حامل .... لكن ...... - منتديات عروس

ب

بنت حسب ونسب

عروس متألقة

24-02-2008 | 12:27 PM

بنات احنا دوم يوم نسوي فحص الحمل في البيت نستانس ونقول ظهر خطين ونستانس ونبشر الكل ... واولهم الزوج .... بعدها نروح العيادة ونسوي فحص الحمل ....ونتأكد من الحمل

بس للاسف مانركز على نقطة ومحد من الاخوات اللي عندهم خلفية وضحها لنا

اللي هي هرمون الحمل ومدى النسبة ....

يعني كم المفروض تكون النسبة لثبات الجنين ,,,, والنسبة اللي تؤدي للاجهاض

انا شخصيا ... كنت فرحانة بالحمل بس محد سألني كم نسبة الهرمون هل هو عالي او قليل

انا كان 35 وظل ثابت لين نزل 4 يوم الخميس ونزل الحمل بعد 5 اسابيع ....

ولين اليوم ماعرف السبب ولا اعرف شو الخطوة اللي بعدها هل اروح اصور واشوف كيس الحمل ولا ماراح يبين شي

لانه على حسب كلام الدكتورة اذا كان قليل هي مابتقدر تشوف شي .... ؟؟؟؟

بنات ياليت حد يحط لنا موضوع ونستفيد منه يشرح هرمون الحمل ...وتأثيره على ثبات الجنين

ومنكم نستفيد..

ش

شمس حياته

عروس رائعة

24-02-2008 | 01:32 PM

هلا حبيبتي ..اللــــــــــــــــــه يعوضج ان شاءالله و قدر الله و ماشاء فعل .. بس عندي سؤال هل انتي عروس جديدة اي هل اولا حياتج جديدة و في اولها و تحسين بقلق ثانيا اذا الاجابة ينعم اكيد الجماع مكثف باول الزواج و بالتالي احتمال كبير يؤدي الى الاسقاط و لازم ما نركز على هالنقطة بس لانه في اسباب كثيرة لا يعلم السبب الاكيد الا الله..اما عن الهرمون فهذا شي الدكتورة لازم توضحلج ياه يعني انتي ما تقدرين تقيسينه و المفروض انه يتضاعف كل 48 ساعة يعني لو كان اليوم 500 لازم يكون بحدود الضعف بعد يومين 1000 او قريب من ذلك .. و هذا موضوع الاخت ماما حسون بخصوص هرمون ال ..Hcg
و يارب يعوضج قريبا ...

http://www.3roos.com/forums/t301190.html

ب

بيــــــــان

عروس برونزية

24-02-2008 | 01:57 PM

ربي يعوضج قريب ويرزقج ويرزقنا الذرية الصالحة وكل من تتمنى عاجل غير آجل ياكريم

ه

هملووله بنت صوغان

مشرفة سابقة

24-02-2008 | 03:10 PM

اختي كيس الحمل يبين ع الاسبوع الخامس
وبخصوص سؤالج هل تراجعين الطبيبه ؟
ليه لما صار الاسقاط ماراجعتي الطبيبه ؟؟!!
ع الغالب انج راجعتيها وقت الاسقاط واكيد شيكت فحصت عليج وفهمتج بكل حاجه فلو نعم صار الموضوع فالمستشفى اكيد خبروج اذا محتاجه مراجعه او لا ؟

وبخصوص سبب الاسقاط ,, طبعا الاسباب اكثيره
والمفروض انهم سولج تحاليل عسب يعرفون سبب الاجهاض

ج

جوااهر

عروس مشرقة

24-02-2008 | 04:34 PM

الله يعوضج خير حبيبتي ويرزقج بالذريه الصالحه

انا بعد اجهضت في الاسبوع السادس
بس كيف اسقطتي بدون ماينزل منج كيس او جنين؟؟؟
انا نزل على كيس وداخله الجنين وبعد نص ساعه نزلت المشيمه
وكان واضح بالسونار ان في كيس وحجمه كان طبيعي...

يعني لازم ينزل الكيس والجنين ...لانك بالاسبوع الخامس
هل نزل عليج بس دم خالي؟؟

وهرمون الحمل هو الي يحدد هل بيستمر الحمل او في احتماليه للاجهاض
لما تكون النسبه قليله اقل من 50 وانتي في الاسبوع الرابع او الخامس
معناته ان هرمون الحمل ضعييف وبيصير اجهااض...
لان الجنين مايكبر ويتوقف نموه ويبقى على حجم اسبوع واحد مثلا..

والجنين لما يسقط يكون تكوينه غير سوي بسبب الانقسام الغير طبيعي
لكروموزومات البويضه والحيوانات المنوي..
فمنعمة الله ان الجسم يطرد هذا الجنين لانه بيكون مشوه لو استمر الحمل

والدكتوره قالت لج ترتاحين كم شهر قبل لا تحملين مره ثانيه؟؟؟

ح

حروف القلب

عروس برونزية

24-02-2008 | 04:40 PM

الله يعوض عليج أختي ..
وإن شاء الله الأخوات أفادوج بالمعلومات..
والله يرزقج بالذرية الصالحة..

ر

رائحة الورد

عروس مبدعة

25-02-2008 | 09:04 AM

الله يعوض عليج أختي ..
والله يرزقج بالذرية الصالحة..

ح

حمده المنصوري

عروس جديدة

27-02-2008 | 01:57 PM

حبيبتي الاخت بنت الحسب والنسب انا صارلي مثل موضوعج بدأ هرمون الحمل عندي يقل من اول ماعرفت اني حامل وماكان يبين فالالتراساوند وبعدين بدا ينزل الهرمون لين مانزل علي الدم يعني اسقاط والسبب عندي انا هوه ضعف في البويضه وكان فيني تجلط في دم المشيمه .. والله يكون في عونا ويعوضنا خير انشالله