيه اثلجتي صدري

وما قصرتي

والله ما قصرتوا يا أخواتي في مشاركتكم وتفاعلكم في الموضوع ومثل ما قالت أختي ووضحت فالموضوع مو سهل ويحتاج تنظيم ووقت علشان يوضح كل شيء وأنا يوم عرضت عليكم موضوع أقامه معرض كنت أنتظر أن أشوف تفاعلكم حول الموضوع علشان أقدر أعرض الموضوع على الإدارة وبالتالي هي تباشر في الترتيب. وكلها أيام وراح أعطيكم التفاصيل وطريقة الأتصال فطبعا يا أخواتي لازم نعرف العدد في البداية فمن غير المعقول أن نبدأ بترتيب معرض يكون المشاركين فيه عشر أشخاص أو أقل.

وعذروني أذا طولت عليكم بس أرد وأقول أن أن كان لنا ولكم نصيب فأنه أن شاء الله ما راح يصير الا اللي يريحكم ويناسبكم.

عروس بحرينيه ليش ما يتم الإعلان عنه في الجريده ؟

وايد ناس بيسجلون