طرق تعطير الأماكن الحساسة>>مهم لكل عروس جديدة وقديمة :)

مشكوره والموووضوع أكثر من رااائع

تشكرون كلكم على تجاربكم وانا استفدت منكم وبدوبي احب افيدكم اولا انا متزوجه صارلي 18 سنه والحمد لله ما عنانيت بحياتي كلها من الاتهابات ولا افرازات والحمد لله ما راجعت دكاترة امراض نساء ولادة بس فترة الحمل وطبعا وقت الولادة قولوا ماشاء الله وثانيا بقولكم طريقتي الخاصة اهم شي اني محافظة على نظافتي الشخصية اني كل يوم اخذ شور واغير ملابسي الداخلية خمس مرات قبل كل صلاة وقبل النوم وبعد ما اصحى من النوم وطبعا لو اروح مشوار ضغير يعني طبيب او جمعية ارجع واتشطف موبس منطقة معينة لا كل جسمي واذا ماكنت محترة وشعري معرق اغسل بس جسمي بشور جل وما استغني عن السائل الصديق لي ولبناتي وحتى عيالي الاولاد عودتهم عليه بس والله يعزكم كل حمام فالبيت لازم يكون فيه علبة السائل الحميم نست اكتب لكم اسمه (سايتل او ستيال نقدرون تقولونه بهالاسمين لانه اسمه فرنسي اللغة) وعلى فكره يستخدم حتى للمواليد وتقدرون تتحممون فيه من شعر الراس لي اقدامكم لانه مطهر وقاتل للبكتيريا الضاره والجراثيم وينفع غسول يومي للي فيهم حب شباب واكزيما وصدفيه وجميع انواع الحساسيه بس بشرط حبايبي تكسرون الروتين كل شهر او شهرين ومايكون اكثر من ثلاث اشهر بغسول طبي ثاني حتى لو لمده اسبوعين وترجعون له وهذي الطريقة لازم تكون بكل شيء كسر روتين حتى فرش الاسنان والمعجون والشامبو والبلسم وحمامات الزيت وحتى اي زيت دهنون فيه شعوركم وترجعون للشياء اللي تحبونها بعد فتره سبحان الله الخمائر والبكتيريا الللي بالجسم اذا تعرفت على هالاشياء تتعود عليها وتقدر تقاومها وبكسركم للروتين تلخبطون السستم للميكروبات وتقضون عليها وسامحوني اكتب بدون فواصل ونقط مستعجله علشان ما تتشتت افكاري ههههههههههههههه وثالثا واهم شيء ايام الدوره الشهريه تغيرون الفوط الصحيه باستمرار وماتخلونها طول عليكم وبعد تحرصون على تغيير الملابس الداخلية اكثر من ثلاث مرات فاليوم ولكم يالبنات ياللي ماتزوجتوا والله يرزقكم بالزواج اللي يحبونكم ويخافون عليكم وبالذريه الصالحه ان شاء الله اذ لكم خاطر تعطرون ملابسكم الداخلية جهزوهم قبل الحمام وعطروهم بس من الاطراف من فوق عند محيط الخصر والسره وبس علشان ماتتعرضون للالتهابات والافرازات الكريهه ولكم انتوا بعد حبايبي النتزوجات الله يخلي لكم ازواجكم وفلذات اكبادكم والحين الكلام الخاص لكم يامتزوجات وللبنات حسن القراءة للاستفاده المستقبليه واكيد بس العرايس الجداد الله يهنيهم ولا يغير عليهم فرحتهم يكون واسمحولي المباشره والجماع يومي واكثر من مره باليوم وبعد مده اكيد كل وحده بتكون لها مع زوجها اوقات حميمه بايام معينه بالشهر يعني مو شرط كل يوم وكل ساعه وكل وحده منكم طبعا ادرى باوقات رغبات زوجها طبعا بالخبره اللي بتكون اكتسبتها بمرور الوقت المغزى من كل هالكلام كله عليكم بالغسول الطبي كل يوم ويكفي مو مره مرتين على الاقل الاكثر بس قبل النوم وبعده وطبعا وقت الاستحمام واما المسك طبعا بعد كل دوره شهريه وبس للبنات والحلوات المتزوجات بس قبل الاوقات الحميمه فقط ولاتكثرون بالمبالغه والله اعرف شكثر حريم وبنات من اللي يقربون لي على كثر نظافتهم اجهاضات الله يكافيكم الشر وتكيس والاتهابات وافرازات والسبب الافراط الزايد باستخدام العطورات للمناطق الحساسه ونصيحه نصيحه يا انسات ويامتزوجات لاتحطون البخور اللي مشبع بالزيوت المبثوث والمعمول والمسقي وغيره وغيره من تسميات تحت ثيابكم وانتم لابسينها خطره وتسرطن وتسوي عقم وبلاوي زرقه الله يكافيكم الشر بس البخور العود الكمبودي الصافي من غير اي اضافات والبورمي والماليزي والصيني لو تجنبتوا استخدامه مباشره تحتكم يكون افضل ويفضل لبس الفوط الصحيه للاستخدام اليومي قبل ما تتبخرون بس بالعود يكون افضل وعلقوا ثيابكم وعباياتكم على الشماعه وبخروهم قبل لاتلبسونهم اضمن لصحتكم وسلامتكم وطبعا الحجابات والملافع والنقابات عادي تحطونهم على روسكم وعادي بخروهم طبعا مافيه خوف انكم تبخرون شعوركم واذونكم وروسكم والله العظيم عندي بناتي بعدهم ماتزوجوا وحلوين ويدرسون بالثانويه وادعوا لبنتي العوده اخر سنه ثانويه تخلص على خير وتجيب معدل ونسبه حلوه دخلها الكليه اللي بخاطرها والحمد لله من يوم كانوا صغار لحد ما ابلغوا ولي هاللحظه عودتهم وعلمتهم على الطرق الصحيحه للاعتناء بنظافتهم وعمرهم ما اشتكوا من الااتهابات او الافرازات وطبعا انا اشيك على غياراتهم قبل الغسيل اخاف تكون وحده فيهم حايشها الاتهاب ومستحيه تقولي بس من باب الحرص عليهم مع اني واثقه ان لو وحده فيهم اشتكت من اي مرض او عندها مشكله عودتها تجي تقولها من غير خجل لان لا حياء فالدين والنظافه والاهتمام والمحافظه على الصحة من الايمان واتمنى اني اكون افدتكم وسامحوني على الاطاله حبيت اعطيكم من خبرتي ومشواري الطويل بالزواج والامومه ويارب ما اكون اغفلت جانب ولا قصرت معاكم ويشهد ربي علي اني صادقه معاكم والدين نصيحه وانتم خواتي بالاسلام وحبيت افيدكم ولكم مني ارق تحية وسلامتكم.

اللهم صل على محمد وال محمد

لي عودة قريبة بنات:096:

بنات غلط الي تستخدم السيستيال كل يوم هذا يقتل البكتيريا والوحدة اذا تبي تحمل تحتاج لبكتيريا في هذا المكان في بكتيريا نافعه هذا الغسول يقتل البكتيريا جميعها

يسلمووووووووو

درا الى اخواتي الحبيبات
على الموضوع
للاستخدام الشخصي انقع ملح مع ماء دافء
واغسل واعقم (......)
اكرمكم الله طبعا الملح يساعد على تعقيم وتطهير وتضيييق (.......)
احسه مره تمام وبعد الغسيل والتعقيم استخدم زيت الزيتون لترطيب ......
من وادي النحل اهو زيت الزيتون للجسم
واحس انه مره تمام
وانا استخدم من سنوات
بس الحمدلله زبط عندي
..................................
وبا النسبه للي ما اتحب العطور مباشهر على الجسم
راح اعطيكم طريقه انتو جربوها وادعو الي
بعد غسيل الملابس وفي نهاية الشطفه استخدمي كمفورت برائحة الزهور
الوردي او اي نوع بس انا افضل الوردي
بعد تجفيف الملابس وقبل لا ارتبهم علشان اصفهم في الدولاب
جيبي ورقه بيضاء ساده وبخي فيها اي عطر انتي اتحبيها ورتبي الملابس وحطي الورقه داخل الملابس
وبعد فتره لمن تجي تلبسين الملابس راح اتحسي انك مليانه عطره بس الريحه بتكون خفيفه
والريحه بتكون مميزه

طيب ياجماعه اشتري المسك الحجر ولا المسك الابيض ولا الاسود ولا اي واحد
واشكالهم بيكون ازاي
من عبد الصمد القرشي بيكون بكام ؟؟؟؟قولولي

up للعرايس:ok:

حبيبتي استخدام غسول كيرفري مره باليوم و مو كل يوم يعني 3 ال 4 مرات بالاسبوع اذا بنوته واذا متزوجه ضروري استخدامه بشكل منتظم من وجهة نظري

ايضا" استخدام حجر المسك من عبد الصمد المكعبات تطحنيها وحلوووووووه ريحتها كأنها بسكوت

وبعد فيه مسك العروسه حلو تاخذين نقطه نقطتين وتحطينها ع الاندر وير تبعك

وبعد بودرة المسك من بودي شوب او بودرة تالك حلووووووه


وتحطينها ع المنطقه معطره ورائعه

وبعد تجفيف المنطقه شي ضروري

ايضا" حف المنطقه يكون بشكل مستمر


تقبلي مروري ومشاركتي ودمتي بود

طرح جميل جداً

جميل هذا الطرح

انا بنوتـه .. واستخدم غسول [ كوب ماء ورد + 4ملاعق كبآآر مرررره مطحونه ] ~
طبعآ لان الديتول مررره مُضـر..
وهالغسول من [ بنت عذاري ]
طبعا امسح بالقطنه من برأ فقط ..
وريحة المنطقه مررررره نآإيـــــس ..
وبعد الدورة الشهريـة [ مسك ] ..

مشكوره

مشكورة اختي علي الموضع وكمان نشكر الاخوات حتي يستفيد الجميع ويتنور الله يدك العافية :037::049:

مشكووورين بناااات :adore:

:):):)

مشكوره ياعسل
موضوع رائع ومفيد
سلمت يداكِ