نخيتكم وقفتكم معي قبل ماتنهدم حياتي

الله يكون فيعونج اختي ....

اذا ما تقدرين تتحملين خلاص .. قوليله كااااااااااااااااااش ..

والله ايسر عليج امورج اختي

اشكركم من كل قلبي لوقفتكم معي وفعلا يو نخيتكم لقيتكم

قول وفعل

وانا ان شاء الله هديت اشوي

قوليلة على اللى مضايقك واذا اقنعك انو شئ عادى قوليلى انا كمان بسلى وقتى و اشترك معاك طالما هو شئ عادى وشوفي ردة فعلة

Bint -qatar 2008;5284506:
مرحبا حبيبتي انا اشوف ان ماعندج ابدا سالفه

انتي مكبره الموضوع ومخليه الموضوع ياخذ اكبر من حجمه وعلى فكره هالشي مب في صالحج لانج كانج ترغبينه فيها زياده

حبيبتي اذا رديتي عن زوجج في المنتدى وقلتي انه متزوج صدقيني راح يستصغر تفكيرج ويمكن هي تشجعه

انا اقول خليه هو يتصرف بطريقته من غير ما تتهاوشين معاه قعدي معاه اليوم في جو رومنسي حلو وطيري عقله وعقب ما تخلصون قولي له (( انت تدري انا اشكثر اغار عليك )) اذا فتح معاج الموضوع كلميه بدلع وقولي له اكتب رساله لها وقول لها ماابيك مااحبج ابي زوجتي بس ((((((((((((((((( بدلــــــــــــــــــــــع )))))))))))))

لان الرجال صحيح يحب المره اللي تغار عليه بس مب لهدرجة تغاار من نت وبنات وراء كمبيوتر وبعدين مب لازم تسجلين في المنتدى نفسه لكن كل يوم ادخلي





والله يهديج ويهديه

رايي من راي بنت قطر!!!!!!!!!!!!!!1ولا تضخمين الامور لان هذا مب في صالحج لانه هذا بيزيده تعلق فيها ...هذا اذا صج متعلق فيها من الاساس

الله يعينج , بس هدي بالج وتعوذي من ابليس
و لاتتهورين وطبيعي بتمر عليكم اشياء تضايق
وصدقيني هو يحبج بس خايف على مشاعرج وانتى
تغارين ومن حبج له ما تبين احد يشاركج فيه
وحاولي تبين وجهة نظرج بدون عصبيه او صراخ
وتكون نبرة صوتج عاديه لان اذ حس انج تراقبينه
وتحاصرين بالاسئله بيحس ان يبي يكلمها من وارج
حتى لو قالج ما بيني وبينها ا شي صعب انج تنسين الموقف
لكن هدي بالج ولا تعصبين وانتى صيري ذكيه و هادئه لابعد حدود
وكلمي بعد فترة عنها شوفي شلون نظرة عيونها ركزي عليها
وبعض البنات الله يهديهم يبون يجاملون ما يدرون ان كلمه ورا كلمه تجر
لاشياء ماهي زينه والواحد حتى لو كلمات عاديه المفروض تكون محترمه
انا قبل ادخل منتدى خاص بالمعهد اللى كنت اردس فيه يردون علي رسائل
او يطرشون ايميل بس انا ماارد عليهم ان حاجتي من المنتدى حق مواضيع تتعلق
بالدارسه واسولف مع البنات بس , واقري دايما سورة البقره وصلي صلاة الحاجه
ان يبعد عنه هذول البنات الفاضيات وربي يوفج ويسر امرج:15::15:

الله يجزاكم خير لوقفتكم معي

أختـي ارســلي لها رساله خاصــه بلسـانه قولي لها نفس اللي قالت الأخت الجوهره

وماله داعي تكبـرين الموضوع

كل المنتديات اختلاط

انتي تكلمي معاه بكل هدووء

عشان تكسبينه اكثـر

لا تكبرين الموضوع انتي اتركيه ما دام تفكيره في البنات اللي يشاركون بالمنتديات كذا

ماراح تعجبه تلاقينه تورط فيها ولزقت فيه ويجاملها بس
انتي اذا حسيتيه تغير في معاملته معك ويطول على النت ذيك الساعه تحاتينه

الحين اتركيه واذا شفتيه جالس على النت خليك عادي معاه ولا تزعلين وتخيلي انه اخوك او صديقتك خليك ريلاكس يعني خليه يشاركك كل شي وما تحسسينه انك تراقبينه واضحكي على كلامها قولي له المسكينه ما تدري اني موجوده بحياتك ياحياتي وقومي من عنده
وسوي له عصير او سناك وحركات وحطيها له وهو عند الكمبيوتر مرات اجلسي عنده ومرات اشغلي نفسك اقري مجله او طالعي التلفزيون وانسيه

ادري طولت عليك اختي وسامحيني بس انا كتبت لك اللي انا راح اسويه لو انا مكانك
طمنينا عليك والله يعينك

تحياتي

اشكرك كلامك واقعي اختي اريج

لكن انا ما اقدر اضبط نفسي

والله ما الومج حبوبة لو زوجي ازنطه وهو جالس على الكمبيوتر واقول له هااااااااااااااا،، يا قاتل يا مقتول، شقلت لك أنا؟؟؟؟ بس طبعا انتي لا تسوين فكرتي ههههههههه،، انا زوجي اعرف بيخاف وما بيرقد الليل هههههههه انتي يمكن زوجج يعصب عليج ويقتلج...
اسمعيني حبوبة عندي خووووووووووش اقتراح... سوي لج ايميل باسم ذكر او ان ما يبين من اسمه انج بنت، وطبعا انتي دخلي باسم زوجج المنتدى وردي على رسايلها وشوفي هي شتبي بالضبط؟؟؟!! اذا ردت عليج برسالة تقهر عطيها ايميلج اللي سويتيه، ولما تضيفج قولي لها ابي اكلمج بالمايك، ولما تكلمج بتنصدم انج بنت خخخخخخخخ، او يمكن تكتشفين انها رجال، من يدري!!... عاد هي من تسمع صوت بنت بتعصب ولا بتطرش رسايل مرة ثانية ؛)

نتي مكبرة السالفه ليش خطوة وحدة وعلى قولتهم لا من شاف ولا من درى

اولا لا تكلمين زوجج في الموضوع ثانيا طرشي رساله اليها من عندة طبعا على اساس هو اللي مطرشنها

واعطيها كم كلمه قاسيه بس بحدود طبعا مثل ما قالت احد الاخوات انا متزوج وما احب هذي الامور عقب لا تنسين تمسحينها من صندوق الصادر

واذا لا سمح الله فاتحج بالموضوع فانتي عندج كل الحق ان تحافظين على بيتج واسرتك

انا رايي من راي اللؤلؤة السودااء لازم تدري انه متزوج ..............

حبيبتي لاتخلين الشيطان يلعب عليكي

زوجك ماسوا شي غلط يعني هوا ماعطاها وجه وخفف على النت عشانك يعني هوا يحبك ويبغا مصلحته ومصلحت بيته

دام هوا ماظهر منه شي غلط خلاص خلي ثقتك فيه

ولاتبين له انك غيرانه او شي عشان لاتهدمين بيتك بيدك

وصدقيني زوجك ماسوا شي غلط

والله ييسر امركم ويصلح بينكم ويبعد عنكم عيال الحرام

اشكركم لوقفتكم معي

وانا ما ادري كيف اتخذ القرار

السلام عليكم و الرحمه


اقولج حبوبه اذا الريال يبي يسوي شي ما في شي يقدر يمنعه ليش تحرقين اعصابج


بس حاولي انج ما تخلين شي قاصر عليه و سوي كل اللي فخاطره


صدقيني قبل لا يغلط بيخاف الف مره من انه يفقد النعمه اللي هو فيها



و خليج دوم بارده لان توترج يدفعه لها

اشكركم يابنات على وقفتكم معي

وكلامك صح وعلى العين والراس


لكن انا اللي ضايقني

انه ليش يمسح الرسائل اللي بينه وبينها

والرجل الواثق انه ماسوى شي يخليها

وانا لما فاتحته بالموضوع

واخبرته

قالي انه يخاف ازعل

طيب طلبت منه انه يوعدني انه مايمسح رسائل بينهم

رفض

وقال مايقدر يخبرني بالرسائل

وانه راح يمسحها

لانه يقول ماعندي الجراة اني اخبرك

وانا ما دري ايش اسوي

بنات كملوا معي المشوار

وعطوني طرق اراقبه فيها من غير مايحس

وان سامحته هالمره

اخاف يعيدها

السلام عليكم

سمحي لي اختي .. بس انتي واايد عاطية السالفة أكبر من حجمها ..
وإذا انتي واثقة من زوجج فماله داعي تحاتين ..
صح لازم تخافين شووي "لأن الزمن غريب والبنات هالأيام ينخاف منهم" ولكن أهم شي ثقتج بزوجج

والحمدلله اهو ما خش عنج أي شي .. وصارحج .. وأكثر من هذا باسوورداته عندج يعني هو ما قاعد يسوي شي من وراج .. وأكيد في باله بأي وقت ممكن اهي ترسل رسالة وانتي تشوفينها قبله "صدفة تفتحينه قبله"
ولكن هو حفاظاً على بيته ومشاعرج .. ما يخليج تشوفين الرسايل .. لأن ما يبي يضايقج ويعرف انج لو شفتيهم بتتضايقين وبتعصبين ويمكن حتى تشكين فيه! "خصوصاً انج بينتي له استيائج من الموضوع" فهو مختصر الدرب ومسكر باب المشاكل ..
والمنتديات دربها واااسع .. ولازم يكون في تواصل بسيط .. بس اللي عارف حدوده وعارف ربه ما يستخدم الرسائل بشكل خاطيء ..
انتي ما تدرين شيصير .. يمكن اهو يرد عليها باختصار كمجرد رد .. ويمكن يحاول يوقفها عن حدها بس بطريقته "مادري!" << ما احط شي بذمتي

لكن نصيحة لا تحملين الموضوع أكبر من طاقته .. ودامه صريح وشفاف وواضح معاج يعني أكيد ما يخونج
"كبري ثقتج بزوجج .. ترى بداية الشك يعني فتح باب المشاكل الدائم"

وموفقة ان شاء الله

ربي يفرج همك وييسر لك امرك

1/ اكثري الاستغفار والله وبالله وتالله هو انجح الحلول
2/خليك باره ولايهمك والا تراه بيزيد الطين بله
3/خلاص قفلي الباب وه بيقفله

والله يسخره لك ويرده ويهديه وطمنينا بالله

عاوزة اقولك انك مش مكبرة الدنيا ولا حاجه
اى زوجه بتحب زوجها تتجنن من اى موقف حتى لو كان بسيط
هو صحيح موقف بسيط لكن ممكن يعمل مشكله كبيرة
و ياما فيه مشاكل بتحصل من حاجات زى دى و علاقات على النت

واضح زى ما قلتى انه ملتزم و مش بيقبل الا اللى يرضى ربنا وواضح كمان انه بيحبك و مش عاوز يخبى حاجة عنك

اهم حاجة انا شايفاها الصدق بينكم فلازم تبقى واضحه معاه و متتعصبيش كلميه بحنيه و هدوء و عرفيه اد ايه بتحبيه و بتخافى عليه و قوليله مش هتضايق منك ولا هزعل بس عرفنى الحقيقه و متخبيش عليا عرفيه انك بتغيرى عليه موووووووووت
اوعى تبينيله انك بتراقبيه و فكريه بانه حرام عليه يراسل اى بنت و انه لازم ياخد موقف و يتجاهلها تماما مش علشانك لكن علشان ربنا
فكريه ان اى بنت تقبل كده تبقى مش كويسه و متستاهلش حتى انك ترد على الرسايل بتاعتها

خليكى هاديه و حاولى تحتويه بذكائك و صبرك و اذا حبيتى تبعتى ليها رساله لازم تقوليله الاول
متعمليش اى حاجة من وراه و عرفيه كده

حسسيه بانك مجروحه لكن حسسيه انك هتسامحيه

كل اللى انتى حسه بيه قوليه ادامه بس بهدوء
و ان شاء الله يستجيب ليكى و يبطل يكلم البنت دى او يراسلها

ربنا يهديه ليكى و يهديلنا ازواجنا كلنا يا رب