انا عندي ولد واحد عمره 3سنوات ونص واذا يشوفني كاشخة يمشي وراي انتي حلوة والبابا الحين بيستانس واذا ابوه مو هني يقول تسوين لبابا مفاجاة ههههههههههههههه عارف كل شي وهو اذا تمر فترة وما اكشخ يقول لي ماما من زمان ما حطيتين مكياج وما سويتين شعرج وما تلبسين اكسسوارت يعني ماشاء الله عليه يشجعني اني اكشخ هههههههههههه
بس يوم كان صغير كنت انيمه واكشخ في الليل بس لكن الحين زوجي شغله غير ولازم ينام من وقت عشان جذي اكشخ ونتعشا وبعدين انيم ولدي ونسهر اشوي والحمد لله ان عدلت نومة ولدي وصار ينام من وقت
يعني الحين ولدج صغير كشخي في الليل يعني حاولي تقدمين نومة ولدج حتى لو نص ساعة عشان تكشخين فيها واذا كبر ان شاء الله يصير مثل ولدي يشجعك على الكشخة هههههههههههههه
السلام عليكم ورحمة الله وبركاته...
والله يتي على الجرح حبيبتي توني افكر بروووووووووحي وحالي حاله.. ابي اروح الصالة وابي اسوي واسوي .. ولكن مافي تنظيم مثل ماااااااا قالوا.. تصدقين انا دايم اقول الله يساعد ام 6 اولاد شلون تقدر تعيش وتوفق بينهم..
بصراحة الوضع كلش مب عاجبني واحاول اوجد حل لازم فيه حل
L
Lily_of_the_Valley
عروس ذهبية
04-03-2008 | 12:31 AM
أنا عندي بنت عمرها 12 سنه تمسك ابني الصغير لي
و انا كنت عايشه مع أهل زوجي أول ما تزوجت كانت حماتي تمسك بنتي لي
بنتي كانت مدللللللللللللللللعه
ع
عاشقة الاسمراني
عروس برونزية
04-03-2008 | 12:56 AM
[GRADE="00008B FF6347 008000 4B0082"]لعياال شغلللله ما تخلص ولا شغل البيت يخلص
فانا الحمدلله على طول مرتبه والبس ارتب الملابس واريحهم بس ما احط مكياج كل يووم يعني فالاسبوع مره او مرتيين واهمشي انج تنطمين وقتج ويكون المزاج رايق للميكب وهالسوالف وكل ما يكبر الياهل اصير عندج وقت للاهتمام بنفسج اكثر وكل وحده وزوجها لانه في بعض الازواج ما يحبون الميكب كلللللللش
والله يهدي ازواجنه[/GRADE]
والله يا أخواتي هذي مشكلة
تخيلي عاد لما يكون عندج طفل .. وموظفة بعد
ولا والطفل هذا نحييييس .. طول الوقت يصيح .. وما ينام إلا الفجر .. وما في أمل في تعديل نومته ..تعبت منه .. صار عمره سنه .. وعلى قولة أمي .. لو كل العيال مثل ولدج كان بطلت الحريم تجيب عيال .. الله يهديه
والمصيبة الأدهى والأمر .. أن زوجي يحب المكياج والكشخة .. ومرات يزعل ويخاصمني لأني مهملة بنفسي جدا هالفتره ..
طيب أنا شاسوي .. ما أنام طول الليل من هالولد .. وأصحى من الصبح للدوام وما أرجع الا مع أذان العصر .. أنام ساعه ونص وإلا ساعتين العصر .. وأروح آخذ أبني من امي اللي تكون طفشت منه طول النهار .. ويبتدي معاي شفت الليل .. تغسيل وتلبيس ولعب وصياح إلى الفجر .. هذا غير شغل البيت .. أصلا أنا ما عندي وقت أطل في وجه زوجي .. مو أكشخ له .. وهوه ما غير مجابل التلفزيون وبس .. شاسوي بعمر .. والله أني حاسه اني كبرت 10 سنين في هالسنة
أعرف أن صار من الظروري أني أترك الشغل .. لكن الظروف ما تسمح
ادعولي
مشكوره على طرح الموضوع ..
الكشخه مب كلها مكياج وسشوار ..
النظافه الشخصيه والريحه الحلوه واللبس الانيق المرتب عباره عن روتين يومي نطبقه ..
فتره الوحام استغفر الله اتعس فتره في الوجــــــــــــــود اعاني منها 9 شهور وان شاء الله قريب اربي ..
الله يسهل علينا كشختنا ويوفر النا الوقت لكل اهتماماتنا ..
واتوقع ان اهتمامي في بو الشباب بيكون اهم من اهتمامي بالبيبي !!! هذا والله اعلم ..
مع كل الشكر .. السموحه على الاطاله
اممممم
موضوع مهم
انا بصراحة احس افضل حل اني احط مكياج عيون خفيف ما يأثر على الوضوء من الصبح
و ابس ملابس مريحة بس ستايل مثلاً training suit حلو معاه طقم اكسسوارات ناعم نفس اللون و شبشب كيوت
و الاهتمام وقت النوم احط عطر خفيف و البس بجامه دلوعة او قميص نوم ناعم و حركات بس مناسب للنوم
و وقت ما اسبح اسوي سكرب سريع و بعدها اتعطر عدل عدل و احط كريم على كل جسمي مثلاً اطقم فكتورياز سيكرت عجيبين
و شعري اخليه مفتوح اغلب الوقت و بنتي تنتف فيه الين المه مرة ثانية
بس احاول اسوي تسريحات حلوة و مختلفة
اهلين ابرار..واالله الموضوع شاااااغل بالي من زمااان
من ولدت ولنا ما مرة حطيت ميك أب الى الحين!!
وزوجي دايما يقول لي مو مهم الماكياج بس الاهم
الشعررررر!! يحب دوم اخلي شعري مو مربوط
وانا مثل ما قلتي ما اتهنى بنتي كله تسحب بالهشعررر
و تعورني وهو ما يقصر يتسااااااااااقط الى الحين اعاني
حتى اقول لزوجي..مو تشوفني هامله روحي شوي وتتزوج علي خخخخخخ
يقول لي لا تفتحين الموضوع ما احبه تبهدلي بس لا تهملي البنت خخخخخ
اي هيّن... بس الحين بنتي شوي تلعب لحالها يعني شوي شوي وارجع اتكشخ
المسأله انك تستنين عمار الحلووو يكبررر وتتهمين بالتكشخ..العدل
والله يعينش ..
و انا الف على مواضيع التربية و الطفل لفت نظري موضوعك ابرار .. ! و ماشاء الله تفاعل الامهات حلو و بنفس الوقت مفيد بالتجارب و الافكار الجديدة !
انا عني ،، لما ولدت طبعا شهر كامل تحت تدريب يد الغالية امي ، ماعندي وقت لشكلي مجرد اني امشط شعري و اسبح و العطور امتنعت عنها بالبداية لان ولدي صار معاه التهاب و نصحني الدكتور بترك العطور .. فلما يجي وقت زيارة زوجي لي و لولده اضيف بعض التناتيش اللي تخفي اثر التعب على وجهي ، و بصراحة ماكنت البس غير بيجامات خفيفة حتى لما افكر اطلع معاه طلعة بسيطة ! ،، و اذا يجيني ببيت ابوي على غفلة انصدم لما يشوفني بكشتي و بدشداشة الرضاعة و يمكن ماصاير عندي وقت اغسل وجهي خخخخخ عاد هو ماتفرق معاه << خلصينا ..
لكن لما رجعت شقتي تحسنت الاحوال نوعا ما ،، صار عندي روتين يومي .. لما يكون زوجي بشغله اسبح و اسشور شعري عالسريع و ارفع جزأ منه بشباصة على لون لبسي ، و بلاشر خفيف يخفي شي من تعب السهر و gloss و بعدها كريمي المميز بذيك الفترة calvin klein لما اشمه الحين اشتاق لقبل و الحين كريم هيمالايا ،، و عطر خفيف .. و البس بيجامة زاهية او فستان قصير لاسفل الركبة يكون عملي و يناسب حتى لاستقبال ضيوف .. و كبر صدوق و انا متعودة على هالشي ! لكن الشي اللي تغير انه السباحة تكون بعد الطباخ و السشوار مااقدر استخدمه لما صدوق يكون نايم ، احيانا اسشوره و يظل لمدة يومين !
و انا مقتنعة بشغلة و انصحكم فيها .. اهم شي بالموضوع انك تكونين مرتبة و نظيفة بدون تكلف و بشكل هادي و بسيط و ماياخذ منك وقت و جهد حتى ما تملين مع الوقت ..