هلا اخواتي
اليوم جربت كيكة التمر للاخت ام عزيزان
كنت عامله بحث في موقع قوقل عن كيكة التمر وطلعت لي وصفة الاخت ام عزيزان وقلت اجربها لاني احب وصفاتها وايد
وطبعا طلعت لذيذه مره
وهذي الطريقة
المقادير :
18 حبة تمر بدون نوى
ثلاث ارباع كاس حليب ساخن جدا
ثلاث ارباع كاس سكر
1 كاس طحين
نص كاس زيت
1 ملعقه طعام بيكن صودا
الطريقه :
نسخن الحليب على النار حتى يغلي ونطفي عليه
ننقع التمر في الحليب الساخن حتى يذوب تماما
بعد ما يذوب في الحليب ممكن تحطينه في خلاط العصير وممكن تخلطينه في الخلاط اليدوي مافي مشكله
وتخلطي باقي المقادير معاه
وتدهني صينية الفرن وتصبي الخليط فيها وادخلينها الفرن على درجة 160 لمدة نص ساعه تقريبا او اكثر حسب نوع الفرن (اختاري صينيه صغيره لان المقادير قليله )
واطلعينها من الفرن وتخلينها تبرد وبعدها اقلبيها في صحن التقديم ورشي عليها القليل من السكر البودر والقرفه ... او قرفه لحالها اذا تحبي القرفه ... وهذى المرحله اختياريه وممكن تستغني عنها
عاد اني ماانتظرت الكيكة تبرد على طول طلعت من الفرن رشيت عليها السكر البودر هههههههههههه
وصورتها واني مستعجلة
جربوها وان شاء الله تعجبكم
اختكم
عتاب الماضي
