أبني والألعاب - منتديات عروس

.

.. طيف الأمل ..

مشرفة سابقة

02-03-2008 | 02:22 AM

السلام عليكم ورحمة الله وبركاته

أخواتي في منتدانا الحبيب

أبني عمره 6سنوات االه يحفظه ميوله دائما للعب بالسيارات وكل ما يدور حولها

من شكل السياره ألى سرعتها والمفاجأه تعلم يلعب لعبه سماها الحادث

ويقصد الحوادث المروريه ويتخيل المصابين اللهم أحفظنا وأشويه توصل سيارة

الأسعاف

حاولت أغير ميوله ألى نوع آخر من الألعاب لكن دون جدوى

آخذه محل الألعاب أحاول أغريه بألعلب غريبه أو تعليميه بدون فائده

حتى لمل أشتري هو مايعرف بيخربها ويكسرها

من مرت بهالتجربه أو عندها حل

لاتبخلون علي وجزاها الله خير ألي بتفيدني

ن

نجمة الرضا

عروس رائعة

02-03-2008 | 04:43 AM

هههههههههههههههه

أكيد ولدش يطالع الرسوووم المتحركه و متأثر...

حاولي تبعدينه عن التلفزيون و مواقف العنف و ان شاء الله يتبدل موقفه من الألعاب...

بس انش تجبرينه على تغير اسلوبه فهذا الشي مستحيل.... وخاصه هالشي منغرس في ذاته

و اسمحي ليي:o

م

مناهل78

مشرفة سابقة

02-03-2008 | 11:47 AM

يحليله الله يحفظه،، وايد متأثر بالحوادث هذا شكله مجابل قنوات الرياضة على طول اللي تعرض سباقات السيارات.. وماشاء الله عليه إسعاف ومصابين ومستشفى كلهم حطهم في باله وكمل السيناريو......

أختى الأولاد ميولهم ماشاء الله عدوانية يعني يحبون يلعبون بالأشياء الخشنة.... بس حاولي شوي شوي معاه، مو تغصبينه بالمرة يترك لعبته المفضلة،، أنت حاولي تدخلين مع هاللعبة كم لعبة،، مثلا تصفون السيارت في طابور ومنها تعدون عددهم وبكذا تقدرين تعلمينه الأرقام (الحين كبير يعرف ماشاء الله العد لعدد كبير وأكيد عنده سيارات كثيرة توصل فوق العشرينات)... لعبة ثانية ممكن تلزقين بهم كلمات وتخلينه يقرا لك الكلمات المكتوبة، وكل مرة يفتح سيارة ويطلع منها كلمة.. ومن هالقبيل. صدقيني شوي شوي بيصير عنده ميول لألعاب ثانية فيها أرقام وتركيبات وحروف ومن هالقبيل...

.

.. طيف الأمل ..

مشرفة سابقة

02-03-2008 | 03:36 PM

مشكوره مشرفتنا الغاليه

هو بسرعه يمل من الألعاب وينك ياتكسير ألا بعض السيارات المفضله