منو كانت تجهض دايما و عقب ما وسموها ثبت حملها ؟؟؟؟؟؟؟

يعني شنو توسمك غناااااااااااااااااااتي
اذا كان قصدك تمريخ مثل ما نقوله بالسعوديه فانصحك بيه لانه مرررررره حلو بس لازم تكون مراءه متمكنه وشاطره مو تحوسك
الله يكتبلك الي فيه الخير
اهم شي ارقي نفسك بالبقره والاذكااااااااااار اذا حملتي

والله يادلوعه بخصوص التوسيم طبعا في البدايه هذا علم بحد ذاته
وبذات الاولييين ماشين عليه لحينه

انا نفسج صارلي اسقاط ومره ولاده مبكره والاجنه ماكانو من نصيبي
في ذيج الفتره يدتيه حايلتني اسير اتوسم ,,,وطبعاً سرت على كلامهم وسومني هذا الكلام بعد الاسقاط الاول
وحملت من بعدها وصارت لي ولاده مبكره ,,,وردت يدتيه اتحايلني اسير اتوسم بس مكان ثاني
طبعا انا مارضيت وقلت لوليه تكفي وتوفي والحمدلله انهم وسومني على الخفيف يعني العلامه امتحت
اما صراحه توسيم لولييين غير نمونه ,,,تشوفين حفره مستويه فجسامهم لانهم يخلون الميسم فتره طويله
احينه غير مال دلع خخخخخ عشرة ايام وتختفي معالمه

هذي تجربتيه والله يرزقج انشالله ويعطيج من خيره

و الله يا اختيه بنت صوغان زيغانة من هالوسم !!
بس قالولي ما يعور
لسعة
و ينتهي الموظوع !!

بس كيف استوت لج ولادة مبكرة من عقب ما وسموج ؟؟
و وين كانو واسمينج بالضبط؟!!

انا الحرمة قالتلي تعاليلي بشوفلج ظهرج
يقولون تكون فيه شعره ملتوية و يحرقونها
و لازم اسيرلها الاربعا الصبح
ما يستوي يوم ثاني
هذا ف اعتقاد الاوليين !!

الغالية
الوسم
يعني
تلسعج بالجمر بشكل بسيط

هي اختي من عقب ماتوسمت صارت لي ولاده مبكره فالسابع
وع طاري هالشعر الملتويه ,,,خخخخخخخخخخخخخخخخخخخخخخخخخ والله خبلوبيه

فرقتلي شعريه من جدام ومثل ماوصفتي في ظهريه وراء ذنيه
عقب وسمتني فنص الشعر من جدام خخخخخخخ تسسسسسسسسسسس وطلعة هذيج الريحه شعاويط
ذكرتينيه هايج الفتره يوم سرت الصالون البنانيه تقولي فيه حدااا بأص من هووون
قلتلها لا ماقصيت هذي كانت حادثه بسيطه وعدت ع خير خخخ صدقه الحرمه
بس الحمدلله احينه ظهر الشعر ولاتخافين يظهر بسرعه وبعد ماكان يتلاحظ
واحيدها وسمتني بعود جبريت هب ابميسم خخخ والا كنت بصيح
والله شكلي كان يضحك

اوتكلي ع الله وسيري انا مافتكيت من حنة يدتيه الا يوم سرت

بتوكل على الله و ان شاء الله خيييييييييير
بس خوفتيني صراحة
وسموج و مع ذلك استوتلج ولادة مبكرة
و عاش البيبي ؟؟؟

لا ماعاشوا:(
الحمدلله على كل حال


انزين دلوعه لما صارت لج الولاده المبكر والاسقاط الثاني ماسويتي تحاليل الاسقاطات هاي اهم شي اختي
ممكن تكون عندج مشكله صحيه ؟؟؟؟؟؟؟؟؟؟؟؟؟؟؟؟؟؟؟؟؟

فديتج ياربي الله يعوظج با اللي فيه الخير لج ان شاء الله ....

انا ف اول حمل يوم استوتلي ولادة مبكرة
كان سببها انفصال ف المشيمة
مع ان مافيي لا ظغط و لاسكر الحمدلله

بس يمكن لاني قبلها ب اسبوع انزلقت ف الحمام تكرمين
ف ما دري و الله هو هذا السب و لا

و ف الحمل الثاني عطوني اسبرين حق المشيمة و دوفاستون (مثبت)
و فوليك اسيد
و نفس الوقت كنت استخدم تحاميل الفطريات
ف مادري يمكن اثر عليه كثرة الادوية اللي خذيتها ؟؟؟؟!!!!!!
ما يندرا و الله!!

و عقب ما سوولي غسيل عطوني ابرة
قالولي هاي لان فصيلة دمج سالب
و فصيلتج طاردة للجنين
ف بنعطيج ه الابرة عشان الحمل الياي ان شاء الله

الله يعوض عليج عوض خير اختي دلوعه,,,
وبخصوص طيحه الحمام طبعا اختي الطيحه
على الحامل خطير وبذات اذا كانت طيحه جايده

وبخصوص تعليقج على كثره الادوره ماله علاقه اختي
بالعكس الفوليك اسيد يغذيج ويغذي البيبي
والدوفاستون مثبت للحمل
والاسبرين يأمن وصول الغذاء للبيبي
وبخصوص علاج الفطريات بعد ماله علاقه
لنه الحامل اصلا معرضه للالتهابات وعلى العكس
يفضل انها تعالج الالتهاب مش اتخليه
فطمني الموضوع ماله علاقه بالادويه

بس انتي ذكرتي سببب كبير ومهم لي اهيه فصيله دمج الماينس
اتوقع حتى فخلال الحمل تاخذين هالابر ,,,,

ليش اهما فالحمل الثاني ماعطوج ابره ؟؟؟؟؟
وحتى بعد الولاده المبكره ماعطوج ابره ؟؟؟؟؟؟

لا و الله يا ختيه ما عطوني الا عقب ما سوولي غسيل ف المرة الثانية

اختي معناته هذا السبب الرئيسي فالشي لي صارلج
يلا الواحد يقول لو وكلمه لو من عمل الشيطان

مب من رزقج اختي وانشالله طيور فالجنه بيشفعلوج
وانشالله الثاثله ثابته بس عاد لاتستعيلين ع الحمل
اذا تقولين صارلج شهر من الاسقاط بعد يبالج شهرين تريحين جسمج
وخلاف فكري تحملين وانشالله المره اليايه بيتمم عليج على خير

امين يارب الله يسمع منج ان شاء الله
و مشكورة الشيخة
و السموحة منج سهرتج وياية .....
نـــــــــــومـ العوااااافــــــــــي

حبيبتي انا مثلك حملت مرتين واسقط
وعلتي نفس علتج فصيلة الدم
بالمرة الاولى كنت حامل باسبوع وماعرفو شنو السبب وانا مادققت لان ماكان عندي نزف كانها دورة
بس هل مرة كنت حامل بشهرين
وصار الاسقاط قبل 5 ايام ومن رحت لمستشفى سوالي تحاليل طلع من فصيلة دمي
اعطوني الابرة قبل 4 ايام بس بعدني ماكنت انزف
ومن نزل البيبي اتصلت عليهم قالو لازم هسا تجين تاخدين الابرة قبل ماتخلصين 72 ساعة من اسقاطج واخدتها احتياطي خاف اصير حامل هل مرة
لازم تاخديها قبل ماتحملين
ان شاءالله يرزقك ويرزقني الحمل السليم المعافى ويثبت حملنا هل مرة
ياااااااارب احبل بتوم ولد هل مرة ارجوك

الله يعوض علي ويرزقج بالحمل السليم والذرية الصالحة

اذا كنت في فترة من الفترات اقتنيتي قطة يمكن يكون فيك داء القطط .. وحتى لو ما كان عندك ممكن انتقل لك من اي مكان

روحي المختبر وسوي الفحص هذا ..

حبيبتي ليه ماتسوين ربط حمل احسلج لاني بصراحه احس ان الجوي خرابيط مادري هاذي نظرتي

*~JeWeL~*;5352187:
الله يعوض علي ويرزقج بالحمل السليم والذرية الصالحة

اقصد الله يعوض عليج ويرزقج بالذرية الصالحة

وحبيبتي ام فجر الكي معروف انه من انواع العلاج وذكر في السنه النبويه

سندريلا .....
الله يعوض عليج الغالية
و يرزقج بـ توم ان شاء الله

جويــــــــــل..
مشكورة فديتج ع الدعوة الطيبة
و لكي بالمثل ان شاء الله........

مريم نور..
ما عندي الغالية قطاوة فـ البيت
بس قالولي يمكن فيج داء القطط
و هذا احيانا ينتقل للوحدة من الاكل الني
التونة او المرتديلا او النقانق ..
و انا هالاشيا ما اكلها من الاساس وايد
باستثناء المرتديلا اللي تكون ف ساندويشة الزنجر مال الكنتاكي


ام فجـــــــــر..
الغالية الربط يكون اذا الوحدة يكون عندها توسع ف عنق الرحم
و انا الي استوابي انفصال ف المشيمة

و شاكرة لكم خواتيه مروركم الطيب
دعواتكــــــــــــــمـ

مرحبا حبيبتي انا عملت عملية تنظيفات على العيد والدكتورة نصحتني ما احمل على الاقل 3 اشهر او 3 دورات مشان الرحم يرتاح مزبوط وجسمك يرتاح فنصيحتي الك ارتاحي 3 شهور ومن بعدها جربي الحمل وطول فترة 3 شهور استمري على حامض فوليك وان شاء الله بعدها بتحمل وبتشوفي بيبي على ايدكي الله يعطيكي الذرية الالحة وبصحة وعافية ان شاء الله
اتمنى اكون افدتك