سنو وايت ممكن ثواني بس

السحاب الأبيض · 2003-04-29T12:03:20+03:00

يابعد عمري سنو وايت ممكن ثواني بس اخت كريم كرميل تبي المساعدة مسكينة تبى من يساعدها فى كيف تطع صورة هى جديدة فى المنتدى وانا ما اعرف كيف اشرح لها وشاكرة لج تعاونج معانا انا شفت موضوعها فى ركن الأزياء

ما طلبتي شي الغاليه مستعده اشرحلج وانتي خبريها وان شاء الله بتتعلم بسرعه..

1- بعد ما اتخزن الملفات في الكومبيوتر.. اترتبهم باساميهم.. وخلها اتخزنهم في مكان محدد عشان لا تتخربط أو ادور عليهم..

2- تدخل القسم الي تباه.. فوق جدول المواضيع بتشوف مربع مكتوب فيه ( اضافة موضوع جديد) خلها تضغط عليه..

3- بتدخل الصفحه.. بتشوف خانه يكتبون فيه الموضوع وفوقه جدول لاختيار الالوان والترتيب وتنسيق.. وتحت الخانه شي كلام وهو:
* تحويل اوتوماتيكي لعنوان المواقع: إحاطة عنوان الموقع بالرموز و لتحويلها لعناوين انترنت..
* إعلام بريدي : ستصلك رسالة بريدية عندما يقوم أي عضو بالرد عليك .
* تعطيل الإبتسامات في هذه المشاركة
* عرض التوقيع : إضافة توقيعك بنهاية الرسالة.
وتحته فيه مربع ومكتوب عداله (Browse) صح.. خلها تضغط عليه..

4- تفتح المكان الي خزنت فيه الملف وتضغط على ال Open..

5- بعد ما تنتهي من كل شي تضغط اضافة مشاركه.. وخلاص :)

وفي كل اضافة رد اتسوي هالحركه.. وبتنزل الصوره.. هذي اسهل حركه للمبتدئات.. ولازم حجم الملف يكون صغير عشان اتروم اتحطه في المنتدى ونوع الملف يكون واحد من هذيلا: gif jpg png txt zip bmp jpeg

وتسلمين :)