ممكن يا بنات حد يساعدني في تنسيق النيش

أنا كمان كانت دي مشكلة أيام جوازي
لوتحبي أساعدك ياريت تقوليلي شكل نيشك إية؟؟

شو هو اصلا النيش ؟؟؟؟؟؟؟

praivet;5277711:
أنا كمان كانت دي مشكلة أيام جوازي
لوتحبي أساعدك ياريت تقوليلي شكل نيشك إية؟؟

جزاك الله خيراً يا اختي الكريمة متشكرة اوى لذوقك
بصي يا ستي النيش هو ضلفتين بس كبير وهو طبعا البابين زجاج والجوانب زجاج مش خشب يعني مفيش غير الخلفية بس اللي خشب بالمرايه وهو 3 ادوار ومفيش ادراج خالص غير ادراج صغيره في الرف التالت تظهر لما افتح البابين مش عارفه الوصف واضح والا لا بس ربنا يبارك ويجازيكي كل الخير مستنية ردك ومتشكرة مرة تانيه علي اهتمامك

نور الايمان;5277878:
شو هو اصلا النيش ؟؟؟؟؟؟؟

بص يا اختي نور الإيمان النيش عبارة عن قطعة اثاث في غرفة السفرة يوضع بها اطقم الصيني اكيد عندكم له اسم اخر يعني بنحط فيه طقم الشاى والقهوة وحاجات من ديه يا رب اكون فدتك

نوناAlex;5279747:
بص يا اختي نور الإيمان النيش عبارة عن قطعة اثاث في غرفة السفرة يوضع بها اطقم الصيني اكيد عندكم له اسم اخر يعني بنحط فيه طقم الشاى والقهوة وحاجات من ديه يا رب اكون فدتك

تسلمين الغالية على التوضيح

أختي نونا
عايزة أقولك ان من وصفك النيش بتاعك نفس النيش بتاعي
إن شاء الله أقدر أساعدك
أنا هحاول أصورهولك وأنزلك الصورة
وعلى العموم ألف ألف مبروك وربنا يتمملك على خير

حطى مفرش على الرفوف وانثرى عليها ورد مجفف واحجار ملونه ورصى الكاسات والصينى خدى من كل شكل وحطيه على حوامل بتتباع فى محلات اللى فيها رفايع المطبخ وحواليه ورد مجفف وخليه تحت وربنا يتمملك على خير

السلام عليكم ورحمة الله وبركاته
اختي برافيت جزاك الله كل الخير والله متشكرة جدا لذوقك واهتماك واسفه علي تعبك ربنا يكرمك ويعزك يا رب يا اخيت الغالية

معقول محدش عنده افكار يا بنات او اصور لطريقة التنسيق علي العموم اكيد اخيت برافيت هتفدني ان شاء الله انا في انتظارها

:D:ss:

اين انت يا برافيت

حبيبتي نونا أسفة جدا على التأخير
بس والله ظروف

متاسفه ما عندي جواب

أنا لسه ماصورتهوش والله أول ما أصوره هجيبلك الصور على طول

ارض السلام;5322681:
متاسفه ما عندي جواب

اختي ارض السلام جزاك الله خيرا كفاية اهتماك وردك ربنا يعزك ويبارك فيكي ويحرر ارض السلام اللهم امين يا رب العالمين

اختي برافيت والا يهمك براحتك خالص يا حبيبتي علي مهلك متعطليش نفسك انا في انتظارك في اى وقت

انا مش عارفة انتي اتجوزتي و لا ايه بس على العموم هي دي طريقة رص النيش ولو حد عارف حاجة تانية يقولنا

اول حاجة تجيبي مفارش النيش الستان وحاولي تظبطي العدد علي اد عددالرفوف بتاعتك يعني لو الرف عريض اللي هو بتاع النيش الضلفتين بياخد 3 مفارش وعلي حسب كمان حجم المفرش والموضة دلوقتي انك متخليش حتة من المفرش نازلة يكون المفرش كلة علي الازاز
خلي دايما عندك قاعدة تحطي السادة مع المدهب او الملون وتحطي حاجة قصيرة مع حاجة طويلة
اول رف دا دايما بيكون لطقم الشربات
تاني رف بيكون لطقم الجاتوه
تالت رف بيكون بيكون لطقم الشاي بتاع الطقم الصيني
ارف الاخير اللي بيكون خشب دا بيكون علشان الحاجات التقيلة يعني لو هاتحطي حاجة من طقم الصيني
لو عندك بوفية مع النيش يبقي تحطي فيه بقية طقم الصيني وطلعي منة اطباق الرز المسطحة والسطانية الكبيرة وحطيهم في اخر رف في النيش علي الجنب وما بينهم لو جايبة طقم خشاف ممكن تحطية
بيبقي في درجين في النيش ول علشان الشوك والمعالق
البوفية ممكن تقسيمة بين الصيني والاركوبال وصواني التقديم اللي عندك
الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي
لما تحطي طقم الشاي حاولي يكون معاه شوبات مش كاسات فاهمة قصدي
متحطيش ابدا اطقم قهوه مع شاي دايما القهوة خليها مع كاسات او شوبات
اوعي تنسي بقي الحف الصغيرة اللي بتتنتور في النيش وحاولي تكون صغيرة علشان متغطيش علي حاجاتك
والتحف دي بتكون بتاعة السبوع او تشتريها من درب البرابرة في الازهر او لو مفيش متحيريش نفسك ممكن تجيبي الشمع الاشكال اللي الع جديد دا بيبقي شكلة اشيك بكتير