بترككم مع الصور
قطعنا اللحم باحجام متوسطه
وعقب نقطع البصل والطماط ونحمر البصل ليما يتغير لونه ونحط وياه الطماط والبهار
هذي البهارات الي بنحطها مع البصل والطماط طبعا يمكن تستغربون من طريقتي بس انا اسوي هالشكل مايخصني كيف يسون الناس
وبيكون شكله بعد مانحط البهارات هالشكل
في هالوقت نكون حاطين اللحم في الماي ليما يغلي وتطلع الزفره ونشلها
وعقب نحط الملح والبهارات والبصل والطماط
ونسكر القدر ونحسبه له بعد مايفوح الماي نص ساعه
انا في هالوقت جبت القهوه وقعدت اتقهوا
اذا قرب يستوي نجيب الرز ونحط معه شوي بهارات وليمون اسود وقرفه وشوي ماء على شان مايكون الرز كله مرق لحم ويكون دسم
طبعا لاحظوا حطيت عصير ليمون وهذا يخلي فيه طعم مميز لاتكثرون تقريبا نص فنجال
عقب مايستوي نحط مرق على الرز من مرق اللحم
ونغطي القدر ونقصر النار اذا قرب ينشف الماء نكون مجهزين بصل مع فلفل بارد
ونحطه على الرز ونسكر القدر
قبل مايستوي بدقايق نحط جمره في فنجال ونحط عليها شوي زيت يحط نكه حلوه في الرز
وبعدين نقول تفضلوا حياكم الله
تـ ح ــيآآآآتي
