لنكون أصدقاء

انوار الحب;5280452:
شنو المقادير اللي متوفره عندج و بفكرلج باكله

انتي عطيني اي طبخه عادي المقادير اقدر اوفرها

انوار الحب;5280480:
خواتي يوم السبت معزومة حفلة خطوبة و اختي بتروح معاي ان شاء الله

المهم ابي اخذ رايكم اول شي بالشعر شنو رايكم اسويه انا شعري ناعم و طوله لنص الظهر

اسشوره و افتحه و لا احطله جل و موس و اسويه كيرلي و بكل الاحوال احط شي اكسسوار او اخليه بس مفتوح

و الشي الثاني ثوبي راح يكون لونه تركواز احط مكياج لونه تركواز ولا شنو مثلا

طلعتلكم موضوع تتسلون فيه شتبون بعد :D

اممممممممم سويه كيرلي عشان اتحسين بالتغيير لان انتي شعرش ناعم وحطي لش اكسسوار بسيط ومناسب للفستان

والميكب حطي تركواز على اورنج يطلع روعة

جواهر الطبخه شكلها رووووعة

تسلمين والله

حرمه

زوجش يتعالج او لا ؟؟

وناس وايد جذي بس الحمدلله ارتفع ملايين اهم شي يمشي على العلاج

والفجل واااااااااااااااااايد زين يرفع لملايييييييييين .. كل يوم سوي له سلطة فجل
والعسل اقرئي عليه سورة مريم وخليه ياكل منه
والمكسرات بعد وايد زينه

وهذي كلها اشياء مجربه وان شاء الله يصير زين وتحملين

دموع الكوثر
بالعااافيه ان شاء الله

حاملة القرنفل
تسلمين حبيبتي
اي ممكن تسلقينه او ممكن تقلينه نص قلي مو يتحمر وايد يعني

بس جربيه وهو ني مباشره حلو طعمه عشان ينزل الدهن ويتشربه

انوار الحب
حبيبتي سويه كيرلي حلو وفليه
وحطي توكه او ريشه صغيره على جنب

ان شاء الله تطلعين احلى وحده....

دموع الكوثر بكتبلج اكله سهله و سريعه و كل ما اكون مستعجله و ما عندي وقت اسويها

المقادير لحم مقطع, بصل مفروم, قطعة ثوم صغيره ,طماطم مفرومه ,و شوية زيت ,و بهارات مشكله ,و زعفران, و هيل و معجون طماطه, و ملح طبعا


الطريقه تسلقين اللحم ببصل و ببهارات صحيحه يعني شوية دارسين و هيل و شوي كركم

لمن تقريبا يستوي تطلعين اللحم بروحه بصحن و تحتفظين بالماي و تتركينه على جنب

تجيبين جدر ثاني و تحطين شوية زيت و تحمرين البصل بعدين الثوم بعدين الطماطم و اللحم اللي صفيتيه

و تحطين البهارات و الملح و الزعفران و الهيل و معجون الطماطم و بعدين تحطين ماي يعني يصير مو خفيف مثل المرقه

لا يطلع مثل الحمسة و تتركينهم عشر دقايق على النار و تاكلونه مع عيش ابيض او خبز بس والله طعمه لذيذ و سريع ان شاء الله اكون افدتك

جواهر و دموع الكوثر و خلاص مليت شكرا لكم

و خلاص بسوي شعري كيرلي و احط مكياج تركواز

انا عندي لكم طبخة تجنن, خفيفة و سهلة و ممكن تعملوها عالغداء او على العشاء


اسم الطبخة: فتة الدجاج

المقادير: ارز ( يفضل بسمتي), دجاج مخلي من العظم (مسحب), لبن(روب),طحينية,مكسرات(صنوبر و لوز) خبز مقلي مربعات.

الطريقة:
يسلق الدجاج و يسحب الى قطع متوسطة الحجم و بشكل طولي, يطبخ الارز بمرق الدجاج.
نخلط الروب مع الطحينية(كيلو روب وخمس ملاعق كبيرة طحينة) و قليل من الليمون( حسب الرغبة) يتم الخلط بالخلاط الكهربائي و بدون تسخين, اي هذا المزيج لا يطبخ.

نضع الارز في وعاء التقديم و نضع الدجاج فوق الارز و نسكب المزيج حتى يغمر الارز و تزين بالخبز المقلي و المكسرات.

بالهناء و الشفاء

كيف عجبتكم الطبخة؟

هلا خواتي شخباركم اليوم...هلا احتي دموع الكوثر راح اكتب لك وصفة ..بس على طاري الدجاج راح اكتب دجاج والمرة الجاية اكتب لكم طريقة مكرونه أسمها مكرونة الربيع

المقادير
1- دجاج شرائح تقريبا نص كيلو
2- فطر
3- الدقيق تبع شوربة الفطر الي تنباع في المحلات
4- فلفل اسود - جوز الطب - شوية حب هيل - زيت زيتون حسب الرغبة - بطاطا مقطعة شرائح- ليمون
الطريقة
نأخذ طاجين الي يوضع في الفرن ونضع فيه الدجاج نتبل الدجاج بالملح والفلفل الأسود وجوز الطيب وحب الهيل ونعصر عليه ليمونه...بعدين نأخذ دقيق الفطر ونسكبه تدريجياً وأحنا نقلب الدجاج لكي نضمن ان الدجاج كله تغطأ بهذا الدقيق بعدين نصف الدجاج في الطاجين ونصب زيت الزيتون فوق منه ونوزع الفطر بطريقة حلوة نأخذ كوب ماء نسكبه فوق الدجاج ونغطي الطاجين بورق السيلفر (ورق الألمونيوم) ونضعه في الفرن حتى ينضح بعدين تحولي ورق السيلفر عشان يتحمر من فوق ..وصدقيني راح تشمين ريحة رهيبة وتجنن والدجاج حتكون فيه طعمه واو مع الفطر
واخر خطوة أقلي البطاطا وانثريها فوق الطاجين وقديمه ساخن مع الأرز الأبيض...
تأكلون بالهناء والشفاء

يارب تكون عجبتكم الطريقة بس

ماشاء الله متيمعين على طبيخ اليوم

الله يعينكم يارب


الحمدلله اروح البيت زوجي متغدي ونايم بعد

يعني ماعندي مسؤولية طبيخ

يا بختك يا او نيلا....انا من الشغل على المطبخ عدل ...بس بصراحة مرات اسوي وذن من طين ووذن من عجين وامثل اني تعبانه....

حبيبتي new member

اكلتج حلوووه راااح اجربها ان شاء الله

حبوبه شيراد

تسلمين على الطبخه راااح اسوويها

هلا جواهر ...صحتين عليك سويها وقوليلي ايش رأيك ...ولو عجبتك راح احط غيرها...

:

ام نيلا;5285293:

الحمدلله اروح البيت زوجي متغدي ونايم بعد

يعني ماعندي مسؤولية طبيخ

صحتين للجميع و اللي عاوزة اية اكلة سورية او اردنية او فلسطينة تحكيلي انا جاهزة

ماشاء الله ...
اشوف القسم تحول الى قسم طبخ
انا ماعندي حاليا الا مسؤلية عشى لان زوجي نص اليوم في الدوام

بس احتار شنو اسوي ... زوجي يحب ياكل شي خفيف لأن وراه نومه .. لو على كيفه كل يوم خبز وجبن بس

والله ما شالله عنكم يا بنات وصفاتكم لذيذه جوعتوني..
انوار كيفك اليوم يا عسل وشو اخبارك .. وان شالله بتنبسطي بالحفله يوم السبت واكيد الشعر الكيرلي بيعمل تغيير .. هلأ يعني انت عراقيه وعايشه حاليا بالدنمارك؟
كنت حابه اعرف يا ام نيلا شو اسم بنتك ربي يعطيك الها اخوه وخوات يا رب..
اخواتي انوار و حامله القرنفل ودموع الكوثر وخلاص مليت ووحي الفيروز وحرمه وnew member وشيراد وجواهر وتوبه نصوحه وام شهد اكيد يشرفني انه يكون لي اخوات متلكم ربي يرزقكم اجمعين يالله ويرزقني معكم ..ان شالله ما اكون نسيت حدا يا رب ..لانه هالقسم عزيز علي كتيييييييير وبحب كل وحده فيه وبتمنالها اللي بتمنى لنفسي ..

يا حلوكم والله وحلو طبخاتكم :)
أنا أحب أسوي طبخات سريعة وأكثر شي صرت أسوي كوسا محشي وشاورما دجاج والشوربات أتفنن فيها :)

ريحانة القدس... والله حتى أنا أحس إنكم صرتوا قريبين مني واااااااااجد وأول قسم أدخله هو هذا القسم. الله يرزقنا جميعاً يااااااااااا رب.

بنااااااااااات فرحتوني وربي ماااااااااشاء الله عليكم


طبخ وحركات شي حلووووووووووووو

اتشرف بكل من انضم معانه هنا في هاذا الموضوع


وان شاء الله كلنا اخوات ونساعد بعض

واي شي تبون تعرفوو او محتاجين نصيحه او اي معلومه انتو موعارفينها

او صار خلاف لا سامح الله مع احد من اقاربكم ومو عارفين ايش تسوون

علمونه وان شاء الله نساعدكم

هاذا الموضوع الكل شي مااااااااا عده تاخر الحمل للنسيان والمساعده بنفس الوقت

هاا قولولي ايش رايكم

ام شهد
مشكورة على الفكرة الرائعة
الوحدة منا تحتاج من تشاركها همومها واحزانها وافراحها خاصة في الامور المشتركة
انا من السعودية عمري 33 سنه متزوجة من 3 سنولت و8 شهور وخلال هالفترة اتعالج وللحين ما اكتبلي الله الحمل عندي ضعف في التبويض وناوية اسوي تلقيح بس متعلق الامر على الوزن لازم انزل 8 كيلو وما نزلت الا 5 والمشكلة وزني ما ينزل بسهوله بس نحاول قدر ما اقدر
نفسي ما يجي عيد زواجي الرابع الا وانا حامــــــــــــــــــــــل يارب يارب يارب
اسفة على الاطالة