يبي يتزوجني ولكنه حلم بشي مب زين عن حياتي0(شو الحل)

عزيزتي ..

انا كمان بنصحك انه ما تروحي لحد يفسرلك الحلم لانه ممكن لا سمح الله يتحقق ويتفسر بجد ..
حاولي تقنعي نفسك انه لآ ربنا سبحانه مخبيلي كل خير وسعاده وفرح وحياة حلوة وعيشي دا

بالنسبه انك اتضايقتي لما حكالك خطيبك عن الحلم ، اظن دا اقل ما يقال عنه انه ردة فعل طبيعيه ..
سيبك من الوساويس دي واتحصني وحاولي تصلي صلاة الحاجه لانو فيها راحه بجد وادعي ربنا يهديك للخير ويبعد عنك الشر والسوء ويشرح صدرك وكمان لا تنسي خطيبك من الدعاء ، واذا قدر هو كمان يصلي فميش مانع يعني

اهم حاجه دلوقت تعرفي ان كل الافكار الي بتلعب جوا دماغك دي اوهام ووساويس من الشيطان الرجيم

عارفه رغيت كتير:tongue:

معلش يعني عاوزة اسالك هو لما حلم كان على وضوء ومصلي الفجر ولا لآ ؟

لانه لو كان متوضي ومصلي الفجر وبعدين نام وشاف الحلم فممكن جدا تكون رؤيا

بصي كمان لو كان متلا تعبان او متضايق او بفكر بحاجات كتيرة ( فكرو مشغول يعني ) او متخانق مع حد او اي حاجه فالاحلام المزعجه بتكون ردة فعل للحدث الي كان قبل النوم

والله يشرح صدرك ويريح بالك