هذا أول موضوع لي هنيه
حبيت أحط لكم تطبيقي لوصفة اختي هند جزاها الله خير و وفقها دنيا و آخرة
:)
طبعاً المقادير و الطريقة هنيه في الرابط
•°• H!ND خبز الخمير الإماراتي .. أحلللللللللى طريقة وأشهى الصور من مطبخ هنودة H!ND•°•
أنا ضفت ملعقة صغيرة زعفران و ملعقة صغيرة مثيبة مطحونة"شمر"، لأني أحب طعمهم في الخبز
و مقدار الماي اللي استخدمته للعجن كوب ماي
و مثلما ذكرت اختنا هند لازم نعجن على الأقل عشر دقايق
هذي صورة العجينة بعد التخمير لمدة ساعة
شوفوا كيف انتفخت ما شاء الله..عاد انا استااانس ع شكلها و هي منتفخة :D
و هنيه بعد ما كورت العجينة لكور صغيرة و فردتها على سطح مرشوش بالطحين و دخلتها داخل جدر الخمير الكهربائي
الصورة مب وايد واضحة لنها تصوير موبايل
:o
هنيه صورة للخمير بعد الانتهاء..ما شاء الله
قولوا ما شاء الله
هنيه صورة مقربة
سويتها أكثر عن 5 مرات الحينة الحمدلله
كشخت فيها عند أهلي و صديقاتي
نصيحة جربوها
كل ما حد يسألني أقولهم من وصفات هند من منتدى عروس..ادعولها :)
يزاج الله خير يا هند و جعل هالتعب في ميزان حسناتج آميـــــن
سويت كيكة التفاح و كيكة الزبادي من مواضيع هند بعد..عقب بنزل الصور
و بس خلصنا:cool:
