عمل ديكور لشقتي" المجال مفتوح لابداعتكم "

للرفع

حبيبتي انا شقتي صغيرة

وللحين في مرحله التجهيز

انا صبغت الصاله لون صحراوي او ذهبي تقدرين تقولين طبعاا كلها ساده بدون شي

واخذت كراسي لونهم بني ساده مخمل وناويه احط وياهم برتقالي وبيج


بالنسبه لغرفه النوم ناويه اصبغها جدار احمر غامق او ماروني طبعا لجدار الي ورا السرير وباقي الغرفه بيج

فذاذي افكار حاطتنها في شقتي ويمكن انتين تستفيدين بعد
وبالتوفيق لج

للرفع

up
up
up

شوفي هاي الراوبط فيها صور غرف نوم حلوووووووووة وتصاميم احلى ان شاء الله تفيدك

http://www.3roos.com/forums/t258612.html

http://www.3roos.com/forums/t262615.html

اهم شي التخزين ثم التخزين ثم التخزين
حاولي فكل غرفه يكون عندك رفوف شكلها حلو تحطين عليها علب تنفك بالتخزين
وبما ان الشقه صغيره اختاري الوان الجدران فاتحه بس دافيه
والغساله لا تخليها وانتي بكرامه فالحمام
خذي غساله ونشافه اوتماتيك
والحين يسون طريقه حلوه يحطون الغساله وفوقها النشافه وجمبهم طاوله الكوي داخل نفس الخزانه بس يكون ظهرها الجدار وبعد ما تخلصي شغلك تسكري عليهم ولامن شاف ولا من دري
وبحاول انزلك صور

او بنفس هالطريقه بس عليهم باب يغطيهم

هاي افكار للمطبخ ولاحظي ان المكان كله خزاين عشان تستفيدين من كل انش

وهاي مطبخ الوانه رايقه بعد وانصحج تحطين طاوله طعام وايد احلى وانظف

مطبخ الزاويه وايد حلو والافضل بعد انك تحطين الفريزر العمودي
يعني على الواقف لانه ياخذ مساحه اقل وارتب ويفكك من الغوص هاهاها

هاذي غرفه نوم لونها هادي ودافي
ولاحضي ان الدريشه تدخل لون كثير ولو درايشج ماتستر ظلليهم احسن عشان تظل الستاير مفتوحه بالنهار



وهاذي فكره ثانيه اذا حبيتي تكون غرفتك مميزه الشغل كله فالسقف

هاذي افكار للتخزين في كامل الشقه

نورة مشكورة حبيبتي

امجاد مشكورة اختي تسلمين

نجمة النهار حلوة فكرتك وترى البني مع البرتقالي وايد حلو وعقبال ماتجهز وتسكنيها حلو اضافة اللون البني مع الفيروزي او السماوي

بكيفي احبه : مشكورة اختي افكارك مميزة وصحيح اهم شي التخيزن وفكرة الغسالة حلوة والمطبخ افكار التخزين وايد زينة وتصلح لي لاني عندي اشياء وايدة وكنت ناوية ارمي نصهم عشان المكان

غرف النوم افكر اسوي مثل اختي نجمة النهار انه جدار واحد او جدارين متقابلين بلون غامق مثل البنفسجي او درجات الاحمر انا فتحت الدريشة الي في حجرتنا انها تطل على البراحة يعني مستورة لو حتى فتحته مابيان شي بس لون لو الصالة بعد تضيفون افكار ماعليكم امر

بكيفي احبه انا مفكرة اهم شي اشتري طاولة 4 اشخاص في المطبخ لانه شوي واسع وحلوة فكرة الطاولة انظف لي

حلوة فكرة السقف ماادري اسويها ايه غريبة نوعا ما ؟!!!

شوفي حبيبتي اللي يناسبج وتوكلي على الله
بس نصيحه قرري ستايل معين وامشي عليه يعني لو تبين شقتج شرقيه حطي سجاد مشير حلوه واختاري صبغ يميل للالوان الرمليه واكسسوارات مناسبه
وعلى العموم خلي فكرج محدد عشان ما تحتارين فالسوق
ولا تاخذين شي الا وانتي عارفه وين بتحطينه وخلي لكل شي مكان تخزين
انا مثلك عشان كذا اقولك اهم شي التخزين ولا بتتعبين
واللي ما تحتاجينه ارميه احسن

وبالنسبه لغرفه النوم اشوف لو تختارين جدار غامق يكون لظهر السرير وبقيه الغرفه بلون هادي ومحايد
وتوصي بالاضاءه تراها تحلي كل شي
وانصحج شوفي الالوان للي عند دهانات الجزيره منزلين الشمواه المنقش وايد روعه
واي طلب احنا حاضرين

مشكورة بكيفي احبه بصراحة افكارك مفيدة ومناسبة صحيح اني للحين مب حاطة ستايل معين لي احس وايد محتارة بين استايل غربي وعربي مب عارفة شلون اترب افكاري واجمعهم بحيث تكون متناسقة ويكون المكان حلو ومتناسق وفي نفس الوقت مريح

مفكرة اني اصبغ نفس فكرتك جدار الي وره السرير غامق وانشاء الله اروح دهانات الجزيرة اشوف لي شي حلو مثل ماقلتي اتوقع انه الشاموا وايد حلو

UP UP