سفرتي عيالج .. حياج وياي؟؟

سافرت مع عيالي وهم في سن أكبروكان الأعتماد على المطاعم

ولما كانو أصغر ما آخذهم معي

تروحين وترجعين بالسلامه

أقتراحات

عندك آلات الطبخ الكهربائيه بتطبخ الأكل على البخار

شوايه صغيره

أناعندي فيالبيت مثل عين الغاز كهربائيه بستعملها لمل يكون الغاز مخلص بس بتحتاجين أواني للطبخ

الأقتراح الأول والثاني أسهل

وبالتوفيق

تاخدي معك قدر طبخ كهربائي صغير لان بعض الفنادق ممنوع الطبخ وتسلقي لهم الخضار او معكرونه او رز في هذا القدر هو مثل قلاية البطاطا الكهربائيه فيه احجام

انا سافرت مع ولدي الاكل كله من مطاعم مثل شوربه باطاطا مهروسه

او اخذ روتي واذوبه في حليبه او الاكلات الجاهزه واخذت سيريلاك

يعني مانقدر نسوي شي ثاني

بس بصراحه سفره البيبيات واااااااااااااااايد صعبه

يوم كنت في تايلاند قللللللللللللللللت توووووووووبه ويمش بوووزة اوديه مكان معاااي

تخيلي تبديل بامبرز وماتعرفين متى يبي ياكل وسوي مراضيع وحاله

وخاااصة ان ولدي صاده سهال الله يعزكم

اذا اروح مجمع لمدة 5 ساعات بتكون 3 ساعات في الحمام الله يكرمكم وساعتين للمشتريات

والله تعب الحين افكر في السفره الجااااااااااااااايه

وتروحين وترجعين بالسلامه

ايييييييييي حيرتوني وخوفتوني ..

ما اقدر اخليهم بقعد اكل قلبي وما بستانس فالسفرة

لو يتعبوني بس اكون مطمنه ومرتاحه نفسيا ..

أختي عادي ودي معاج جهاز البخار اذا ماتحبين اتأكلينهم من المطاعم اما اذا عيالج ياكلون الاكلات العادية فأخذي لهم من اهناك مثلا مرة شوربة ومرة عيش ابيض واخلطيه مع روب وعطيهم ياه ومره مكرونه يعني نوعي لهم ..واخذي معاج حق الصغيرة سيريلاك وبسكوت فارليز طبعا اذا كانت تاكل هالاشياء ..والله يوفقكم ان شالله

انا بعد بنتي عمرها سنتين ونص ومزعجججججججججججججججة وااااايد
بس انا متعلقة فيها وماقدر اخليها في نفس الوقت خايفة اوديها واذا بوديها افكر اودي بشكارتها معاها انتو شرايكم

على فكرة السفر لمصر ومش اكثر من اسبوع

تبين النصيحه مني...(y)

لما نزلنه لندن أول مرة سكنه في فندق و ضلينه مده ليما حصلنه سكن(y) والحمد لله ما أضطريت آآخذ أي شي من بره... كل الوجبات أجهزها برووووحي ...والحمد لله توفقت .....

أكيد في مطبخ في الفندق ...نزلي المطبخ و طبخي...
وخلي زوجش معاش علشان يحرسش و ما تصيرين بروحش مع رجال غريبين (y)


أو تحملين معاش قدر كهربي أو اثنين و تجهزين بعض أحتياجاتش لوجبة الغذاء فقط...

مثل: الرز....زيت...ربيان يابس..معلبات خضره...معجون الطماطم...معكرونه....تونه...بهارات
أما الريوق و العشا عندش أجبان و زبادي و زبد و مربى و كورن فليكس و حليب..و بيسكويت.. و هذا عادي ما يبي اليه طبخ .... وسهل تجهيزه(y)


أني ما أحب نشتري من المطاعم لأني ما أستطهرهم أعزكم الله..:o حتى لو أعرف المطاعم نظيفه ....بس هذا طبعي و خوفي...

ربي يسهل سفركم و يوفقكم آآآمين و تروحون و ترجعون بالسلامه

والله صعب اشيل معاي جهاز كهربائي زوجي ما بيخليني بيقولي رايحه تطبخين ..

يا جماعه بانكوك وعععع يعني اكلهم ما ينبلع لنا نحن الكبار فما بالج تعطين الصغارية لا سمح الله يتسممون ولا يمرضون ....

بس تدرون شكلي باجل السفرة اسبوع بعد لانهم شالولي ضرس العقل من يومين وويهي صاير بلونه وفيه ويع .. ولا بعد بتيني العاده ... اف حظ

نصيحتي لا تودين اجدور و لاش شنو انتي رايحه تستانسين و لا اطبخين و بعدين اذا وديتي بتشوفين ان مالج بارض و مافي وقت ... ودي لهم بستوك و اهناك عطيهم فواكة و لين رحتي مطعم لا تروحون فاست فود طلبوا لهم شي صحي شوربات او اي شيو الريوق بيكون من الفندق ..... و ممكن تشترين لهم روب لبين الوجبات

الريوق والعشا امره سهل كورن فليكس روتي وجبن وشاي بيض مسلوق من الاوتيل بيبقى الغدى قضيها بالعيش الابيض والروب وكلها اسبوع موصعبه وتروحين وتردين بالسلامه وهالله وهالله بحمودي ومريومه

انا جربت السفر مع عيالي مرتين .. في المرة الاولى كان عندي بس ولد وعمره سنتين و4 شهور تقريبا ، حملنا معانا غلاية ماي وحجمها صغير شوي وحملنا معانا علبة صغيره اكياس شاي + علبة صغيره فيها سكر واكواب وملاعق وشوية اجبان (a) وحليب بالاضافة الى الكورن فلكس وكان ولدي يحب الشاي بالحليب مع الكورن فلكس او الروتي مع الجبن والشاي بالحليب ..
الغدا كان اكثر شي نطلب له رز ابيض مع لبن او روب وساعات قليلة نعطيه من اكلنا والعشاء ممكن نعطيه خبز وروب او الو شيبس او اي شي خفيف مثل اكل وجبة الريوق .. وكانت سفرتنا 3 اسابيع لكنها عدت على خير .


والمرة الثانية صار عندي اولاد اثنين الكبير 3 سنوات ونص والصغير 10 اشهر وكانت للعمرة ومع حملة موثوق فيها والطباخ والاكل موثوق فيه الحمدلله وكنت اعطي عيالي من البوفيه عااااادي خصوصا ان ولدي الصغير ما كان يحب السيريلاك والفارليز وبقية اكل الاطفال ..


والحمدلله بعد عدى كل شي على خير :)

بالاضافة الى اني كنت احمل لهم اشياء خفيفة للاكل مثل الشيبس والبسكويتات والكاكاو وهالشغلات :o


حاولي انتي تدبرين لهم اشياء خفيفة ومغذية وتشبعهم في نفس الوقت وفعلا في بانكوك الواحد ما يتطمن من اكلهم .. وتروحين وتردين بالسلامة ان شاء الله :wink:

يارب تسافري وتنبسطي مع اطفالك انا مستحييييل اسافر واخللي اطفالي لو شو ماكان
والله يكون بعونك انا ماعندي خبرة بالسفر لبلاد بعيدة بالنسبة للاطفال ويارب البنات يفيدونك
بس لا تنسي تاخذي بعض الادوية خافض حرارة مسكن للالام ....

bj3a;5325342:
والله صعب اشيل معاي جهاز كهربائي زوجي ما بيخليني بيقولي رايحه تطبخين ..

يا جماعه بانكوك وعععع يعني اكلهم ما ينبلع لنا نحن الكبار فما بالج تعطين الصغارية لا سمح الله يتسممون ولا يمرضون ....

بس تدرون شكلي باجل السفرة اسبوع بعد لانهم شالولي ضرس العقل من يومين وويهي صاير بلونه وفيه ويع .. ولا بعد بتيني العاده ... اف حظ

سلامتش أختي bj3a وماعليش شر.....
حملي قدر كهربي واحد و شوية عيش و هناك أشتروا اليكم روب و غذيهم بعيش وروب و كلها سبوووع و خلاص (y)
بصراااحه الله يساعدش و أني وياش ما أحب أكل المطاعم الليي في اي بلد غير عربيه
و أحنه لما نسافر سوريه و تركيا عادي ناكل من مطاعمهم و متعودين عليهم من كنا صغااار

الله يوفقج بالسفرة

وانا ما عمري خذيت عيالي بسفراتي

شكلي باكلهم من الفندق بطاطا وعيش ابيض وروب ..

والحمدلله عيالي يحبون الكورن فلكس الاسد ..

اليوكم رحت خذتلهم عربانة اليهال لشخصين من السوق الصيني برخص عشان ما ارده وانا ياية

يا جماعه احتاج مساعده في تجهيز الشنطه ..

كمن لبس اخذلهم وشو احطلهم ..

اليوم اناقش زوجي في هالموضوع .. قالي خذي 3 جينزات لحمود و6 قمصان ...

ولمريومه 8 بناطلين وقمصان ...

ربيعتي تقول خذي اشيا جديمة عشان تلبسينهم وتعقينهم هناك .. واتيبين اشيا يديده ...

داير راسي وخايفه يلعوزوني كاول سفرة ومب عارفه احس ابا اخذ كل شي وياي ...

انا سافرة مع ولدي اكثر من مره واخر مره قبل كم يوم رحت للعمره

وبالنسبة حق شرق اسيا سافرة مع ولدي بالصيف الي طاف كان عمره سنة و7 شهور ماليزيا وسنغافوره وكنت ماخذه الجدر الكهربائي بس ماستخدمته


لانة متعب يحتاج ساعة وربع عشان يستوي الأكل

وكانت طريقتي معاه الريوق من بوفية الفندق فندق 5 نجوم وبوفيهم جدا نظيف واخذ من البوفية روب بالفواكة وكرواسان حق السناك

وحق الغدا اطلب له من الفندق وجبات للاطفال شكن ناقدس وسباقتي وعيش

والعشا بعد من الفندق لان مااضمن نظافة المطاعم

وبنص السفرة عطيتة بطاط مقلي من مطعم معروف على بالي نظيف بس طلع العكس وصاده اسهال قوي

فنصيحة خلج على اكل الفندق

وبالنسبة حق الثياب اخذي ملابس قديمة علشان تخلينهم لا رديتي

رجعتلكم مرة ثانيه .. لكن بعد اشهر من طرحي الموضوع ..

رجعتلكم لانه لي سفرة ثانيه مع عيالي .. بس مب عارفه وين اوديهم .. ماليزيا .. ولا مالديف ..

هم اقترح ماليزيا .. المالديف احسها حق كبلز..
قصدي ريال ومرته من غير عيال كونها جزيره ومافيها اشياء وايد تسوينها ويا اليهال..
هذا رآيي وانتي براحتج ياقلبي