بنات قطر>>> تفضلوا شوي

هبات البخور 15-02-2008 16 رد 1,941 مشاهدة
ه
السلام عليكم ورحمة الله وبركاته
بنات اليوم رحت الستي سنتر وشريت لي كريم اساس من ماكس فاكتر
يوم رجعت البيت حطيته على وجهي عجبني يبين طبيعي مع انه افتج بواايد من لوني الطبيعي
المهم قلت بدخل على موقعهم وبختاار لوني الطبيعي دخلت وكانت المصيبة
اكتشفت ان اللي شريته تقليد :confused: الفرق وااضح بين العلبة اللي شريتها وبين العلبة على موقعهم :(
الحين ابيكم تسااعدووني يا بنات وين اقدر احصل ماكس فاكتر الاصلي في قطر
والله يجزاكم خير مقدما
ه
بنات وينكم :(
*
حبيبتي اللي شريتيه من اي محل ؟
~
مااتوقع تقلييد!!!
لان ماكس فاكتور عندهم انوااع واايد من كريمات الاساس
ويمكن اللي شريتيه مش موجود فالمووقع
*
بصرااحه اللي اعرفه انه هااي لاند فيه اصلي بس ماادري هالاياام كلشي مغشوش
ه
شريته من محل اسمه AVENUE جنب هاي لاند او مقابله
اللي شريته موجود بالمووقع لقيته بس العلبة تختلف تماما اشكره تقلييييييد
برفق لكم الصور وانتوا احكموا

هذا اللي شريته



هذه صورة نفس المنتج "الاصلي" من الموقع


لاحظوا اسم كريم الاساس متشابه لكن تختلف العلبة

كلي شموخ وضي القمر يعطيكم العافية
تظنون فيسيس او سيفورا يبيعون ماكس فاكتور الاصلي والا يمكن البيت الحديث؟
ساعدوني الله يجزاكم خير
ن
صدمتيني بصراحه

شوفي البيت الحديث مع اني ماتوقع انهم يبيعون ماكس فاكتور

بس على ماذكر فور يو هم اللي يبيعون هالماركه
d
اعتقد تحصلينه في فور يو :)
ه
فور يو في وين ؟
*
بتحصلينه في هااي لاند وعلى فكره هبات البخور اناا عندي نفس البودره بس انا مالتي نفس اللي في الموقع وشاريتها من هاي لاند اي صح اشكره تقليد !! وبعد ممكن تلاقينه في سيفورا
ه
برووح هاي لاند وامري لله بس ماادري متى المواصلات عندي مش ولا بد
خصوصا ان توي امس جايه من الستي بحاول بعد اروح سيفورا فيلاجيو
وان شاء الله القى الاصلي ولوووووووووووون بشرتي:(

الين اليوم شريت 3 كريمات اساس وبودرة مضغوطة وكلهم يختلفون تماما عن لوني
من ماك عطووني لوون غااامق مع انهم والله شافو لون بشرتي<< ماادري يصير ارجعه لهم؟
واللي شريته امس فااااااتح
ومرة شريت على كيفي وطلع غامق
الله يسر اموري
مشكورين بنات الله يوفقكم وينولكم اللي في بالكم ما قصرتوا
الله يجزاكم خير :8875::8875: وكلكم تستاهلون تقييم حلو مثلكم
ن
فور يو في السيتي الطابق الثاني
أ
شوفي صيدلية البوتس

عندهم ماكس فاكتور
ح
اختي نصيحتي لج
لاتشترين ميك اب من محلات مش معروفه

يعني اشتري من المحلات الكبيره
نفس
هاي لاند ميرش باريس قالري وجوه
ونصيحه ثانيه اختي

لين تشترين بودره ولا كريم اساس
لاتجربينها الا على بشرته ويهج
لاتجربينها على يدج لانه يدج اكيد اغمق من ويهج من فعل الشمس

نصيحتي قبل لاتروحين كوني مستعده
يعني غسلي ويهج وحطي كريم مرطب او بيس وتغشي طبعا خخخ << شفيها
بس عشان ماتتأثر بشرتج من الشمس
بعدين لين تجين تجربين لاتروحين تجربين على طول لا
دوري بالمحلات عشان المكيف والبروده يعني تكون بشرتج بارده ومب مرطبه من الشمس والحراره !

بعدين لين جيتي بتجربين جربي على ويهج ,, لاتجربين على يدج
الصراحه انا تعلمت هالشي عن تجربه لانه كنت قبل محتاسه نفسج وماقدر احدد لون بشرتي شلون ودايما يااختار افتح او اغمق من لوني



تحياتي لج
ه
نصفه الثاني
ان شاء الله في القريب العاجل رايحة له

أماني ذبحها الغياب
مشكوورة حبيبتي على المساعدة الطيبة

حدائق بابل
جربت كريم الاساس على وجهي مرتين وبعد ما فلحت
وحده في العرس انعرفها قالت لي هبات ليش صرتي سمراههههههههه
واليوم قلت اجرب احط ماكس فاكتور و اروح بيت جدي يوم شافوني يقولون فيج برص ؟ هههههههههههههه
حالتي صعبة ادري هههههههه

تسلمون حبايبي اخدمكم في افراحكم ان شاء الله(f)
م
حبيبتي اشكره تقليد@شوفي هاي لاند@ولله يعوظج
ه
تسلمين مناري الوردية على الرد
ايه خلاص هاي لاند رايحته رايحته باذن الله
X