ماخاب من استشار.......

هلا حبيبتـــــي


بالنسبه لفارق العمــر مو مشكله بالعكس حليو

بس انه متزوج وعنده عيال.....هذي يبغى لها جلسه....

يعني مدري بالنسبه لي...

ابسأل ليه هو بيتزوج على زوجته؟؟

وهل هي راضيه وتدري او لا؟؟؟

وكيف اخلاقها؟؟؟

وكيف راح يكون التعامل بيناتكم انتو الثلاثه؟؟؟

يعني تحطين ببالك ان مثل منتي زوجته هم هي زوجته ولها حق...

وتحطين ببالك انها لو مو متفهمه ممكن تنغص عليك حياتك

ما اشائمك...

بس لازم تاخذين الموضوع من كل الاطراف وكل الجهات وتدرسينه عدل

هذا زواج وحياه وعمر مو سنه والا ثنتين ...خصوصا انك اكيد ماتبغين تعيشين التجربه الاولى لا سمح الله..

فأيش رايك...لو جلستي معه نظره شرعيه او مكالمه تيلفون وتفاهمتو على كل شي...

وقبل هذا وذاك صلي استخاااااارهـ وشوفي...


ربي يوفقك ويسعدك وينولك اللي ببالك يااااااااااااااارب

شوفي ياقلبي

بصراحه كونك الزوجه الثانيه مو حلو طبعا

اذا ضميرك يعطيكي ويسمحلك تسوين كذا وتكوني الزوجه الثانيه سوي

لكن نصيحه لاتكوني الزوجه الثانيه بتتعبين كثير

وانتي استخيري وشوفي وان شاء الله ربي يكتبلك اللي فيه الخير

قبل كل شيء صلي صلاة إستخارة وربنا هايكتبلك كل خير ان شاءالله
وأنا مع الأخت دموع في كل اللي قالته ربنا يوفقها يارب
ويارب يوفقك ويكتبلك السعاده مع الإنسان اللي تختاريه وتكملي معاه حياتك

آنا الصراحة توني ما أعرف أي شئ

غاليتي ,, اول شي صلي الاستخاره ,, استخيري الله في هذي الامور
ثانيآ: كونك تكوني الزوجه الثانيه مارح ترتاحي بالوضع( والله اتمنى لك كل الخير)
وأنا مع الأخت دموع في كل اللي قالته ربنا يوفقها يارب
وربي يوفقج ويكتب لج اللي فيه الخير

حطي نفسك مكان الزوجة الاولى ولو وحده فكرت تاخذ زوجك وتقول انها تبي تتزوج بترضين زوجك يتزوجها..!!

الله يوقك ويهديك

امنيه

السلام عليكم
اول شي اسمحيلي حبيبتي عالكلام اللي بقوله! حطي في بالج اذا انتي الثانيه راح يكون في ثالثه و رابعه و شنو يعني مطلقه؟؟ الف من يتمناج في وايد رياييل مطلقين او حتى ارامل فالطلاق مو عذر!! الاولى تحلى ولو كانت وحله على قولتهم فكري عدل و بعقل ولا تقطين نفسج هالقطه لأنه زوجته الاولى هي ام عياله و ما راح يفرط فيها ولا شرايكم يا بنات؟؟
انشالله يرزقج باللي يستاهلج يارب

الله يعينك اساليه اش سبب زواجك

وزوجتك الاولى تدري بزواجك لازم تدري

واستخيري اللهوالله يوفقك

امنيه;5301308:
حطي نفسك مكان الزوجة الاولى ولو وحده فكرت تاخذ زوجك وتقول انها تبي تتزوج بترضين زوجك يتزوجها..!!

الله يوقك ويهديك

امنيه

امنيه عفوا ولكن

لو ماتزوجت هذي حيتزوج اي وحده ثاااااااااانيه يعني البنات في كل مكان

والرجال مايصبر على الزواج لو حط في راسه هالفكرة الله يخلف

والله لو تكون الاولى فلقه قمر

:)

شوفي اختي مافي حد بعيش عن حدا حياته...انتي الان بتشتغلي وعندك وظيفة واذا عندك مقدرة انك تستمري ي اتك وانتي غير مرتبطة لحد ما تجيكي فرصة افضل فانتظري ولا تتزوجي بس اذا حاسة بضغوط نفسية واجتماعية وعندك رغبة بالاستقرار فكري منيح واستخيري واستشيري...لان المتزوج صاحب التزامات ومسؤوليات مضاعفة وهذا يعني انك بتكوني رقم 2 في حياته في كل شيء...لكن في النهاية انتي وحدك اللي تقري ايش اللي يناسبك حطي ايجابيات هالتجربة في كفة وسلبياتها في كفة وشوفي ايش اللي يرجح معك وربنا يسعدك ويوفقك ويلهمك الصواب ويرزقك الزوج الصالح

السلام عليكم
احنا بنقول هنا في بلدنا "الضرة مرة" يعني المشاكل حتكون كبيرة بين الزوجات مهما صغرت
وصح حطي نفسك مكان الزوجة الاولى مو تتمني ان كل الي بيخطبهم بيقولوا لا
هذا رايي ان شاء الله يرزقك الله بالرجل الي يريحك.
تقبلي مروري.

هلا خواتي....................اسمحولى تأخرت على الرد ...............انا والله ماافكر اكون رقم 2 في حياتي الزوجيه ويعلم الله اني افكر واحط نفسي في موقف الزوجه الاولى بالعكس اففكر في مشاعرها قبل مشاعري مع اني عانيت في زواجي الاولى........وانا اول ماتقدم لى فكرت استشير موو اخذ قراري بهالسرعه والحمد لله انا جميله وموظفه واهلى مااخليني في ضغط نفسي وانا امس باليل فكرت بالموضوع عدل وبصراحه شفت مااقدر اكون 2 وخاصه اعرف طبعي احب كل شئ ملكي لى وحده ومااحب المشاكل بنت هادئه ........................على العلم انا قبل بيوم عن يتقدم لى هالرجال ومااعرف عنه شئ شفت في منامي انه جاي رجال حلو وسيم داش بيتنا وجاي يخطبني وقال انه متزوج وعنده عيال ..........فرفضت وجا مرة ثانيه وطالعني ووافقت فسبحان الله مرات الاحلام تكون رسايل للمستقبل؟ هذا والله اعلم لكني بقراره نفسي رافضه واللي مكتوب بيصير........فااشكر كل بنت مرت على موضوعي وعطتني رايها الله يجزاها خير ويسعدكم واتمنى انكم تدعلولي بالزوج الصالح ........تحياتي

حبيبتي اول شي استخيري ربنا
ثاني شي لا تتسرعي بالموضوع وفكري شي بمسالة انك بتكوني الزوجة الثانية وعرفي الاسباب لي دفعته انه يتزوج الزوجة ثانية وهل الزوجة الاولى على علم بذالك بعد ماتعرفي كل هذه الامور هذيك الساعة ممكن تحكمي على المسالة ويشوفي بينك وبين نفسك انك راح تقدري تعيشي معاه او لا
والله يوفقك للي فيه الخير