((((بالخطوات المصورة طريقتين للصالونة الهندية من اختكم انفينيتــي))))

السلام عليكم ورحمة الله وبركاته

خواتي يبت لكن طريقتين للصالونه الهندية والحلو فيهن انج تقدرين تستغنين عن الفلفل الحار


الطريقة الأولى واااااااااااايد سهلة وسريعة بعد

المكونات:

دياي مقطع

4 ملاعق طعام بهارات مشكلة (كمون مطحون, كزبرة مطحونة، فلفل أسود مطحون، كركم مطحون، بودرة ثوم، مسمار مطحون، قرفة مطحونة)

بصل شرايح

ثوم مدقوق

زنجبيل مدقوق

زيت أو سمن

ملح

ملعقة كمون حب

طماط مقطع مكعبات

الطريقة:


اخلطي قطع الدياي ويا ملعقة بهارات وخليها ربع ساعة.

سخني الزيت في جدر مناسب، وقلبي فيه الكمون الحب و ضيفي الزنجبيل وقلبيه شويه وبعدين حطي الثوم وقلبي،

حطي قطع الدياي وقلبيها شويه وضيفي باقي البهارات وقلبي وبعدين صبي ماي وخليه يفور عدل
لين ما يخف السائل ويغلظ ويستوي مقدار السائل كوب أو كوب ونص




قلبي الطماط في الزيت لين ما يذبل شويه




ضيفي الطماط واخلطيه عدل وخلي الخليط على نار هادية لين ما تتجانس المكونات




بما اني من عشاق الفلفل الحاااااااااااااااااااااااار ضفت فلفل أحمر مطحون طحن خشن وفلفل أخضر
وطبعا ترومين تستغنين عن هاي الخطوة نهائيا




وهذا شكله النهائي...............طبعا بتلاحظين ان الزيت وايد بس تقدرين تقللين الكمية واللي يضحك
هنيه اني استخدمت نص مقدرات الزيت وبعد طلعت لي الأكلة هندية صدق